خواطر ذهبية لاخت نقصت 70 كيلو من وزنها

مجتمع رجيم / تجارب الرجيم الناجحة

كتبت : قطقوطه

[align=center]

السلام عليكم ورحمة الله وبركاته

حبايبي الموضوع منقول من غير ان اطيل عليكم, هذا الموضوع عجبني جدددا وحسيت ان الكلمات معبرة وصادقة لاقصى حد , وفي بعض الاحيان قاسية لكننا نحتاج لهذه القسوة , فاستاذنت صاحبة الموضوع ونقلتها لكم كما هي لانكم عزيزات عندي , وباذن الله يكون له الاثر الكبير لتحفيزكم وزيادة حماسكم في طريقكم نحو الرشاقة

الاخت اسمها سوول , وسمت موضوعها هلوسات , وانا اعتبرها خواطر من ذهبوهي على حلقات متعددة

وفي الختام اطلب منكم الدعاء لي ولها بظهر الغيب

وفقنا الله لما يحبه ويرضاه امين
=======================================

بسم الله الرحمن الرحيم..

انا خلال سنتين نزلت من وزني مايعادل وزن انثى بالغه عاقله لا ومربربه

فمن خلال هالتجربه الطويله

اللي مريت خلالها بوقفات نفسيه مع نفسي

وحاليا مع بعض الاخوات اللي اتشرف بأني كنت احد الاسباب في نزول اوزانهم

حبيت اكتب لكم بعض الفلسفات اللي طلعت فيها من هالتجربه

هي تقدرون تعتبرونها مصارحه ذاتيه..او مواجهه بدون مجاملات وطبطبه

.............................. .............................. .............................. ........

في هالموضوع بكتب لكم حوارتي النفسيه

اللي قد تكون حواراتكم على الاغلب ايضا...

وفي هالموضوع راح ارفق بعد حوارات وهلوسات سابقه لي في موضوعين قديمه نوعا ما..

.............................. .............................. .............................. ........

(( الحرمان ))

اعتبر هالكلمه اقصر طرق الانهيار والفشل

يعني انا قبل فتره قصيييره كنت اعاني من ضغوطات الوزن الثابت وصلتني للحرمان النفسي والعاطفي قبل الجسدي

قمت ادور اسلوب وحيل .. خلتني طول الوقت احس اني مو مرتاحه

لما اشتهي شي اقول في نفسي بعدين بعدين

وبكرا تتكرر المسألة ويتكرر الرد والحرمان بعدين بعدين

وبعدين وش يصير

بدل مااكل اللي اشتهيه بكميه معقوله .. احصل نفسي اكلواجرم في نفسي لين افقد كل المتعه في هالاكله اللي لي اسابيع اقول بعدين بعدين

هو الم نفسي والم جسدي من سؤ الهضم خاصه ان معدتي تعودت على الاكل القليل..

الحرمان

عمره ماوصلنا للهدف

انا وصلت هدفي وصدقوني ماعمري حرمت نفسي وهذا اللي خلاني اخذ هالفتره في اني انزله..

من بديت كنت حاطه في بالي انحف وبس

من بديت افكر بالاقام على شاشه الميزان ومن بديت اشوف نفسي بعون سول قبل

لقيت اني ادور حول نفسي..

صدقوني ..

الحرمان .. فقط وقت ضايع اخره خساره في كل شي إلا الوزن..

يتبع...
[/align]

كتبت : قطقوطه

[align=center]
قصه قديمه...!! "موضوع المعاناة:

صحيت 11 ونص

من 12 ونص وانا اشتغل بالبيت

ساعات احس اني غبيه لما سفرت شغالتي على اساس ابي حريتي ببيتي وابي اتحرك

المهم ماعلينا

راحت عاد

بس تصدقون والله الشغل بالبيت له عدة مميزات

اهمها لاصرتي متزاعله انتي وابو الشباب

انك ماتقابلين وجهه وهو منتفخ كنه ضب>>>>الضب كائن حي يتنمي للزواحف قبيح المنظر حين ينتفخ>>>>>ابوك يالشرح

والميزه الثانيه انك تتحركين...والثالثه انك تفرغين غضبك وازماتك النفسيه بالشغل

الزبده
الحركه جدا مريحه على عكس الظاهر
تريح الاعصاب وتشيل التوتر

حاليا انا لما يكون عندي شغل عادي بالبيت امشي نص ساعه

ولما يكون فيه شغل كثير..لاوالله يكفيني الشغل

تصدقون لي اسبوع خاطري في المطبق..وكل ماجيت اقول لزوجي يجيب افكر

وبعدين

اكلت وشبعت

وبعدين..

مافيه شي

عجين وبيض وزيوت

واحاول اركز واتذكر الطعم...الاقيه طعم عادي

مافيه ميزه

واغض النظر عن هالفكره

واكل اي شي

ان كان لي مزاج طبخت وإن لم يكن قزرناها خبز وجبن

تحسون ان الاكل مهوب كل شي

رحت البارح للمول...

اتفرج ولقيت مقاسي بسهوله

عقب معاناتي مع ايفانز او ان هارفي

ولقيت باسعار مره نايس

لكن الان الذوق صار صعب

ماصار يقنعني اي شي...

احساسي وانا اتمشى بهالمحلات واني لو ابي اقدر اخذ اي قطعه احساس مخملي عجيب

اوقف لحظه واتذكر قبل سنتين حالي

يالله

ازمه نفسيه كل الحركات وكل المناسبات...بداخلي شي يقول شكلك شييييييييييين

وعيوني تقول عادي مافيك زود

132 ولافيني زود

الحمد لله

اني صحيت من هذاك الكابوس

النكته
اختي تقولي :
تخيلي تنامين وتصحين وترجعين وزنك زي اول

قلت :

قولي خير لاان شاء الله

قالت اختي:

والله ان يجيني سكته>>>>>>>>مبسوطه باللوك الجديد لي

حسيت ان المتعه تجاوزتني انا........ووصلت اللي حولي
[/align]

كتبت : قطقوطه

[align=center]
الحركه..
تكفيك تأنيب الضمير...يعني انتي محدده سعراتك ماتزيد عن 800 مثلا ووصلتي 1200 في يوم ما

يعني زاد عليك 400 كالوري

سهله

امشي نص ساعه لمدة 4 ايام وبتكوني تخلصتي منها بدون ماتتأمين وتخربين باقي يومك

...

كإقتراح للمشي

وكيف تخلين الوقت يروح بدون ماتحسي فيه

اغرقي بأحلام اليقظه..

تخيلي نفسك تدخلين محل وتطلبين مقاس 10 او 8

واو

ولما تشترين فري سايز كيف يصير عليك

ولما تروحين لناس شايفين حالهم عليك لانك سمينه وكيف ردة فعلهم بتكون..؟!

فكري بترتيب وقتك واوراقك

بتلقين النص ساعه خلصت

7
7
7
7
لي عوده
[/align]

كتبت : قطقوطه

[align=center]
نــعود

((موقف))

مره لما كنت مخنوقه بمئة وثلاث وثلاثين كيلو

كنا في استراحة أهل زوجي

وكانت فيه بنت اخو زوجي .. وزنها اتوقع 72 لكن تبين اضخم .. يعني بنيتها عريضه شوي

وكانت واقفه على باب الشارع

طول فتره الـ5 سنوات كنت اعتقد ان باب الاستراحه صغير..ودايم اقول الله يصلح ياأبو عبد الله ليه ماكبرته>>>ابوعبدالله اخو زوجي

المهم

جيت بطلع

قالت لي بأسلوب السخريه ..

(( افتح لك الدرفه الثانيه ))

انقهرت جدا..لكن ماخليتها

قلت دبيه بس احلى منك...وبيني وبين نفسي اقول وش ابي بالحلا وانا غرقانة بالشحم..!!

سكتت .. ولاعمرها علقت..

عااااااااااد الان نحفت..

((وجا رد الاعتبار))

كنا مره في عزيمه وكانت نفس البنت تمشي قدامي

ولابسه ضيق ..وكانت زوايد ظهرها وجوانبها واضحه لانها سمنت بالاجازه >>> قريب جدا هالحكي

قمت مسكت ظهرها وقلت

وش ذا ؟؟ يكفي اكل ..لان بيدها الصحن معبيته من البوفيه..!!

اقسم بالله ماقدرت ترد

قالت :لااا الفستان ضيق..ولابسه مشد..!! >>> مع العلم ان البنت لها من شدة البلاغه اتوقع لسانين

طيب احسن لو لابسه مشد .. بس البلا بالجسم ..!!

عقبها حسيت بالانتصار

معلومه

عمري في حياتي ماتتريقت على اي بنت سمينه او دقيت او علقت عليها..لأني كنت احس باحساسها..فكنت اتجنب التجريح..

لكن هذي البنت كان لابد اني اخذ حقي منها..>>> حقوده لاحد يتعرض لها

****************************** ****

اكتشفت ايضا ان الجسم الرشيق... يصحي فيك الثقه ويعززها..

قاتلك الله يالشحم..حرمتنا حتى الاستقرار

نسيت اقولكم

ان باب الاستراحه كان عادي اتساعه..لكني انا كنت مفرطة الاتسااااااااع...البلا فيني مو بالباب..

****************************** ********

لي عوده
[/align]

كتبت : قطقوطه

[align=center]تذبذبنا

واستفسارتنا العقيمه

وهالدايت كم ينحف باسبوع

وهالدايت فيه رياضه او لا

اسئله وتذبذب يدهورنا الى حالات لايمكن ان نرجع منها بسهوله

ونتعدا الارقام الفلكيه

و لازلنا نبحث عن شي سهل ينزل وزننا مثل سهوله طلب الوجبات السريعه وأكلها الاسرع

ننتظر الوجبه السريعه نص ساعه وناكلها ب 5 دقايق

ونعاني منها سنوااااااااااااااات...
ليش مانتطور في كل شي

مو بس حالاتنا الماديه والتعليميه والاسلوب والكلام

نتطور بالاكل وافكارنا تجاهه

اكرر الاكل متعه مثل اي متعه لو زادت عن الحد بتكون نقمه.........!!
خذي قرار قوي وصارم
وكل ماضعفت نفسك قويها وقولي الى متى انا وانتي بنتعب؟؟

هو الاسبوع رايح رايح باكل او بدايت..خليني اجرب ماراح اخسر إلا وزن وهذا اكيد
لو نزلت نعمه لو مانزلت حاولت وحاشيت زياده وكمان تعلمت ان هالدايت ماناسبني

ادور غيره وافكر اكثر واكثر واكون واقعيه اكثر

نظرات الاعجاب فيك تغنيك.......[/align]

كتبت : قطقوطه

[align=center]
اغراض الدايت - مقاضي الدايت - اكلات الدايت

حلو ان الواحد يبحث عن بدائل صحيه وجيده

لكن الشي المزعج صرف مبالغ على الفاضي

كونك تحولين اكلك من هاي فات الى لو فات

يكفي

يعني بدل الزيت العادي .. يكون زيت الزيتون

وبدل الجبن العادي يكون اللايت

وبدل الدقيق الابيض والخبز الابيض الخبز الاسمرالغني بالالياف

لو جينا للسعرات ماتفرق كثير

لكن صحيا تفرق..

الدايت خسارة الوزن والصحه

الدايت اكتساب الصحه بتخفيف الوزن..
[/align]

الصفحات 1 2 3 4 5 ... الأخيرة

مواضيع مميزة قد تهمك

12 يوم نقصت عشره كيلو

نقصت 30 كيلو في شهرين

نقصت 7 كيلو فى شهر

كيف نقصت 2 كيلو في 10 أيام ؟؟

نقصت تلاتة كيلو فى اول مشوارى فى الرجيم

سر رشاقتي سر الرشاقة بدون رجيم ولا حمية

تجربتي والسر لإنقاص وزني بعد فضل الله من 69 إلى 53 كيلو بس بدون تعبت ولا ريجيمات ولا حرمان

معقوله , لهذه , الله , الدعاء , الرد , الوزن , الكلمات , اتشرف , ايضا , اعاني , اكتب , بدون , بعدين , تكون , حلقات , خواطر , يكون , على , عليكم , فيها , وانا , ورحمة , وزنه , نقصت , كيلو