جربت تقعد مره تتكلم مع ربنا لوحدكوا .. .. جربت تقابله....؟

مجتمع رجيم / عــــام الإسلاميات
كتبت : MESTEKA
-
جربت تقعد مرة تتكلم مع ربنا لوحدكوا شوية .. .. جرّبت تقابله ..؟
جرّب كده .. اقعد لوحدك .. وانسى الدنيا .. ..
وسلم عليه .. اللهم أنت السلام ومنك السلام تباركت وتعاليت يا ذا الجلال والإكرام ..
كررها مرتين تلاتة كده .. لحد ما تحسها خارجة من قلبك .. من قلبك ..
كلّمة بقة .. قوله يا رب .. باحبك .. تقدر تقولها .. .. جرب وقول كده .. يا حبيبى يا رب ..
صعبه .. مش قادر تقولها .. يمكن مكسوف منه .. يمكن .. بس قولها .. يا حبيبى يا رب .. يا حبيبى يا رب ..
قول بقى اللى فى قلبك .. يارب .. يا كريم .. يا حليم .. سبحانك سبحانك ..
بكرمك سمحت لى رغم تقصيرى انى اكلمك .. سبحانك ..
وكلمة .. قولّه اللى فى قلبك بس يكون فعلا من قلبك .. قول كل حاجة .. متخبيش .. متتكسفش .. متتعبش ومتزهقش .. ممكن الموضوع يبقى صعب شويه .. عادى يمكن انت مش متعود ..
بس صدقنى .. لو قدرت فعلا تكلم ربنا ..
ببساطه كدة .. تفتكر نعمه وتشكره .. تفتكر ذنوبك وتستغفره .. تفتكر الجنة وتسأله .. تفتكر تعب الدنيا وتطلب مساعدته .. تفتكر حبايبك وتدعى لهم ..
يااااه .. لو لو وانت بتتكلم معاه حسيت انك نسيت الدنيا من حواليك .. يبقى انت قربت ..
لو وانت بتقوله همومك واللى نفسك فيه حسيت ان حاجة تقيلة انزاحت من على صدرك .. دى من علامات قربك منه فى اللحظة دى لو وانت بتتكلم معاه حسيت ان دموعك بتجرى على خدك من غير ما تحس بيها ..دلوقتى انت قريّب .. قريّب قوى ..وانت بتناجيه .. لوحسيت انك مبسوط .. مش عاوز تغيرحالتك دى .. قول الحمد لله .. واستمر .. ده انت دلوقتى فى جنة الدنيا ..
أما لو .. مقدرتش .. يبقى لازم تحاول وبسرعة .. لازم تراجع نفسك .. لازم تقربله .. وساعتها لو قدرت بس انك تقول ... آاااااااه .. آه .. يارب قربنى منك .. قول .. بس لازم تكون فعلا عاوز تكلمه .. لوحدك .. عاوز تشتكى له .. وعندك استعداد تصبر ..
يقول الإمام ابن القيم ( من أدام الطرق فتح له الباب ولو بعد حين ) فما بالك ان باب ربنا مش مقفول أصلا ..واذا فتح الله لك ودخلت من الباب .. فساعتها هيهون كل جهد وتعب .. وهيعجبك الحال .. تلاقى نفسك بعد كده بتشتاق تدعيه .. تكلمه .. و ...... تبكى بين ايديه .. من الحاحك عليه فى الدعاء .. من همومك اللى بتقولها له ..من ندمك على المعاصى .. من كرمه معاك .. من فرحتك بقربك منه .. من أى حاجة .. بس ابكى بين ايديه .. سبحانه .. يقول الله تعالى ( وإذا سألك عبادى عنى فإنى قريب أجيب دعوة الداعى إذا دعان ..) بس انت ادعى ..
والايام العظيمة اللى بتمر أوعى تخليها تمر كده .. التاجر الشاطر لما تجيله فرصة ميفوتهاش .. لو كان شاطر ..بس اكسب على قد ما تقدر .. العمر بيجرى .. شويه تعب صغيرين ويعدوا ..
.. وفى أقرب فرصة .. بالليل بعد ما ينام الناس اصحى انت .. انت وهو بس
عجبني الموضوع قلت لازم افيد غيري
كتبت : أنجليكا
-
الله جزاك خير يا أختي بصراحه موضوع جدآ,,جدآ رائع

(((((نعم,,نعم)))))

لقد جربت ذلك وخصوصآ آخر الليل والناس نيام
إنها تجربه جميله وإحساس رائع.



اللهم أنت السلام ومنك السلام تباركت ياذا الجلال والإكرام
كتبت : مملوحه
-
والله

جربت

بس لواوصف شعوري ماقدر ااوصفه

احس كل همومي تروح ونفسيتي ترتاح

مشكوره يالغلا
الله يجزاك الجنه يالغاليه
كتبت : MESTEKA
-
انا مبسوطه ان الموضوع عجبكم اوى و شكرا
كتبت : الحزينه
-
الله يجعله في ميزان حسناتك يارب
كتبت : غزاله
-
جزاكى الله خيرا موضوعك رائع
اكرمك الله
اللهم أنت السلام ومنك السلام تباركت ياذا الجلال والإكرام
الصفحات 1 2  3  4 

التالي

دقائق الليل الغالية

السابق

الله يخزي الشيطان ويلعنه

كلمات ذات علاقة
مره , مع , لوحدكوا , تتكلم , تقابله؟ , تقعى , جربت , ربنا