اللبنه المدعبله بالزيت من مطبخي والطعم خيال

مجتمع رجيم / الاطباق المتنوعة
كتبت : white rose
-


اخواتي وحبيباتي حبيت ااقدملكم طريقة اللبنه المبدعبله بالصور

لانو هيه شئ اساسي ببيوت الاردنيين بنقوم بتخزينها وجبة الفطور لا تخلو منها وخصوصا بالشتاء

اليكم الطريقه


طبعا الكميه حسب الرغبه

نحضر حليب الماعز ونغليه جيدا ولما يفتر نقوم بعمل الروب منو وهوه اضافة نص كوب لبن رائب للحليب الدافئ
وتحريكه جيدا وبعد هيك بنلفه بشرشف منيح تقريبا 6 ساعات او حتى يصير الحليب رائب


وهلا بنباشر بالخطوه المهمه وهيه عمل اللبنه
نضع اللبن الرائب بكيس ابيض مصنوع من القماشلحتى ينزل ماء اللبن منيح
بعد هيك نضع على الكيس ثقل لحتى يساعد على نزول الماء اكتر
ولازم نراعي نضافة الكيس من الخارج بكشط اي شئ يتكون على جداره لانو اللبن كتير حساس
وبيخرب بسرعه
وبنظل نراقب اللبنه لمدة 4 الى 5 ايام لحتى نتاكد انو ما بقى ولا نتفة ماء باللبنه
وبتصير زي هيك شوفو كيف البياض الناصع



المدعبله v5lpjp2wocd5d90upms3
بعدين بعجنهم منيح منيح وبضيف كميه مناسبه من الملح وبرد اعجنهم مره تانيه لحتى الملح يدخل فيهم كويس ولازم يميل طعم اللبنه للملوحه نوعا ما لحتى ما تخرب يعني بيكون طعمها بين بين وبصير اعمل منهم الدعابيل ولما يزبطو معي بكور الكميه كلها

المدعبله exupxftofnzz5phlza.j
بصير اعمل دعابيل اللبنه واصفهم على صينه زي هيك


المدعبله f7x5pbyf69epmvjgpbb8

وهلا بجيب قطرميزات زجاجيه نضيفه ومنشفه منيح وبحط فيها زيت الزيتون وبسقط اللبنه فيهم بهاد الشكل



المدعبله 3plvx7atlkzu2l4tdp.j

وهيك بنكون خلصنا وهاي كمان وحده


المدعبله gz5l7uq8798dqs85gfg.
وهاد احلى فطور من مطبخي وعلى فكره كلو من عمل ايدي الا القشطه جاهزه حتى العسل من انتاج مزرعة اخي


المدعبله myxe14il8fitacvk06ng
ونسيت هالمكدوسات الطيبن شوفو ما احلاهم
المدعبله p18cgaff35oikhedthy.

وبتمنى انو الطريقه نالت اعجابكم وعن جد طلعو كتير طيبن وبيشهو
الف صحه وعافيه حبيباتي
كتبت : bessan05
-
تسلم ايديكي انا كتير بحب هي اللبنة ومن زمان كنت رايدة اعرف طريقتها

وحابة اسالك لازم يكون الحليب ماعز؟

واذا حطيت حليب بقر عادي بيختلف شي عن هي الطريقة

مشكورة اختي
كتبت : عذوب بنت الجنوب
-
يعطيك العافيه خيتووو

يسلموووو

تقبلي مروري :)
كتبت : white rose
-
class="quote">اقتباس : المشاركة التي أضيفت بواسطة bessan05:
تسلم ايديكي انا كتير بحب هي اللبنة ومن زمان كنت رايدة اعرف طريقتها

وحابة اسالك لازم يكون الحليب ماعز؟

واذا حطيت حليب بقر عادي بيختلف شي عن هي الطريقة

مشكورة اختي

هلاااااااااااا حبيبتي بيسان

اشكرك لمرورك الحلووووووو حبيبتي

بامكانك تستعملي لبن البقر وما بيفرق شئ وكلو حسب المتوفر
كتبت : white rose
-
class="quote">اقتباس : المشاركة التي أضيفت بواسطة *بنت الجنوب*:
يعطيك العافيه خيتووو

يسلموووو

تقبلي مروري :)

شكرا لمرورك حبيبتي بنت الجنوب

تحياتي
كتبت : الفراشة الطامحه
-
جميل جدا

نحن دايما نجيبها جاهزه

ولا مره جربنا نسويها

بس بعلمها للأهل يسونها

شكرا لكي
الصفحات 1 2  3  4  5  ... الأخيرة

التالي

معلومات تهم المبتدئين فى المطبخ

السابق

ملف حصرى لااكلاتى مع حبيبة اطيب ..فى سماء الابداع

كلمات ذات علاقة
مطبخى , اللبنه , المدعبله , بالزيت , خيال , والطعم