سَأڪْـۉنُ اَلْـ/ أَجْمَڷ≈
مجتمع رجيم / مسجات الجوال
كتبت :
سُكر ~
-
السلآم عليكم ..
صباحكم / مسائكم سُكّر ~
سَأڪْـۉنُ اَلْـ/ أَجْمَڷ≈
عبارة إتخذتها و بـ إذن الله الشعار للوصول لـ هدفي
بداية أعرفكم بنفسي
سُكر ~
18 سنة إلا شهر ..
بدأت يومياتي هذه وكلي ثقة ويقين إني بـ توفيق الله ثم تشجيعكم لي
فـ إصراري و عزمي راح ابلغ اللي ابيه
طبعاً انا مشكلتي مو الوزن بس .. لا
الوزن + الشعر + البشر
وعشان كذا افتتحت يومياتي في هذا القسم لأن المرتبه الأولى للوزن
اما بالنسبة للشعر و البشر حبيت اجرب وافيدكم بتجربتي بما إني فاتحه حقل هع..
يعني بما إني فتحت موضوع اضرب 3 عصافير بحجر
نبدأ مع المشكلة الأولى ..
كآن ياما كآن .. إمرأه الله يطول في عمرها - آآمين - انجبت بنوته
و ماشاء الله عليها من جابتها ماقصرت فيها .. آكل × آكل
حتى أصبحت الطفلة بالونه و عبره في السمنه << ألم وربي
المهم .. يوم كبرت البنت هذه وصار عمره 12 سنه تقريباً
كان وزنها 71 << رأصني ياقدع
و بعد ماصار عمرها 17 صار وزنها 99 .. و رغم محاولاتها في التخفيف
إلا أن اغلبها تبؤ بالفشل .. + تحطيم اللي حولها لمعنوياتها
و الحين صار وزنها بفضل الله 89 << معجزة من جد
..
طبعاً بطلة القصة المسيكينه هي أنا << الله يخلف علي
والقصة ماانتهت للحين .. لأني بـ إذن الله ناوية اكتب لقصتي نهاية جديدة
ومختلفه
و أوصل للـ 55 إن شاء الله
مشكلتي الثانيه
نرجع لقصتنا السابقة << لأنها الأساس
طبعاً هذه البنت ماخسرت الـ 10 ك على الفاضي ..
المسكينه ياقلبي عليها .. ماتآكل .. و نفسيتها زفت لأنها كل ماتروح السوق
ماتلقى شي قدها
فـ ماصارت تآكل .. و اكثر شي تشرب مويه او غازيات
و فقدت اغلب الأعناصر الضرورية لجسمها من فيتامينات و معادن وغيره
المهم .. مع هـ الفقد شعرها تلف بدرجه كبيييييرة
علماً بأن شعرها مو ناعم .. بس من النوع اللي ( يرجع على بعضه )
مدري وش يسمون هـ النوع ..
فـ استخدمت كذا شي والحمدلله رجعت الحيوية لشعرها .. و طال لين تحت نص ظهرها بشوي بس صار صعيف
والحين تبيه يطول
و راح انزل كل تجاربي و اللي اسويه لشعري هنا
المشكله الثالثه
عاد هذه سالفتها ساااااالفه
بعض المناطق في جسمي أغمق من غيرها
مو أغمق .. إلا ( أسود ) من غيرها
و بصراحة كذا انا أُعتبر علبة الوان ..
بتقولون كيف !
اقول لكم أن لون الذراع عندي يختلف عن لون الوجه بمقدار 6 درجات
و الرقبه عن البطن بمقدار 4 درجات
ورقبتي هي الورطه الكبرى ..
هذا غير الهالات اللي حول العين والمناطق اللي خبري خبركم
يارب يسرها بس ..
وحالياً جاري التوحيد ان شاء الله
....
ادري اني طولت الموضوع و بتقولون ان القسم ماله علاقة ..
بس انا هدفي الرئيسي الوزن .. والبشره والشعر مواضيع ثانوية ماراح اطرحهم إلا اذا جربت شي معين لجل افيدكم
طيب .. نجي للـ الخلاصة ..
للوزن
طبعاً انا مااقتنع بشي اسمه رجيم .. لأنه احس الجسم بيصير زي الربوت الآلي
وقت مااوقف الرجيم بتخلص بطاريته و يتوقف عن الاستجابه
عشان كذا بـ أخفف الأكل + أكل صحي + مشي أو صعود درج + رياضة بطن اغلب شي
و ماانسى بذرة الكتان + الشاي الأخضر
و عشان استرجع العناصر الاساسية .. راح اداوم على مكمل غذائي
فادني كثيييير .. اسمه GINSABA G115
كانت نسبة الهيموجلوبين عندي 8 ونص .. يعني بوصل للأنيميا
و بعد مداومة عليه لمدة شهرين وصلت وبفضل الله لـ 11
وراح آخذ كالسيوم للعظام .. و حديد وبس
للشعر
بالعادة صرت استخدم زيوت .. واذا زادت حناء لفوائدها
والحمدلله شعري ماطال ولا خف التقصف إلا بكذا
طبعاً أكثر شي استخدم زيوت
للبشره
حالياً انا محضرة عدة خلطات .. إن شاء الله بجربهم
وكل مايفيدني شي بنزله .. على اني بدأت استخدم شي احس انه مافرق
بس كل اللي حولي من شافوني قالوا لي ان في تغير كبييييييييير
ماشية عليها مايقارب الاسبوعين الى ثلاثه ..
بس أكدها راح انزلها
بـ كذا أكون خلصت موضوعي
الحين عرضت لكم جميع مشاكلي التي تعيقني على الجمال << احلى يالغة
احب اذكر الجميع ..
الرشاقة .. مو شي انتي تكتسبيه .. بالعكس هو شي تكسبيه
و ادعو ربكم يوفقكم بالرشاقة .. مو يخليكم رشيقين
يمكن تصيرون رشيقين .. بس بـ أمراض و عاهات اعاذنا الله و اياكم
بس بالتوفيق في الرشاقه .. بـ إذن الله توصلون للي تبغونه و تصيرون احلى بعد
انا بـ أبدأ يومياتي من اليوم إن شاء الله
اتمنى منكم بس تشجعوني فيه .. لأن السبب الأول في الانضمام هو التشجيع
و أي وحده تحب تنضم لي حياها معاي .. و لو بريجيمها الخاص بس نشجع بعض
و اللي ماودها بس اقل شي دخلت موضوعي ووصلت لين هذا السطر
تدعي لي : ان ربي يرجع لنا ابوي سالم معافى و يوفقنا لما يحبه ويرضاه
و يكتب لنا الخير وين ماكان ثم يرضينا .. و يوفقني في التخسيس و انحف
و يحقق لي اللي ببالي
لكم ودي ..
سُكرة ~