آآآآه ياصدمـــــــــــــــــــــتي

السلام عليكم خواتي والله اني اكتب وقلبي ينزف وعيني تدمع من صدمتي تذكرون موضوعي مع اهل زوجي ان بينا مشاكل تخيلوا من سبة هالمشاكل اللي بيني وبينهم طلعت وحده من خواتي تنقلهم اخباري اول باول وانا خطأي اني كنت اقول لاختي ادق تفاصيل حياتي واذمهم عندها لانهم هم اللي يبتدون بالمشاكل وكانت تقولهم اي شي اقوله فيهم وهم بدورهم ينقلونه لزوجي وانا اشوف زوجي معاد يتقبلني واي كلمه يحاسبني عليها والله والله دعيت ربي يضهر الحق وتخيلوا زوجي صارت بينا مشكله وجاب سيرة اختي بدون قصد منه
وقالي على كل سوالفها وهي صحيح انا قايلتها تخيلوا تقول لاهل زوجي انا افكر اطرد اختي من بيتي حتى ماتحسدني ولا عاد ابيها وانا على نياتي ادق عليها واعزم نفسي لاني ماابي اقاطعها ولا المصيبه الاعضم كرهت اخواني فيني صاروا معاد يحبون حتى قعدتي تخيلوا اهل زوجي يروحون زياره لها وانا عند اهل زوجي ماتعزمني والله استحقار لي تكفووووووووون قولولي شلون اتصرف معاها لانها مازالت تسولف وتزن على راس ام زوجي مع اني معاد اروحلها ودي اعلم اخوي عليها يحط حد بس زوجي قال لاحد يدري بالموضوع ترا والله ننفصل تكفون ابي حل شلون اسدفم اختي اللي للاسف عدوتي

الله يكون معاك
ليش ماتتفاهمي انت واختك تعزميها في بيتك وتفهمي منها ليش تسوي كذا
يمكن هي تسوي كذا لانها غيرانه او احد قالها شي عنك ياكثر اللي يبون يفرقون بين الاهل هالايام
حاولي تهدين لها اي شي غالي عاى قلبها وقولي لها بمناسبة العيد
تقربي لهاعلشان تكسبين قلبها لانك لو عاديتيها راح تخرب بيتك
يارب ادعوك في هذا الشهر الفضيل ان يجعلك نور عين زوجك ويبعد عنك عيال الحرام يارب العالمين

بصراحة دام انها هي اللي تنقل الكلام الله يعينك

بس ادعي ربك يصلح اللي بينك وبين زوجك واهم شئ تظهرين لهم المودة والعيد جاي ويارب تتصلح الامور

ولا تقاطعين اختك هذا اهم شئ <اتصلي عليها وصارحيها

ولا تكبرين السالفة لانها مهما كان اختك

انتى اكيد الحين دايخه ومنتى عارفه ويش تسوين وعصبيه ولاعارفه صديقك من عدوك

واى خطوة تسوينها بتزيد المشكله الله يكون بعونك انا اعتقد افضل شيئ الحين هو تهدى

تهدى اعصابك وتهدى كل شيئ من حولك بصرحه انا مش مع الهديا الحين لان النفوس مليانه واول شيئ بقولوا ايوة عارفه روحها غلطانه عشان كذا بتهدى

اهم شيئ الحين لاتثقى بحد وسرك لنفسك وخلى رب العالمين وكيلك هو قادر على كشف من ظلمك
وينور بصيرتك

الشيئ الثانى يالغاليه الكلمه الطيبه حسنه تكسرى فيها فى لسان عدوك يعنى ويش مايقولوا عنك قولى
الله يسامحكم انا حسبى الله ونعم والوكيل كل ماسميتى اسم رب العزة والجلاله زادك وقوة وكسر شيطانهم ونزل فى قلبك السكينه

وانا برئى الحين لازم تكون اكثر قوة وثبات تعرف ليش لان انا بعيدة عن المشكله ونظرتى تقولى
ان الفرج قريب بديتى تعرفى من سبب المشاكل ذى كلها الحين عرفت اختك بعد يومين بتعرفى من خلى
اختك تسوى كذا يمكن قلولها على لسانك شيئ موبصحيح وصدقت وعشان كذا خذت منك موقف

وقبل هذا وذاك زوجك اهم شيئ تزيدين له الاهتمام ولاتوترينه ولاتعلميه بشيئ عن الموضوع خلاص
لان المشاكل هدفها هو علاقتك مع زوجك دام العلاقه ماتأثرت قولى الحمد الله وانتى بألف خير
وخليكى قويه

خواتي والله ضاقت حيلتي كل يوم ابكي وفي حالة صدمه ماني غارفه شلون اتصرف ودي اجمع اخواني وهي معاهم واناقشها بصراحه وابين حقيقتها لهم بس زوجي محذرني لاحد يدري تكفون والله تعبانه وان خليتها راح تستمر شسوي

بقايا امل ...


اسمعي الي بقولج عليه ...


يمكن اختج غلطت لانها تنقل الكلام

واهل زوجج قسو معاج

والكلام انتقل لزوجج وصارت مشاكل


بس من هو اساس كل هذه المشاكل ؟؟؟؟؟


اختك .... خطأ مش اختك


اساس هذه المشاكل انتي


نعم انتي



انا لا الومك الان بس تغيري للأفضل


اكبر غلط ان الزوج تطلع اسرار بيتها واسرارها الزوجيه لو بسيطه مثل اليوم الغدا مش حلو خارج بيت الزوجيه ...


واذا كنتي تحبين زوجج ... احشمي اهله ولا تتكلمين من وراهم بالسوء لو كانو سيئين لان حشيمتهم من حشيمت زوجج


لاتنصدمين من اختج ... والحمدالله انج عرفتي ان حتى اختج القريبه منج ممكن تنقل الكلام وتسوي مشكله ...


الحل :-


بالتغيير

1- غيري من طباعج ... و تفاصيل حياتج الزوجيه لاتطلعينها ومشاكلج مع اسرة زوجج او مع زوجج لاتطلعينها خارج البيت ... لان اي دخيل راح يكبر المشكله والله اعلم الناس شلون يتناقلون الكلام ..

2- اختج لاتقولين لها شي عشان تحافظين على حياتج مع زوجج ولاتقولين لها شي كلش كلش كلش وبالعكس اذا سألتج اشلون اهل زوجج معاج .. قولي الحمدالله زينين ... واذا قالت مثلا ما يسون لج مشاكل ؟؟؟؟ قولي لا

3- معاملتج مع اهل زوجج حاولي تغيرينها حتى لو انتي مش غلطانه معاهم .. اذا جاتج منهم كلمه مش زينه .. تذكري العفو عند المقدره وسوي نفسج ماسمعتي وطنشي اهم شي انتي وزوجج تكونون مرتاحين .... اما كلام اهله لاتاخذينه على محمل الجد لاتردين عليهم الا بالتي هي احسن ولا تتحسبين عليهم جدامهم .. مثلا قولي حق ام زوجج اذا انتقدتج مثلا وقامت تقول ليش ماتسوين كذا مثلا (( قولي ان شاء الله )) وابتسمي لهم دايما لان الابتسامه هي اول طريق للقلب ... اذا حد فيهم مرض تطمني عليه وقولي له اذا احتجت اي شي قولي ومثلا روحي صبي له شاي وقولي اشربي شي ساخن او قولي للمريضه اسوي لج عصير برتقال ؟؟؟ ومن هالكلام

4- مهما صارت مشاكل بينج وبين اهل زوجج وان شاء الله ماتصير ... زوجج ماله دخل فيها .. يعني لاتروحين تقولين له اهلك واهلك واهلك حاولي تتفقين معاه ... ان انت شي واهلك شي ثاني يعني لو اختفلت انا واهلك في نقطه معينه مب لازم اختلف معاك على هالنقطه .. يعني لاتربطين علاقة زوجج بعلاقتج باهله ... واذا قالج انتي قلتي لهم وسويتي حاولي تسكرين الموضوع وتغيرينه ولاتتمادين في النقاش في الموضوع لان كثرة النقاش في بعض المواضيع تسبب مشاكل


هاي الي عندي والله يعينج ان شاء الله معليه اصبري وتعالي على نفسج واستحملي واخر شي ان شاء الله انتي الكسبانه