يوميات رومنسيه واللي تحب تشاركني حياها ادعوا لي بالتوفيق!!

ربي يسعدك يالغاليه شكرا رديتي علي وفهمتيني والله لايحرمنا من عطائك وان شاء الله ما اهمله ادعي لي بالتوفيييييييق




هلا فيك اختي اوتار حساسه اوكي انتظمي من بكره ولازم رياضه لاتنسين اوكي



اليوم تغديت فواكه والعشاء خليته بيض مسلوق مع خبز بر

ومشيت ساعه ونص على الاوربت راك 20 دقيقه رياضه بطن ومنوع سويديه

اشوفكم بكره واقول لكم يومي ووبالتوفييييييييييييق ان شاء الله

هاااااااااي بنات كيفكم


انا ماشفت اهلي من العيد وشفتهم الخميس والكل قالي نحفتي والحمد لله لاني كنت منتظمه ع الرجيم والرياضه اسبوعين والان بكمل الين اوصل للنتيجه اللي ابيها وبصراحه تحمست اكثر ويلا وينكم يابنات وين عزميتكم بكره بدخل وبكتب يومي اوكي انتظررررركم

اهلين رومنسية

سوري ما قدرت ادخل المنتدى يومين لأنو يطلع لي لا يمكن العثور على الملقم مدري ليه

المهم باكتب يومياتي من اول ما بديت
اول يوم بدأت فيه الجد كان يوم الخميس
الفطور
صحيت متأخر فما فطرت
الغداء
اكلت تفاحه ما كان لي مزاج للاكل
اما العشا
بدعت فيه // اكلت معكرونه بالدجاج (( طبخت الماما ما اقدر عليها ))
الرياضه:
مشيت ربع ساعه (( مسافه كيلو ونص ))
وسويت تمارين سويديه مده ربع ساعه
يعني المجموع نص ساعه

يوم الجمعة
جلست تقريبا 10
الفطور كان
7 تمرات وشاي اخضر
وكنت مبسوطه اني شبعت هههههه
بس بعدها جاء الاجرام
طلعت المجمع وطبعا مع كره المطاعم بدأ الاغراء يزيد
ما تحملت فا اكلت سلطه (( شويه معكرونه وبقدونس وذره ))تقريبا صحن
وبعدها اكلت باستا
بصراحة ما قدرت اقاوم والببسي كمل الجريمه بس ما شربت كاس كامل شربت بس نص كاس
والعشاء
طبعا ما تعشيت من تأنيب الضمير خخخخ

يوم السبت
الفطور
مثل امس 7 تمرات مع نصف كأس شاي اخضر
بين الفطور والغداء
عصير برتقال
الغداء كان الساعه 5 بعد ما رجعت من الجامعه
كبسه دجاج مع سلطه (( كثرت اكل سلطه عشان اشبع بسرعه وما اثقل رز ))
بس الكمية اللي اكلتها ما اقدر اجزم بالضبط كم المقدار
بالجامعه مشيت مشي خفيف حوالي ربع ساعه >> حسبتها لنفسي رياضه اليوم
العشاء
ما تعشيت بس شربت 3 اكواب شاي اخضر وانا اطقطق بالمنتدى

طبعا انا دوامي متعب احيانا اطلع من البيت الساعه 8 وارجع 5 يعني الطاقه تكون صفر
ادور السرير حق النوم ما اقدر اسوي رياضه باليوم اللي كذا
وهو يكون السبت والاربعاء .. باقي الاسبوع ما فيه مشاكل


وانتي رومنسية خبرينا عنك وش سويتي اليوم

بانتظارك
تحياتووو

هلا اختي طايحه تخريب اشوفك ههههههههههههههههههه

الله يعينك ان شاء الله يادبدوبه

اليوم السبت فطور ما افطر مستحيل
غداي سلطه دجاج
عشاي كورن فلكس ولبن منزوع الدسم

ويوم جعت اكلت فاكهه


وسويت رياضه سويديه ننصف ساعه وعلى الاوربت نص ساعه ومشيت ع السير نص ساعه وربي تعبت اليووووووووم حيل والله يوفقنا وان شاء الله نوصل للهدف اللي نبيه


الله يوفقك ولاتنسين تكتبين يومك

اهلين رومنسية
ما شاء الله عليك ياريت اكون بنفس اصرارك

توي من ساعه وشوي رجعت من السوق
مع ان علي مذاكره حق اختبار يوم الثلاثاء الله يعين

المهم
اليوم الأحد
الفطور
كان شريحة بريد مسحتها بجبن سائل
وشربت نص كأس شاي اخضر واكلت خياره وحده

بين الفطور والغداء
شربت عصير برتقال

والغداء
أكلت سلطه بس للاسف خربتها بالذره

العشاء
كذالك اكلت سلطه مثل الغداء
لأنو الغداء والعشاء كان بمطاعم المجمع

وقبل ساعه وشوي أكلت تفاحه

الرياضه
التسوق لمده 5 ساعات اظن انها كافيه كرياضه

تحياتي لك يا قمر
وخلينا نشوف وش سويتي بيومك

اهلييييييين اوتار حلو نظامك اليوم هع هع

انا اليوم فطرت غريبه هههه توست بر ومع جبن قليل الدسم

الغداء نفس الفطور
العشاء خبز احمر من المخبز وفيه جبن هع كثرت اليوم نشويات مع جبن

ركبت ع الاوربت تراك نص ساعه ومشيت ع السير ربع ساعه ماكملت لاني كنت مشغوله كثير اليوم

وبكره ابشرك بالمجهود الزززززين هع


انتظر يومك الاثنين ياحلوووووووووووووووووووه انتي