لهجات سعوديه للي تبي تتعلم

مجتمع رجيم / منتدى بنوتات

كتبت : قمر السعودية

السلام عليكم ورحمة الله وبركاته

لهجات سعوديه من جميع المناطق

تسذا
.. المعنى واضح يعني كذا ولازم تقولها وانت ماد براطمك لتحت

فيذا ..
يعني فيذا . هنا . " حط العشا فيذا " يعني هنا

مير
..هذي مالها معنا بس اذا سمعته احد قالها اعرف انه من اهل الرياض الاصليين

غديه او غديها .. يعني كوده او كودها ... (( يعني بيفهمون الثانيه ))
مثال الابو لولده التسبر " رح ادرس يمكن اخوانك يغارون منك ويذاكرون " او رح ادرس غديك تنجح باتسر وتطلع دختور ...

صزز
.. يعني صدق والا صززيه يعني صدقيه

زلابه .. يعني بطه مالها معنى ثاني

دبووووج .. هذي شينه يعين اذا واحد قالها لك تراه يسبك اقرب شئ له كمخه

دلخ ..انظر اعلاه

شدوق ... يعني خدود عند اهل الشمال

الطش ... اسرق او اخذ من غير استاذان

ء ء .
.وتطلع من الحلق مثل اذا جيتا لبزر وقلت له عطني الكوره بيقول لك " ءء " وبيرفع خشته فوووووق وهو يقولها ...معناها منيب او لا

هزع .
. يعني طمن او انزل شوي ,,, اللي تبي

منهو ..
افصلها لكلمتين وتعرف معناها

مهوب او مهيب.
.بالعربي ( ليس ) مثل " هذا الدفتر مهوب لتس يانوير هذا الدفتر لاختس دليّل "

هقوتي .
. يعني ( اظن ) مثل " هقوتي انه فيذا

توحي ..معناها تسمع ,,, اذا جيته تسلم على شايبن من شيابكم تهزع على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه عشان يسمعك ) وبيقول لك من انت ولده ... الخ " طاش ماطاش دائم يقلوها

كتر .
.ويقول الوا! حد لاخوه وهم يتغدون من صحن واحد " لا تاكل من كتري يعني لا تاكل من نفس المكان اللي اكل منه "

جغمه .
. يعني جرعه او رشفه!! مثال : صديقك راح الدكان وشرا ببسي واحد وقعد يشربه لحاله وانت عيونك شوي وتناتق تقوله ياااخي عطني جغمه ( اعتقد فهمتوها )

بصرك ..يعني بكيفك .... تقول لواحد تعال معنا ... ويقول لك لا منيب جاي ,, ترد عليه "بصرك

بعدي .
. يعني مثلا يقول الابو لولده ,,, بعدي ابوي . بس مدري وشلون تنشرح المهم معناه زين مهوب شين

امصع ..يعني اسحب بقووووووه مثل الام اذا قالت لولدها تراني بمصع اذنك لو ما درست اومثال اخر (( اتركي اخوك لاتمصعينه))

امحق
..هذي والله نشبه ما ادري وشلون اشرحها لكن ابحاول اعطيكم مثل اللي بيفهم زين واللي مهوب فاهم احسن يعني حبكت الا يفهم هذي .
المثل
: الابو يقول لولده ترااا باتسر ابيك توديني لزواج قصرانا يرد والد ويقول والله اسمحلي انا مواعد ربعي في الاستراحه عاد الابو يقول امحق من ولد عاد يرد الولد اقول خلاص

يدربي بمعنى انه مايدري وين الله حاطه
للمعلوميه يدربي غييير يتدربى
الاولى مثل ماقلت لكم
الثانيه امممم تعرفون كيف الواحد اذا كان سمين مايقولون له تمشي يقولون تدربى اسرع خخ يعني دحرج نفسك اتحدى احد فاهم

كنادر .
. تكرمون جزمه

زبيريه
..نوع من النعال تكرمون وهو احسن مبيد للصوارير والضواطير ! والحشرات الزاحفه الاخرى

سرسري .
.يعني سربوت سربوت ........ يعني داشر داشر ,,,,,,, يعني صايع في الشوارع وهو اسهل واحد يطيح في التتن تتن ......... دخان

برندا .
.ميراندا,, لان اول واحد قالها في الرياض كان مزكم وقال براندا

محلي
..مصدي

يا خزياه
..اكثر من يقولها العجز الله يخليهم لنا ولا يحرمنا من حتسيهم يعني انها استحت وهي وضع الاصبع تحت العين ومطهاااا الى ان تصل للفم
وهومصطلح ينتشر عند بعض الناس يقالهم مثل ماقلت مستحين ، وهم وجيه بن فهرة ووجه بن فهرة هو الوجه المغسول بمرق
مااااحبها هذي الكلمه خصوووصا اذا كنت بعرس وعجيز تناظرني بنص عين

صواني .
. رح للجنادريه وانت تعرف وشي ,, ترا مهيب السوق

سماط .
.ماله داعي تروح للجنادريه , رح لاقرب محل مواعين وقل عطني سماط ,,,,, سفره

ملاس ..ملعقه كبيره مخفسه ننتسب بها الغدا

مراصيع
.. قطرت سعبواتي ، اسالواماتكم ويعلمونكم عنها تراها تنوكل

ترم ترم..فلم كرتون نسميه منول ترم ترم وبعض البزران يسميه ابو تتنه (! ( اللهم لك الحمد ))
وغيرهم يسميه ابو ذنب (( ياربي لك الحمد ))
وعيال النعمه يسمونه النمر الوردي وهو اصلا بنك بانثر

قاف ..منطقه غير معروفه احتارو فيها اكبر علماء الجغرافيا والتاريخ والفلك والاثار في تحديد مكانها ودايمن تقول الام لولدها اذا ازعجاها " رح في قاف "

عوافي الله .
. هذي الكلمه عقدت كل البزران دايمن تستخدمها الامهات لتخويف البزران اذا بغو يطلعون للشارع بالليل وتقول ترا بتجيك عوافي الله

غدى .... تعني ضاع

" ومصع "

دعوة عند القصمان وتأتي بعدة أوزان : مصع ، يمصع ، ممصوعا ،،
مثال مصعك الشر قولي امين

" ياهملالي "
منتشرة عند النحوتين والنظولين
مثال :منيره : مادريتي مريم توظفت ؟ ،، حصة : ياهملالي عندها واسطة<<< منقهررررة

" أوايق "

هذه الكلمة تنتشر عند الملاقيف ، معناها أناظر وأناظر معناها أشوف !! ولها نطق اخر هكذا اويدزز
مثال : حصه : خير وش عندتس رازتن خشتس عند الدريشة " النافذة " ؟؟ ،، منيره : أبد ، أويدز على اللي يفحطون

" أعبطه "

أعجنه واسويبه فطاير

" قوه "

كلمة من أصل إنقليزي " والله محنب سهلين "
معناها تخاويني؟ ، مثال : حصة : قوه معي للسوق ،، منيره: مشينا ، كلش إلا السوق ، تخاويها وهي مغمضه

" حوّل "

وراكم طيرتوا عيونكم ياشباب، ترى منيب بالنجدة ، بس حوّل يعني : انزل

" شنق "

لحووووول ترى عندنا كلمات كذا تدل على الاجرام بس هذي غير اللي تعرفون هذي تعني : جهة

" هماه "

وتجي بمعنى " مب كذا - مو "

" نيم "

وتعني : نائم

" تهقى "

تعني : تظن؟ ، والاسم منها " هقوتي " اي أغلب ظني
مثال :مريم: تهقين حصه تجي ؟ والله ما اهقى انها تجي وراها هالكشة تستشورها

" بوه "
أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ، وينهوبوه، وتقول هالكلمة وانت ماط بوزك شوي

ولله الانجليزي اسهل وارحم

كتبت : دفاعمري

ههههههههههههههه حلوووه (ياهملالي )

تقبلي مروووري ويعطيك العاافيه قمرنااااااااااااااااااااااااااااااااااا

كتبت : نود

شـكــ وبارك الله فيك ـــرا لك ... لك مني أجمل تحية .

تسلمين علي التوضيح

كتبت : (بريق -أمل)

هههههههههههههههههههههههههه

تقبلي مروري

كتبت : ღ♥ بسمة الحياة ღ♥

[align=center]مير الله يسلمتس هوقتي انك صازة في كل حيتس عشان تسذا عشائك في فيذا بفرش السماط وبالملاس لاحلى مراصيع لاحلى قمر بالسعودية000

هههههههههههههههههههههههههههههههههههه
تسلمي حلووووووووووووووووووة[/align]

كتبت : قمر السعودية

مشكورات يا بنات

وراح اجيتس يابسمه واتقهوى عندتس وعود علييتس باتسر واتعشى

الصفحات 1 2 3

مواضيع مميزة قد تهمك

مين فيكم كانت بتعمل كدا مع صحباتها

لهجات ليبيا المختلفة

المقدسية تتعلم وتنزل لكم الابداع

شوفوا البنات بتعمل اية فى الولاد !!!!!!!!!!!!!!

تألم حتى تتعلم