ابي تشجيع ،!

كادي ،
الي اعرفه الارز الاسمر صحي ومفيد
وفيه الياف تساعد ع الهضم !
وانا احط كوب وبعدين اوزعه بالصحن
يمكن لانه موزع ع لاصحن حسيتي الكمية كبيرة
وبالعاده ما آكلها كلها لانو للحين ما تعودت ع طعمه
متعوده ع الارز الابيض المكرر ..
والزعفران اعتقد ال 100 جرام فيها 23 سعرة حرارية
وانا احط اقل من نص ملعقة شاي بالارز
والعصير حاطه ب جيك كبير ملعقة شاي
يعني بالكاس كمية قليلة
بس انصحك تضيفيه لاكلك يعطيه نكهة وابدا مافيه ضرر ولا سعرات !!
،
/
منى دايت !!
واخيرا لقيت الي تشجعني وتطمني
انا كنت مرتاحة لنظامي ، واكلي
واحسه صحي
بس اهلي مخوفيني
لانو يلاحظون وزني ينزل ، دايما مفكرين ما آكل اكل كفايه
،
انا آكل بشكل طبيعي بس ما آكل دهون وزيوت ومقالي ولا حلويات
وهذا إلي نزل وزني ،
غير إنو صحيح ما امشى واسوي رياضة ،
بس كثير اتحرك بالشقه
واقضي يوميا مو اقل من 3 ساعات وانا واقفه
من مسح وطبخ وتنظيف لب لب لب :s
مشكورة حبيبتي وايد
ما تعرفين شكثر شجعتيني وحمستيني اواصل بهالنظام .

اليوم فطرت ب
1 توست اسمر مع لبنة
والغذا
شوي سلطة + شوربة عدس إلي بقت من امس
+
1 توست اسمر مع لبنة ..
بالعادة اصوم بين الوجبات
والحين توها الساعه 7 واحس رح اموت من الجوع
يمكن لانو طلعت الجامعة وبذلت جهد :s
//
يدق قلبي بوجودك
ما عندي مانع لو حذفتي موضوعي
لانو شفت موضوع
عن يوميات البنات كل يوم يكتبون شنو اكلو لب لب
سو احلى اكون معاهم
من انو اكون بموضوع لحالي
ولانو بعد احس محد يشارك بموضوعي :(

أهلك ما عليك منهم .... هذي صحتك و اختياراتك بالأكل ...
اهم شي تاكلين ثلاث وجبات منوعة نشويات كاملة+بروتينات + فيتامينات و معادن ( فواكة و خضروات )
أنا أعتبر 2 توست في كل وجبة مع أي شي بروتيني تحبينه ( جبنة - لبنة _ دجاج - سمك -فول .........الخ )
مع شوية سلطة بدون صوص دسم يعتبر أحسن و أخف نظام ... الحمدلله الواحد مو عايش عشان يملا بطنه !!
اساساً قولي لأهلك حكمة ( البطنة ...تذهب الحكمة )
البطنة = كثر الزط و البلع لدرجة نفخ البطن المسكين !!

و غير كذا فيه حديث للرسول صلى الله عليه و سلم لما سمع رجل يتجشأ قال له ( كف عنا جشاءك ..فأن أكثركم شبعاً في الدنيا ..أطولكم جوعاً يوم القيامة )
و لا تنسين حديث ( ثلث لطعامه و ثلث لشرابه و ثلث لنفسه )
يعني رفقاً بالبطون يا أمم

(-:

منى دايت ،
فعلا كلامح صح ،
ويمكن الناس إلي اعرفهم مو متعودين على هالنظام من الاكل ،
لانو صاير اكل الناس بالمره مو صحي
واحس انو اكلهم وعاداتهم بالاكل كلها غلط ،
كفايه الارز الابيض الي يكون بوجبة الغذا كل يوم
عند كل الناس ، اهوا الاساس
واهوا ضرره اكثر من نفعه
اصلا من المقالات إلي قرأتها ، طلع مافيه فايده اصلا
كله مكرر ومضاف له مبيض ، لب لب
//
اكلت ع الساعه 7 ونص 6 تمرات ومكسرات بدون ملح ،
وتعشيت ب شرايح بطاطا بالفرن
وكم ملعقة سلط .. وزيتون اسود ..

تعجبيني ....وجباتك صحية و منوعة ....الله يفتح على قلوب الباقين و يبطلون عبط الرجيمات السخيفة !!
تصدقين عاد انا أنتظر رجيم ينزل 20 كيلو بيوم !!!

لأن كل ما لهم و يتصرقعون !!!

منى دايت ،
خبرينا عن نظام اكلك ؟
بالنسبة ليومي ،
فطرت ب تفاحة + موزة
وتغذيت بسلطة يونانية بس ،
مو بالعادة يكون بس هذا غذاي ،،
بس لانو امس بالليل مدري شلون ضعفت واكلت 5 ملاعق تشيز كيك :(
كنت مسويتها لزوجي ، يحبها
وما كملها
وقبل ما نام حسيت مشتهية حلا واقوم افتح الثلاجة ابي تمر
وشفتها :'(
خلص اليوم ان شاء الله آكل خفيف
عشان ما احس بالذنب..