السلام عليكم ورحمة الله وبركاته
جزاكن الله كل خير و جعله الله في ميزان حسناتكن
ردودكم ريحتني كتير
بس والله انا مش عايزه احرمه من بنته ولا حاجه بالعكس طبعا ذي ما قالت اختي ام فيروز لو مفيهوش خير لبنته مش هيبقي فيه خير ليه ولا لولاده مني
وكمان حبيبتي الاردنيه انا بشاركه كل حاجه في الموضوع ده و بنزل و بشتريلها لبس و هدايا يعني مش واخده جنب من الموضوع ككل
بس اللي مضايقني و اللي يمكن مكنش واضح في الرساله الاولي ان هي بتقول انها بتقابله من ورا زوجها والله اعلم هي فعلا متزوجه ولا لاء؟ هي معاها بيبي بس الله اعلم مازلت متزوجه ولا لاء؟ لانها كل ما بتقبله بتكون جيه من عند ولدتها
ده اللي بيضايقني
و لما بكلمه في كده يقوليالمهم انا و ملكيش دعوه بحد
غير ان بنته في محافظه غير اللي احنا عايشين فيها يعني سفر
اليوم اللي بيروح فيه انا نفسي ممكن مشفهوش
والله انا مش انانيه و مش عايزاه ليه و لولادي بس
بس الوضع نفسه هو اللي مضايقني و خنقني لاني حاسه انه غلط
انا بحب زوجي جدا و هو كمان الحمد لله وو بحس انه و ولادي احلي حاجه في حياتي فمش عايزه حاجه تعكر صفو حياتنا و انا بدأت احس ان ضيقتي من الموضوع ده اثرت عليا في معاملتي ليه و لولادي اللي لسه اطفال و ملهمش اي ذنب في اي حاجه
والله انا بفضفض معاكم يمكن ارتاح و ارجع ذي الاول
واخيرا اسألكم الدعاء
و جزاكن الله كل خير
اختكم في الله
ام الاء
