ليكن رمضان بداية انطلاقتي يَا أَيُّهَا الَّذِينَ آمَنُوا كُتِبَ عَلَيْكُمْ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ

فانوس رمضان وخطه 442

muslema
وردة مبدعة
قديم 09-08-2009, 07:11 AM
#1

فانوس رمضان وخطه 442 get.php?filename=115

فانوس : سمعت عن خطة 4-4-2 للقاء رمضان؟


أنا : نعم!!!! نعم!!!! احنا هنهزر ولا اية؟؟؟


فانوس : لا والله مابهزر ولا حاجه!!!!! دى عبارة عن
طريقه للعمل فى رمضان



أنا :امال بتقول 4-4-2 لية بقه؟؟؟؟


فانوس : بص ياسيدى 4-4-2 دى يعنى

اربع حاجات لازم نعملها قبل رمضان

واربعه تانيين لازم تعملها فى رمضان

واتنين بقه بعد رمضان كده وعليك خير


أنا : طيب الله يخليك وضح شوية؟؟؟؟


فانوس : حاضر انا تحت امرك
بس سمعنى الصلاه على اللى هيشفع فيك



أنا : عليه افضل الصلاة والسلام


فانوس رمضان وخطه 442 32.gif


فانوس : بص ياأخى

الاربعه اللى قبل رمضان دول كالاتى :

(1) لازم تعرف فضائل الشهر الكريم


أنا : ماكلنا عارفين فضائل الشهر ياحاج ؟؟؟


فانوس : لا لا مش كده !!!! انا قصدى تتدبر فيهم
وهاقولهم لك بإختصار
فيه : تفتح ابواب الجنه
وتغلق ابواب النيران
وتصفد الشياطين
وهو كفارة للخطايا
وللصائم فيه فرحتان
والدعوة فيه مستجابه
ويشفع للصائم يوم القيامة
وهناك المزيد لا يحصى ولا يعد
ماشى كده تمام


(2) التوبة

(3) الاكثار من الطاعات
مثل صلاة النوافل والاكثار من قراءة القراّن والذكر .....الخ


(4) التحلل من المظالم

فانوس رمضان وخطه 442 32.gif


أنا : ماشى كده عرفنا اللى قبل رمضان مع أني أساساً مش عارف هعمل بيهم ايه ورمضان من الاصل دخل علينا

المهم قول بقى اللى فى رمضان؟؟؟؟





فانوس : بص ياسيدى وانت فى رمضان لازم تخلى بالك من الاربع اشياء دول:ا


(1) الاستعانه بالله على فعل الطاعات

(2) استثمار كل لحظة فى كسب الحسنات

(3) التأمين على العباده


أنا : بس بالراحه شوية عليا يعنى اية بقه التأمين على العبادة؟؟؟؟


فانوس : بص ياخى التامين على العباده يعنى

لازم انك تدعو من اخوانك من يعمل مثل عملك

حتى تأخذ الثواب ضعفين ولو تساعد فى افطار مسلم ....على حسب قدرتك


(4) حسن الظن بالله


أنا : ماشى كده تمام والحمد لله ايه بقه الاتنين اللى بعد رمضان


فانوس : صلى على النبى الاول


أنا : علية الصلاة والسلام


فانوس رمضان وخطه 442 32.gif


فانوس : (1) الثبات على العمل الصالح


(2) شكر الله على ان وفقك لطاعته وعبادته



فانوس رمضان وخطه 442 32.gif

فانوس : يبقى كده خطه 4-4-2 للقاء رمضان
اوعى تنساها والا خسرنا اللقاء


أنا : ممممممممممم

فانوس : مالك ... اطمئن أنا الزياره اللي جايه هجبلك جدول جامد أوي تمشي عليه في رمضان

أنا : طيب متتأخرش عليا يا فانوس







انتظروا فانوس وبقية الحكايه في الحلقه القادمه


فانوس رمضان وخطه 442 index.php?option=com
muslema
وردة مبدعة
قديم 09-08-2009, 07:12 AM
#2
فانوس : السلام عليكم ورحمة الله وبركاته



أنا : يااااااااااااه ... وعليكم السلام ورحمة الله وبركاته

فينك يا عم فانوس



فانوس : سامحني يا صاحبي :) .... وانا جايلك في السكه قابلت ناس صاحبنا وكنت بقولهم على الخطه




أنا :
طيب الحمد الله انك جيت ... بس اياك تكون اهديت الهديه اللى اتفقنا عليها لأي شخص



فانوس : الهديه موجوده ... بس المهم انك تكون منتظرها



أنا : بيني وبينك قعدت اول يومين منتظره وبعد كده الدنيا اخدتني



فانوس : ماهو لازم نحل المشكله من جدورها يا صاحبي



أنا :
مش عارف ، زي ما أنت شايف انا تايه ومش عارف امشي فين ولا اعمل ايه



فانوس : بص يا أخي

كل واحد مننا عنده ذنوب ومعاصي

وكل واحد بعيد عن ربنا مش مرتاح

وتعبان

ونفسه يقرب

بس املهم انه يكون فعلاً نفس يقرب من ربنا ويحس بقربه وحبه



أنا : والله نفسي أوي ... نفسي اقرب من ربنا




فانوس : طيب ركز معايا

وصلي على حبيبك النبي



أنا : اللهم صلي وسلم وبارك عليه



فانوس :
علشان نبدأها صح ورمضان يبقى فعلا فرصه للتغيير يبقى لازم ناخد الخطوات دي

أولا : الإحساس بالخطر
: لو عرفت خطورة الذنب، ستسعى للمغفرة .. لو عرفت شدة عذاب النار، ستسعى للعِتق.

وطبعاً انا وأنت عارفين ايه هي ذنوبنا وخطورتها مش بس صحوبيه واغاني وتقصير في الصلاه و و و



أنا : :(



ثانيًا: الاستحياء من الله عز وجل .. عدِّد نعم الله عليك .. ويكفي أن منّ عليك وبلغك رمضان، رغم إنك لم تفعل شيئًا كي يصطفيك الله سبحانه وتعالى هذا الاصطفاء .. استحي من الله الذي يتودد إليك بالنعم وتقابل أنت ذلك بالمعاصي .. و




ثالثاً : خطوات التوبه

(1) الاقلاع عن الذنب : اقفل كل ابواب الذنوب ، سواء نت او اصدقاء او تليفون او تلفزيون او او او

(2) الندم : قال رسول الله "الندم توبة" [رواه ابن ماجة وصححه الألباني]



(3) أن تكره الذنب وتعزم على عدم العودة إليه أبدًا .

(4) استبدل السيئة بالحسنة .. ودا بقى الجدول الهديه اللى اتفقنا عليه




رابعًا: دلل على صدق توبتك .. بأن تبذل المجهود في الطاعة وتسارع في الخيرات ولا تتردد ..



خامسًا: عليك أن تشغل نفسك بأركان القبول .. وهي: الإخلاص ومتابعة النبي



سادسًا: حدد هدفك وصحح نيتك .. فأهم شيء في أعمال رمضان هو نيتك،




سابعًا: الجدية في السعي .. لقوله تعالى {..خذوا مَا آَتَينَاكم بِقوَّةٍ ..}[البقرة: 63]،
فقد مضى زمن النــــوم.



ثامنًا: الرفقة الصالحة .. كي يعينك على الطاعة.

تاسعًا: الموازنة بين الأعمال .. لا ريب أنَّ الفرائض أعظم وأفضل من السنن والنوافل، والسنن الراتبة أعظم من السنن المطلقة .. فقدّم الفرض على النفل .. ولابد أن تحرص على الأعمال الفذة الكبيرة في هذا الشهر، وأعظم الأعمال على الإطلاق هي الصلاة على وقتها.



هااا فهمتني ولا نمت :)



أنا :
لا معاك والله



فانوس : يعني هتوعدني على تطبيق اللي اتفقنا عليه



أنا : نعم ، وهات الهديه بقى



فانوس :
اتفضل يا سيدي

يومك في رمضان من المغرب للمغرب

اضغط هنا للتحميل



أنا : جزاك الله خيرا يا فانوسي



فانوس :
انا همشي الان واكيد هرجعلك تاني بس بعد ما اشوفك منك اللى اتفقنا عليه



:) انتظروا فانوس في الحلقه القادمه



اضافة رد

العلامات المرجعية

فانوس رمضان وخطه 442


« موضوع رمضان 2 : بَادِرُوا إلَى السِّباقِ للمجتهدين في رمضان »

أدوات الموضوع
انواع عرض الموضوع


الموضوع كاتب الموضوع المنتدى مشاركات آخر مشاركة
تاريخ فانوس رمضان Hayat Rjeem الموضوعات المميزة فى قسم التاريخ 2 06-28-2014 10:39 PM
فانوس رمضان من تصميمى زهرة الليمون إبداعات العضوات بالفوتوشوب 6 07-21-2013 08:47 AM
فانوس رمضان من منزلي دينار عدسه عضوات رجيم .. من تصويرى 18 07-11-2012 01:09 PM
طريقة صنع فانوس رمضان 3 ساكورا زهرة الكرز قسم الإبتكارات و الأعمال اليدوية 11 06-29-2012 09:25 PM
**..فانوس رمضان..** أم عمر و توتة الموضوعات المميزة فى التجارب والحلول المنزلية 15 07-18-2011 01:36 PM

الساعة معتمدة بتوقيت جرينتش الساعة الآن 06:54 AM. : .
المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
جميع الحقوق محفوظة Rjeem 2015
Powered by vBulletin® Version 3.8.7, Copyright ©2000 - 2018, Jelsoft Enterprises Ltd.
Content Relevant URLs by vBSEO 3.6.0
منتدى رجيم منتدى مستقل