Red Velvet Butterflies كيكة المخمل الحمراء .. وهي من الكيكات التقليديه في امريكا
نجي للمقادير - بالاكواب المعياريه - :: ك/كوب .. م ك/ملعقة طعام .. م ش/ملعقة شاي أولا : 1 ونصف ك سكر ../.. اصبع زبده لين ../.. بيضتين ثانيا : 2 وثلث ك دقيق ../.. 1 م ش بيكنج باودر ../..1 م ش بيكنج صودا ../.. نصف م ش ملح ثالثا : 1 ك بتر ميلك * ../.. 1 م ش خل ../.. 1 م ش فانيليا ../.. 1 ونصف م ك ملون طعام أحمر
*بتر ميلك : اذا ماكان متوفر عندك - وهذا الغالب - تقدرين تعملينه بإنك تخلطين كوب حليب مع م ك خل وتتركينهم ربع ساعه مغطيين برا وبس ..
الطريقه :: اخلطي السكر والزبده بالعجانه او الخلاط اليدوي حتى يمتزجون تماما بعد كذا اضيفي البيض بالتدريج مع الحرص على كشط الاطراف حتى يمتزج الخليط زين المقادير اللي بثانيا انخليها سوا ، واللي بثالثا اخلطيهم مع بعض .. بعدين اضيفيهم بالتناوب على اللي بالعجانه مع الانتباه الى انك تختمين الاضافه بالمواد الجافه ولا تبالغين بالخلط مجرد مايمتزجون وقفي حتى مايصير الكيك مطاطي شوي
وزعيهم في قوالب الكب كيك ودخليهم الفرن بتاخذ حول الثلث الساعه او اكثر شوي
بعد ماتطلعينهم اتركيهم يبردون برا بعدين طلعيهم من قوالبهم وقصي راسهم اخفقي كريمة خفق لحد ماتثقل واضيفي عليها شوي سكر بودره وبقمع التزيين حطيها بوسط الكب كيك قصي راس الكب كيك بالنصف ورجعيهم بشكل مقلوب فوق الكيك حتى تصير مثل اجنحة الفراشه .. وقدميه بالهناء والعافيه
شكـولاتـه الشـوفـان من أكثر الحلايات اللي احب اعملها في العزايم الكبيره هي والريسيز تشاكلت وارتبهم بشكل حلو وكثير يتوقعونها شغل محلات الطريقه قديمه شوي لكني غيرت فيها بشكل خفيف .. المقادير :: 1 ونصف كوب شوفان - كويكر - ../.. 1 وربع كوب جوز هند ../.. ربع كوب حليب بودره تحمس مع بعض لغاية ماتشقر ..
وبعدين اضيفي عليهم : ربع كوب سكر بودره ../.. علبة قشطة ../.. نصف اصبع زبده مذوب اعجنيهم سوا زين .. وبعدين خوذي شوي من الخليط وباستخدام يدك واي شي مسطح عندك حاول تسوين قالب مستطيل بالصوره واضح وش اقصد ، وبسكين حاد قطعيهم مكعبات متساويه وحطيهم على ورق زبده ودخليهم الثلاجه او الفريزر لغاية ماتجمد .
الحين ذوبي اي شكولاته خام عندك بحمام مائي .. واعتقد حفظتوا طريقتي من كثر ما ارددها بالمجلس واللي هي شكولاته خام غامقه مع شوي جالكسي وغطسي المكعبات فيهم ..
ولما تجمد ذوبي شكولاته بيضاء وسوي فيها خطوط فوق المكعبات ورتبيهم بصينيتك وقدميهم
دخلي القوالب للفرن ربع ساعه او اقل بتحمر من تحت وحمريها شوي من فوق بعد ماتطلعينها اتركيها تبرد .. زيني قوالب التمر بسكر بودره ، وقوالب التفاح بسكر وشوي من الحشوه ، والتشيز بحبة فراوله من الباي فيلينق الجاهز وحطيهم بالثلاجه لغاية وقت التقديم .. وبالعاااااااااااافيه
كـوفـي كـب كيـك مقادير الكيك :: 4 بيضات ../.. 1 ونصف كوب سكر ../.. نصف كوب زيت ../.. 2 كوب دقيق ../.. 1 م ك بيكنج باودر ../.. 2 م ك نسكافيه ../.. كوب حليب الطريقه :: نخلط البيض والسكر لغاية ماتثقل وتبيض بعدين نضيف الزيت وقت الخلط نخلط المواد الجافه لحال ونضيفها بالتناوب مع الحليب على خليط البيض نلبس قوالب الكب كيك بالورق ونحط عليه شوي من الخليط وندخلهم الفرن مثل الكيك العادي
بعد ماتطلع نتركها شوي تبرد ونجهز الخلطه اللي فوق المقادير :: علبة قشطة ../.. 2 م ك نسكافيه ../.. 1 دريم ويب ../.. ثلثين اصبع زبده مذوب نخلط هالمقادير سوا زين حتى تتجانس بعدين نضيف عليهم سكر بودره مقداره حسب الرغبه يعني حطي سكر بودره وذوقي لغاية ماتوصلين درجه الحلا اللي تبين ، بس حطي براسك بتحتاجين اكثر من كوب من السكر وخليها حاليه افضل
جيبي الكيك بعد مايبرد وجيبي مصاص العصير وسوي فيه فتحات بالكيك حتى تدخل الخلطه جوا وشربيهم بالخلطه وكلما طلعت الفتحات ارجعي عبيها وبعدين دخليهم الثلاجه يبردون زين
اخفقي شوي من كريمة الخفق ولما تثقل حطي عليها من خلطة النسكافيه وقلبي شوي شوي بالملعقه وبقمع التزيين صلحي الكيك من فوق ورشي شوي نسكافيه وقدمي اطلق كب كيك بالدنيا
حـلا الكـاسـات احب الحلا اللي يكون مقدم بكاسات ، يعطي منظر فخم ومرتب خاصه اذا كان شكل الكاسات شيك الطبقه الأولى :: علبة بسكوت شاي مطحون ../.. علبة قشطه ../.. فنجان شاي ماء ../.. فنجان قهوه سكر بودره ../.. ظرف كريم كراميل اخلطيهم سوا وحطيهم بالكاسات
الطبقه الثانيه :: 3 مارس ../.. 3 سنكرس سخنيها شوي بالمايكروويف حتى يسهل خلطها بعدين اخلطيها بالخلاط مع : علبة قشطه .. وصبي شوي فوق الطبقه الاولى
مـكعـبـات التـوسـت المقادير :: توست طري ../.. مايونيز ../.. اي حشوة عندك - انا صلحتها بحشوة دجاج حقت السمبوسه لبنه ../.. وللزينه تفنني من عندك : جزر مبشور ../.. زعتر ../.. بقدونس مفروم ../.. سماق ...... الخ الطريقه :: قطعي التوست اما دوائر وانا استخدمت علبة البيكنج باودر لقيت حجمها هو الانسب او مربعات مع قطع اطراف التوست
ادهني طبقتين بالمايونيز وحطي بالوسط شي خفيف من الحشوه ورصيهم فوق بعض - يعني بيكون المكعب ثلاث ادوار -
بعدين ادهنيهم بلبنه من الاطراف الجانبيه وقلبيهم بالزينه اللي تبغين
وارجعي ادهني باللبنه من فوق وحطيهم بورق البليسيه وزينيهم من فوق واذا كنتي عاملتهم بدري غلفيهم زين مره ودخليهم الثلاجه وطلعيهم قبل التقديم بساعه تقريبا وبالعاااااااااااااافيه
* منقول لعيونكم
كتبت :
ruba roro
-
ممممممممممممممممممممممممممم
ما شاء الله عليكي عنجد بص وشوف
بانتظار جديدك الاروع
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .
كتبت :
روح الجوري
-
منورهـ حبيبتي ..|~
كتبت :
◕‿◕β.Ő.Ṩ.Ϋ◕‿◕
-
السلام عليكم ورحمة الله وبركاته
تسلم ايدك يا حبيبه قلبى
شـكــ وبارك الله فيك ـــرا لك ... لك مني أجمل تحية .
كتبت :
قطرة
-
كتبت :
روح الجوري
-
class="quote">اقتباس : المشاركة التي أضيفت بواسطة bosy:
السلام عليكم ورحمة الله وبركاته
تسلم ايدك يا حبيبه قلبى
شـكــ وبارك الله فيك ـــرا لك ... لك مني أجمل تحية .