فلسطيني -------ممنوع تعيش
مجتمع رجيم / فيض القلم
كتبت :
ناثرة المسك
-
السلام عليكم ورحمة الله وبركاته
بسم الله الرحمن الرحيم
ألخص حال الحياة التي يعيشها الفلسطينية في هذه الابيات القليله وهي كلمات أعجبتني فنقلتها لكم : فاترككم معها:...
فلسطيني ----- ممنوع تعيش
قالولك : اسكت ---- ماتحكيش
انت خلقت للتلطيش، للحواجز للمعابر للتفتيش
كتبوا علي جبينك ينداس ، من الضابط للشاويش
فلسطيني قالولك ممنوع تعيش
فلسطيني ممنوع تثور
مقهور و مش مسموح تكون ، اياك تطالب بحقك
اوعك بيوم تشوف النور
ممنوع تجدد هوية ، ممنوع تجدد بسبور
فلسطيني و بدك تتعلم !!! ، هاي الشغله ضد الدستور
فلسطيني لازم تتألم ، من دون ما يشوفك دكتور
فلسطيني ممنوع تتكلم ، و لا يطلع بجناحك ريش
فلسطيني ممنوع تعيش
***
فلسطيني بكل المطارات ، اسمك بالأحمر مكتوب
و على شباك مصلحة الجوازات ، كتبوا ع جبينك مطلوب
لازم تتوقف ساعات ، مذنب او من دون ذنوب
و يتوجه الك اتهامات ، انك سبب كل الحروب
كأنو بسببك الحق مات ، و العدل بأرضك مسلوب
و كأنك سبب النكسات ،و كل ازمات الشعوب
و كأنو بسببك مجرم فات ، ع جنين بلحظه الغروب
و دبّح صبيان وبنات ، و عجوز على امرها مغلوب
***
مع انو الحقيقه
انا الي بالدنيا ضحية
عملتوني ماده للغنى ، و قضية للي ما عندو قضية
انا الي راسي ما إنحنى ، بوجه الريح القوية
انا الي شعبي صمد ، في الضفه و بالرشيديه
انا الي شعبي انتفض ، و بحجر حارب دوريه
و اليوم و بكره و للابد ، عنا كلمه وحده هي
فلسطين عربيه
و راح تبقي عربية ، عربية و راح ترجع
زي ما وعد رب البرية
وعليكم السلام ورحمة الله وبركاته
