عمرك فوق 28 .... ولم تتزوجي بعد حياك الله

الحبوبه
قعدت اقرا كلامك
ربي يرزقك يارب ولا تنسين رمضان على الابواب ادعي فيه قد ما تقدرين وان شاء الله ربي راح يكتبلك الخيره
وحده من قريباتي عمرها فوق ال 40 ومر فيها الزمان وكل مره تكبر وتسمن بشكل مو طبيعي المهم
نفسيتها مرا صارت زفت من بعد وفاه امها وصارت ترد كل الناس الى ما وصلت سن كبير
وربي كتبلها تتزوج واحد اصغر منها وحبوب ويجنن ما شالله عليه مال وجمال وكل شي ربي يهنيهم يارب
ولها اقل من سنه متزوجه وخلاص انشالله شوي وتولد
اعرفي ان ربي كاتبلك كل شي من انتي في بطن امك
طنشي الناس وحبي حالك انبسطي البسي اطلعي اهتمي بجسمك بكل صغيره وكبيره فيه عشان نفسك مو عشان احد
حطي ميك اب حتى لو انتي بالبيت دلعي نفسك بكل الطرق
ووكلي امرك لربي
وانشالله نشوفك عروس قريب وتفرحينا ياااااارب

حبيتي بالنسبة للنفسية ترى انا وغيري نفس الشي
شي طبيعي نفسيتك تتعب وتتقلب وانا نفسي حطيت حرتي بالاكل
بتالم واتمنى وارجو من الله ان يرزقني الزوج الصالح

تدرين اني انخطبت كذا مرة طبعا قبل لااسمن ههههههههههههههه
بس الحمدلله الحمد لله الحمد لله
كل الي جاو مرة مافيهم صفة حسنة ابداااااا
يعني كل واحد فيه عيب اخس من الي قبلة امور استحي اذكرها
شي نفسي وشي اخلاقي وشي .............
خليها على الله

كنت كل مرة قبلها احس بضيقة بصدريي او اشوف رؤيا بمنامي موزينة
ويجون اهل العرييس داااااااااااااائما مستعجلين ويبون كل شي بسرعة
ويمدحون بولدهم المهم لمااهلي يسالو عنهم يطلع المستخبي
ومعى ذلك استخير

والحمد لله اني ماوافق على ولا واحد فيهم تدرين اغلب الي تزوجو منهم زوجاتهم طلبو الطلاق
الي بفترة الخطوبة اكتشفته والي بعد ماتزوجته وجابت عيال
يعني حمدت ربي وشكرته

اقولك مااكذب عليك كنت اتحطم نفسيا انو ولاواحد فيهم عدل ...... وانقهر وابكي
بس الحمد لله خيره الله اعلم وش اخير لي

فضفي وقولي الي بقلبك ترتاحي موعيب الوحدة تقول الي بنفسها

ودي اتزوج استقر ببيت زوجي ,,, زوج حنون طيب فيه المواصفات الي اتمناها ,,, نفسي بطفل يقولي ماما
قبل مدة كنت رايحة مطعم وشفت طفل الله يحفضة ويخليه لاهل يارب ويقر عيونهم فيه مرة حسيت بشعور موطبيعي اول مرة احس فيه حسيتي اني فيني حنان غزير مرة حسيت خنقتني العبرة
مدري لاارادي تدرين ليه لان طول الوقت وهذا الولد جاي عني واقف عندي ويناضر ويتبسم ببرائة ودي كان ضميته
الله يرزقني وياك يارب الذرية الصالحة

بالنسبة (للمجتمع المتخلف) الي ينظر لك نضرة نقص او دونية وكان انتي السبب بالي انتي فيه
ياقلبي ارميهم ورى ضهرك
هذي مقادير وارزاق بيد رب العالمين
لاتخلين لاحد مجال انه يدوس عالجرح ولاتبيني ضعفك لهم وحاجتك وتفتحين عيونهم عليك ...
صدقيني محد يحس بالجرح غير الجريح

بالنسبة للوزن حاولي تمشي وتسوي رياضة
انا حاليا مشتركة ببرنامج الزهرات مرة مبسوطة ويشجعونك لو لحالي ماسويت شي بصراحة
تبين شوري قومي بالليل صلي ركعتين وابكي طلعي الي بقلبك كله وادعي موشرط دعاء معين قولي الي بقلبك وابكي
الله يستجيب دعائك

صحيح ان العمر يمضي ومايتعوض وش اغلى من العمر بس
على اجر ان شاء الله
احتسبيه لله
الصبر وش هو الصبر احتساب من العمر والمؤمن مبتلى تصبري يااختي


كل هالكلام لي ولك ولغيري من البنات