ماليش غيرك
مجتمع رجيم / مسجات الجوال
كتبت :
فتاة التوحيد
-
اخوتى فى الله
الكلمات إللى هتشوفوها دلوقتى كلمات من القلب
أرجو ان تلمس قلوبكم ... كما أرجو ان يتقلبنى حبيبى
ماليش غيرك
أيوة بقولها بكل قوتى و نفسى تملأ كل الكون
ماليش غيرك ... حبيب ... قريب .... أمل .... رجاء
رحمة... معانى كتيرة بتجسدها لى
ماليش غيرك يحس بى ... ماليش غيرك ألجأ له بقلب موجوع مليان ألم
بس لما بجيلك قلبى بيتغير بلاقيه منور بحبك مليان بشعور جميل مش قاردة
حتى أوصفه لكن هو شعور حب .. قرب ..
قلب دقاته سريعة بس ده من حبك إللى بعيش به
بسترك على يا حبيبى ... عارف ليه ؟؟؟؟
لأن ماليش غيرك
كتير المحب مبيقدرش يقول لمحبوبه بحبك
لكن أنا هقولها لك بحبك ... بحبك ... بحبك
بحبك لحبك لعبادك
بحبك لرحمتك بهم
بحبك لسترك عليهم
بحبك لودك لهم
أنت الودود
بحبك لأنك خلتنى من عبادك
نفسى أكون فعلا أستحق أكون من عبادك
نفسى تحبنى و تنادى على فى الملأ الأعلى
إنى أحبها فأحبوها
عارف ليه كل ده ؟؟؟
لأن ماليش غيرك
لا إله إلا انت سبحانك إنى كنت من الظالمين
إلهى نعم كنت و مازلت من الظالمين
ظلمت نفسى ببعدى عنك ... "وأنت القريب تجيب دعوة الداع إذا دعان "
ظلمت نفسى بانشغالى بدنيا فانية .. و أنت العفو الرحيم
ظلمت نفسى بتقصيرى فى حق عبادتك ... و أنت الودود
حبيبى طرقت باب الذل ... و جئتك و كلى ذنوب
حبيبى جئت إليك لأطلب صفحك و عفوك
فلمن ألجأ .... و ليس لى غيرك
لأن ... ماليش غيرك
اخوتى لا تنسونى من صالح دعائكم
