بنات عندكم حل ؟؟؟؟؟

[centeالسلام عليكم بنوتات منتدانا العزيز
بنات آنا عندي صديقه آطلبت مني آحل لها مشكلتها بس بصراحه ماني عارفه شنو آنصحها فيه وقلتلها آني راح آقول لكم مشكلتها يمكن نلقا عندكم الحل
مشكلة صديقتي آنا تعرف شاب مشهود له بالآخلاق الحميده والصدق والشهامه و آهي واااااايد تحترمه ومعجبه بشخصيته وتقول آنها تري فيه مثال لشاب الناجح المهذب يعني بختصار آنه آنسان مايستاهل آلا كل خير
المهم في الموضوع آنها كانت تعامله معاملت آخ بس المشكله آنه كان يري فيها حبه الآول و الآخير وصارحها في الشي هذا وقال لها آنه يموت فيها بس المشكله آنهم ماينفع يتزوجون لآنهم يختلفون في المستوي سواء علي الصعيد الآجتماعي آو المادي

آهي تقولي آنها بصراحه ماتحبه ولاتتخيل نفسها ممكن يوم تتزوجه مع العلم آنها تكن له المعزه
بنات آهي تقول مو عارفه آشلون تتعامل معاه لآنه مجنون بحبها لدرجت آنه يبكي لما يكلمها ويحس آنها ماتبادله نفس المشاعر آهي طلبت مني النصيحه في آنها تواجه في الحقيقه وتقوله بصراحه آنها ماتحبه بس تخاف يصير له شي وهو مايستاهل

والحقيقه ماعرفت كيف آنصحها بنات آذا عندكم نصايح لها ياريت تقولولي لآنها تعبانه وااااااااايد ومو عارفه آشلون تتصرف و آنا واثقه آنه عضوات منتدي رجيم ماراح يبخلون عليها بالنصيحه[/center]

الله يووفق الجميع بس ياأختي داام هي مااتباادله شعووور الحب

اجل لازم تصاااارحه وتقووله والله يعينه ,,,

وحراام تتركه كذا يمكن يحس انهاا تباادله فالاحسن انهااا تتشجع وتبدا بالكلااام

لو كل وحده يجيها واحد و وده يخطبها وهي تحسه مثل أخوها عز الله محد تزوج ليش ما تفكر فبه يمكن فيه خير لها أول شي تستخير ثم تشوف إذاهي مرتاحه ولالأ مع العلم إذا هي استخارت وحاطه براسها ماتبيه ما راح تستفيد شي بمكن تاخذ بعدين ألي تبيه وتندم طوال عمرها والله وحده صار فيها نفس الشي تركت ألي كان ميت عليها وراحت للي تبيه والله هالحين تعض أصابعها ندم وأخيرا الخيره فيما أختاره الله

السلام عليكم ورحمة الله وبركاته اختي الحبيبة طالما الرجل غريب فهم اصلا حرام يحكو مع بعض لا تحكي معو إلا للضروري كالعمل ولا ترد عليه بغير اشياء ووتقلو مثلا انا مخطوبة او احد متلكم فيني ولوسمحت لاتتكلم معي إلا بالعمل


لا تخاف على مشاعرو ماحدا بموت من الحب بوكرة يلاقي بنت الحلال وهي كمان

[align=center]بصراحه الرجل هذه غريب ليس من محارم وهو حرام عليك
لو يبغي يتزوجك يكلم اهلك بمعنى يحظر من الباب رايك غير وراي اهلك غير
اهلك يعرفون مصلحتك ياختي اتني تكلمنايعني انتي رخايصه الله يهديك الي طريق الحق.[/align]

شكرا بنات علي ردودكم آنابلغت نصايحكم لصديقتي و آن شاء الله اهي آوعدتني آنها راح تتشجع وتوجهه بالحقيقه آصلا هذا كان رآي لها بالبدايه بس آهي كانت متردده شكرا بنات وجزاكم الله الف خير
آما بنسبه للآخت اللي آنصحت بآنه آنسان غريب و آنه لازم يتقدم لخطبتها آنا قلت آنه عرض عليها آنه يخطبها بس آهي ماتحبه عشان كذا آعترضة علي هذي الفكره لآنها ماتبي تجرحه آمام الناس برفضها له