خواطر ذهبية لاخت نقصت 70 كيلو من وزنها

مجتمع رجيم / تجارب الرجيم الناجحة
كتبت : قطقوطه
-
[align=center]الرجيم ليس تعذيب وارهاق وعقاب...!!


فعلا كثير يجلسون ايام فااااااالين ابوها
اكل وبلع وهبال
حلويات وشكولاتات وشيبسات ومشروبات غازيه
وايسكريم
ومعجنات
ولما تششششششبع لين تعورها ضلوعها

تحس بالم نفسي عظيييييييييييييييييييييييم


ليه كذا
طيب خلاص ماراح افكر باللي راح


وبكرا ببدا رجيم

الفيشار

او رجيم 3 ايام مويه بس

او رجيم السوائل

او رجيم الـــ .... شي من العذاب

وتتوقع ان هالامر بينفعها

ممكن تسوي يومين كحد اقصى..بعدها تكرر الموضوع

وتتراكب المعجنات باردافها...والشوكولاتات بظهرها..والحلويات بكرشها


وترجع ذيك الليله السوداء اللي تتخذ فيها القرار الجرئ

<<<<<<>>>>>>>> السوائل
الفيشار
الخرابيط

الرجيم تعامل راقي وذكي مع الاكل

او انك تاكلين بحدود التثبيت وتتحركين لحدود النزول....[/align]
كتبت : قطقوطه
-
[align=center]الثواب والعقاب

ناكل ونتعذب
نروح حفلات ونتعذب
مطاعم ونتالم
وجمعات ومعمعة عذابات لاتنتهي
وان انتهت بتخبيص لامنتهي
يختتم بدموع على الوساده

>>>> بكتب اغاني قررت خلاص

وليه كذا وكل هالعنى
ناكل وننبسط
لكن مانعتبر الاكل غلطه ومجموعة ذنوب ونجلد انفسنا لاننا ارتكبناه...! وهنا نكون معاقبين

ونستمر بالعقاب

لوافترضنا ان الاكل ذنب ومارسناه
كل ذنب له كفاره

وكفارة التخبيص من وجهة نظري انا (( سول )) مشي مكثف او تمارين بكثافة تخبيصك وعدم رضاك عنها

ماقول لاترتكبون ذنوب
ارتكبوها

لكن تتحملون التكفير عنها؟؟؟

لو تعاملنا مع انفسنا بهالطريقه

اصبحنا بوضع (( الرشيق الصالح))[/align]
كتبت : قطقوطه
-
[align=center]
الضييييييييييييييق

غالبا اسبابه هالدوره المقرفه...


لما نضيق منها

نرمي مافينا عليها

ونقول هالسمنه وهالوزن مايتحرك

والمزاج يقلب 180 درجه

مثلي هاللحظه

مزاجي جدا مقفل

ادري انها السبب..او قرب موعدها السبب

لكن في بالي الوزن والدايت والوزن الزايد رغم انه ماحصل حتى الان الحمدلله

بس قلق في قلق

بالاخير

عيني على المطبخ والنفس مسدوده

والرغبه مفتوحه

لييييه ..؟؟!!

ساعات اقول ياحظ هالرجال ماعندهم هالمعاناة

شفتوا الصراع كيف

كلنا نعاني

مالي نفس اكل

وعقلي يقول لازم تاكلين

صار يومي كل مشغول بالاكل...

طيب هنا لازم افكر بشي ثاني

قلت اروح افتح موضوعي واهلوس عليكم

يمكن يتعدل المزاج..!!

تخيلو مريت بهالحاله 26 مره ...واجد صح

لكن خلال سنتين وشهرين

ايه

حنا لما نمسك درب مانعرف غيره...

فقط لاننا انفعاليات حدنا

لازم شوية رواق .. و راحه

بروح امارس هالرواق والراحه...




لي عوده
[/align]
كتبت : قطقوطه
-
[align=center]
انحصارنا بين مطرقة الماضي وسندان المستقبل


السمان نوعين

الاول

سمنته اصيله .. طفوله سمينه..مراهقه سمينه .. حياة زوجيه سمينه .. او عزوبيه طويله والسبب سمينه..!!


الثاني

سمنه حديثه من رغد وراحة الحياة الزوجيه او من الحمل وحبوب الحمل او من مشكلات اجتماعيه ونفسيه


النوع الاول

لما يبدا بالدايت او حتى يفكر فيه تلقى نفسها غرقانه بالماضي

سمنتي اصليه..بنحف وارجع لان انا اصلا سمينه

وتستمر بتسمير الشحوم على الواح الشحوم بين الكرش والارداف

والسبب


انا اصلا سمينه لو نحفت برجع اسمن..لو ماقالت هالحكي تبي تسمعه وتصدقه...!!

النوع الثاني


ذوات السمنه الحديثه

هذولا يأرقهم الوقت ويبون يرجعون مثل قبل باسرع مايمكن

تختار رجيم ابو 5 كيلو بالاسبوع

تكتشف انها مانزلت غير 2 كيلو

يوووه باقي لي شهرين على هالحال

لانها طبعا افترضت النزول بيكون مستمر

ماتدري انه فيه ايام وقد تكون شهور الجسم يقول ستووووب لازم نريح

للاسف ترجع تجمع الدهون والشحوم قبل توصل حتى مرحلة الثبات

وتكتفي بـ2 كيلو نزلتها بثقة اللي بتنزل الباقي

ولما تطلع بعد اسبوع ثاني ع الميزان تلاقي مع الـ2 اللي نزلوا 2 راجعين..!!


فقط لانها انحسرت بين تفكيرها وطموحها والمستقبل البعيد


فيه نوع نااادر واقدر اسميه غريب

اللي يخاف ينحف ويترهل...هذولا اعتبرهم مغيبين العقل..!!


عشان تنجحين

خلي تفكيرك مايتجاوز وقفتك وانعكاس صورتك بالمرايه

وشوفي انتي كذا تمام او تحتاجين تجديد

كل شي يحتاج وقت وصبر وراحه لما نكون نبي نعيد بناءه...


الوقت مهم..لكن لايكون طويل ونمل والاهداف لاتكون اكبر من القدره على التحقيق


لما تكون الكوره اكبر من المرمى....مستحيل تدخل..!!
[/align]
كتبت : قطقوطه
-
[align=center] الشكولاته والمعاناة


اغلب العالم تخرب دايتها عشان قطعة شكولاته

اكلتي قطعه او حبة سنكرس

مو اخرب يومي واكل باقي الكرتون

اخصم سعراتها من الايام الجايه

مو شرط اعذب نفسي ولااتعشى

لنفرض ان سعراتك زادت بسببها 300 كالوري

وانتي يوميا تاخذين 1000 كالوري

خلي باقي الاسبوع 950 ماراح تفرق معك كثير


خلونا نتعامل بذكاء عشان نعرف نعيش برواق

اتركوا التفكير بالمستقبل..صدقوني هو سبب الفشل


اللي يفكر بالقمم عمره مايكون بطل
[/align]
كتبت : قطقوطه
-
[align=center]حسن الاستماع...وتأكيد الاقتناع


لما تسمعين صوت عقلك يقولك

راح تنحفين اكيد لما يقل اكلك لو شوي

راح تنحفين لما تحركين جسمك وتجبرينه ينتج طاقه ويحرق الدهون لو حركه بسيطه


راح تقتنعين

ان الشي الكبير ممكن تشيلينه لو قسمتيه لاقسام صغيره

تبين تنزلين 40 كيلو

قسميها على 10 شهور

بتلاقين 4 كيلو بالشهر

تنزلينها بالراحه وبدون ضغط اعصاب

لا وممكن تنزلين ضعفها اول شهرين

يعني تستغنين عن شهرين

المهم

تقتنعين بحكي عقلك..وتقتنعين ان اي انسان قادر انك يحقق الانتقال

بين الي كان يشوفه ممكن واللي اعتقد انه مستحيل..



لكم حبي[/align]
الصفحات 1  2  3  4 5  6  7  8  ... الأخيرة