align="left">كل شبر بهالوسيعـه ملـك ربـي تعلميـن وأعلم إن اللي خلقني هو خلق لـك هالعيـون
align="left">لكن انتي من جلستي وانتـي فينـي تحدقيـن كن ما به ناس غيري بهالكراسـي يجلسـون
align="left">لو سمحتي عاد أسمعي وحتى لو ما تسمحيـن المهـم اللـي بقولـه تسمعينـه و يسمعـون
align="left">ع الأقل ليا نظرتك سـوي روحـك تستحيـن غضي طرفك مثل غيرك خوف ربعي يلمحون
align="left">الركادة عاد زينة والحياء فـي البنـت زيـن وفيـك جآزم لا ركـادة ولا حيـاءٍ يـذكـرون
align="left">تعرفينـي ؟! أعرفـك ؟! ماأذكـر إنــا ملتقـيـن لا أعرفك من تكوني و لا تعرفي مـن أكـون
align="left">وإطمأني إن كان قصدك بس فينـي تشبهيـن ما هـو أنـا إلي تعرفيـه والبشـر يتشابهـون
align="left">مـا دريتـي من التشابـه يخلـق الله أربعيـن وأعرف أربع يشبهنك بـس والله يستحـون
align="left">وإن كان قصدك شي ثاني عاد قولي وش تبين خايف إنا نصير فرجة وإللي ماشتروا يتفرجـون
align="left">وإذا ببالك عاجبتنـي لا يحوشـك تحلميـن صح ربعي من جمالك فيـك صـار يمدحـون
align="left">بس وش لي في حلاتك دام فيهـا ترخصيـن حشمة البنـت وحياهـا والكرامـة يلفتـون
align="left">ولو توفر فيك هـذا مـع حلاتـك تبشريـن ما هو أنا ألف غيري بـاب بيتـك يطرقـون
align="left">وش علامك رغم كل اللي أقولـه وتسكتيـن مو طبيعي هالسكوت وهالبـرود وهالسكـون
align="left">إنتـي خرسـا أسألـك ولا منتي تسمعيـن؟؟ قالوا ربعي ذي كفيفـة قلـت لا لا تمزحـون
align="left">لين شفتك يوم رحتـي يمسكونـك باليديـن ما دريت إلا عيونـي أربـع أربـع يذرفـون
