التبول اللاارادى

مجتمع رجيم / موضوعات الأمومة والطفولة المميزة
ام هيا
آخر تحديث: 30 سبتمبر, 2020
اللاارادى 4ifo5k6kzf026zwd2dhn

بسم الله الرحمن الرحيم

انا حابة اشاركم معى فى المعاناة اللى كنت اعاني منها بس الحمد لله انتهت

عندى بنت عمرها 5 سنين ونصف وكانت على طول بتتبول على نفسها وهى نايمة فقط حتى لو نامت بعد الظهر قصاد التليفزيون
والموضوع ده كان مسبب لى ازمة

وأقعد اسألها ازاى ده انتى نمتى قليل جدا محستيش انك عايزة تعملى ده حتى فى مرة كانت نايمة على رجلى وشويه وحسيت بسخونة وطبعا عارفين السبب

وكانت تنام بدرى علشان المدرسة وانا قبل ماانام كنت ادخلها الحمام ويدوبك كان يفوت بس 3 ساعات علشان اصحيها للمدرسة والاقيها مبلولة لدرجة انى انا وابوها كنا عملين عليها رقابة انها ما تشرب ماء قبل النوم بساعة الا انها كانت تعمل بكميات رهيبة

وطبعا مش قادرة اقول لكم على الريحة وبحاول انى اهوى وادخل الشمس بس للاسف احنا فى السعودية المراتب اسفنج ومفيش بلكونات علشان اشيل المرتبة واحطها فى الشمس

عانيت معاناة مش قادرة اقول لكم

كان عندى مشكلة تانية معاها ان كلامها مش مفهوم ومش بتسمع كويس غير الشخير بالليل

فودتها لدكتور فى المغربى عملها فحوصات ولاقى ان عندها ماء ورا الطبلة مأثر على السمع عندها غير انها لازم تشيل اللحمية لانها كبيرة جدا وممكن تسببلها اختناق
المهم عملتها اللحمية وركبت انابيب فى ودنها علشان الماء

وبعد ماقامت بالسلامة الدكتور قال لو مفيش مشاكل هتيها ابص عليها بعد شهر

وفى خلال هذا الشهر بنتى معملتش خالص على نفسها وطبعا كنت مستغربة جدا ازاى

ولما روحت للدكتور حكتله ان البنت كانت على طول تسوى على نفسها حتى لو نامت وقت قليل ومن يوم ماعملت العملية والموضوع ده اختفى تماما هل له علاقة بالعملية

قالى طبعا. ده احنا بندرسه للطلبة فى الكليات


والحمد لله البنت بقت كويسة جدا وبقت تتنتبه وهى نايمة وتصحى تدخل الحمام
وكلامها اتحسن جدا

اى ام بتعانى من نفس المشكلة على طول تتوجه الى دكتور انف واذن وتتطمن على اللحمية
سحر هنو
آخر تحديث: 30 سبتمبر, 2020
أنا وطفلي
آخر تحديث: 30 سبتمبر, 2020
ام هيا يسلمو على هالتجربة المفيدة
والله يخليلك بنتك وتشوفيها عروسة
كيف هي هلأ ان شاء الله منيحة؟؟؟
الامل المنتظر
آخر تحديث: 30 سبتمبر, 2020
[align=center]مشكورررررررررررره يالغلا والله يحفظها لك ان شاء الله

ورح انقل الموضوع الى مكانه المناسب .

وبالتوفيق للجميع .
[/align]
××فراولة××
آخر تحديث: 30 سبتمبر, 2020
مشموشة العراق
آخر تحديث: 30 سبتمبر, 2020
الصفحات 1 2  3