مجتمع رجيمالاطباق المتنوعة

دجاج بالفريكة والليمون من مطبخي الخاص

[read]
يم يم يم

هاي الطبخة عملتها اول يوم رمضان كانت جد رهييييييييييييييييبة

اول شي جبت 3 جاجات غسلتهم ونضفتهم كتير منيح

وبرشت بصلة وراس تومة كامل وتبلت الجاي فيو بالاول بعدين حطيت خلطة بهارات حسب كمية الدجاج
البهارات بتزيدي الكمية

2 م زنجبيل
لومي مطحون ( معلقة بس )

2 م كاري

2 م بابريكا

1 م بهارات تندوري وهاي بهارات جبتها من الامارات ومعلقة لانها بتشلفط كتير ( يعني بتحرق كتير )

1 م دبس رمان وهاد الطعم السحري والرهيب للخلطة بس لا تكترو لانو كترتو بتخلي الطعم مر

2 م بهارات الدجاج بتنباع بالسوق

1 م قرفة

وملح وفلفل اسود طبعا


وبنعصر حبتين ليمون على البهارات وبنحط كاتش اب على الخلطة كمان يعني لحد ما تصير البهارات متل العجينة اللزجة وبعد هيك بنتبل فيهم الدجاج

نبلش بالفريكة كاستين على 3 جاجات
طبعا بتنقعيها بمية باردة لمدة ساعة
بتفرمي بصلة فرم نااعم مربعات وبعدين بتحطيها على نار مع زيت قلي بتحمي زيق القلي وبعدين بتحطي البصل وبعدين يتضيفي نص كيلو لحمة مفرومة ناعم على البصل مع ملح وفلفل اسود وملعقة زنجبيل وملعقة قرفة وبنضل نحرك لحد ماتستوي اللحمة وبنصفي الفريكة وبحطها على البصل واللحمة المفرومة وبنقلبها وبنكون عاملين مية مغلية بنضيف المية المغلية على الفريكة عشان نفلفلها ونستويها هلا ما تحطو كتير مية يعني يغطي الفريكة شوية مو كتير وبغطيها لحد ما نحس انها استوت وبنطفي عنها

بالصينية بنحط زيت قلي


وبعدين الدجاج طبعا بكوون مقطوع بس من النص من عند الصدر بنفرد الدجاج على بطنو وبعدين بنحشي الفريكة بالجلد تبع الجاج وحوالينو على الصينية وكمان فينا نحط تحتو وكلو طبعا بيتاكل يم يم يمي
وبنحط لمدة ساعة بالفرن على حرارة عالية طبعا بنحط التتبيلة تبعت الجاج على الجاج كمان اللي بتكون محل الجاج في صنية التتبيل وعفكرة حطي ليمونة زيادة على الجاج قبل ما تحطيه بالفرن وبعدها
بعد الساعة يعني طلعي الجاج وحمريه من فوق طبعا بعد الساعة بكون شور انو مستوي ازا مو مستوي ممكن تحطيه كمان ربع ساعة بس مو اكتر مع انو بعد الساعة ازعم جاج بكون مستوي خخخخخخخخخخ

وبعدين بنحط بصينية التقديم والفريكة حوالينو اللي حطيناها من تحت وبيتاكل بالهنا والعافية

حطو جنبو لبن روب يم يميييييييييييييي كتير طيب

خخخخخخخخخ

ما تخافو اللي عامل رجيم ياكل السفينة بس مع الفريكة
وبالهنا والعافي على قلوبكم حبيباتي

[/read]
وردة الأقحوان
فعلا وصفه جميله جدا
بارك الله فيكى انا يا اختى بعملها بس البهارات
بتختلف من بلد الى بلد
بس بجد جميله جدا
موفق بإذن الله ... لك مني أجمل تحية .
مامت ناهد يسلمو عالمرور

فيكي تحطي البهارات اللي بتعجبك

جربيها وادعيلي
يسلمووووووووو ايديكي حبيبتي

باين عالوصفه شهيه كتير

وانا بعمل الفريكه بس بطريقه تانيه

بتمنى نشوف اكلاتك المصوره يا عمري
وصفه حلوة للفريكه
تسلمى ويعطيك العافيه
سلمت وسلمت ايدك يا عسل
والله يعطيك العافية
1 2 
كلمات ذات علاقة
مطبخى , الخاص , بالفريكة , دجاج , والليمون