أنا هقضي رأس السنة في مكان لا يخطر علي بالك؟؟ مين تيجى معاية

مجتمع رجيم / مسجات الجوال

كتبت : لويلتى

بصوا ياقمرات المنتدى أنا عجبتنى الفكرة دى قوى وقلت لازم اكتبها لكم ويارب تعجبكم زى بس أقرو الموضوع لأخرة وإنتو هتنبهرو زى ماأنا انبهرت بجد

حتقضي راس السنة فين ؟؟

ده كان اول سؤال قاله محمود لصاحبه خالد اول متصل بيه

محمود : حتقضي رأس السنة فين ؟؟ بسرعه علشان نظبط

خالد :- رقص السنة ؟؟ وحيبقى فين الرقص ده ؟؟ وحترقص فين السنة ؟؟

محمود :- يااااه يا خالد على طول محسسنى انك مش فاهم كده

خالد :- لا فاهم يا محمود بس اصلى مش عارف انت فاجأتنى

محمود :- طيب ايه جاى ولا الدور الجاى ؟؟

خالد :- طيب مين رايح فين ؟؟

محمود :- بص يا سيدي .. حسام رايح حفلة ، بيقولوا حتبقى جامده جدا وهيسهر لحد الفجر ..

و سمير رايح حفلة مع مراتة.. انت عارف سمير بيحب حفلات رأس السنة ..

ووليد مقضيها بقه مع خطيبتة واهلها

هاه رايح مع مين ولا حتروح فين .. مفيش وقت فاضل يوم .. الحق نفسك لحسن البلد كلها حتبقى زحمه وكله بيحتفل .. لحسن متلاقيش مكان تحتفل فيه ..

خالد :- يا نهار ابيض !! كل ده .. انا بقه رايح حته جامده اوى في الليلة ديه

محمود :- اييييييه يا خالووود علمنا يا معلم .. هو ده الكلام .. خارج مع مين ؟؟

خالد :- أنا إن شاء الله في ليلة رأس السنة مهاجر إلى الرسول عليه الصلاة والسلام

محمود :- نعم !!! حتعمل ايه يا خويا

خالد :- حهاجر للرسول عليه الصلاة والسلام ..

محمود :- ياعم أنت بتكلم أبو لهب ؟؟ انت لسه عايش في زمن قبل الهجرة ؟!! انت فاكرنا في قريش .. ياعم وانا قلتلك خارج مع الأوس والخزرج

خالد :- يا محمود مبهرجش بجد ..

محمود :- ايوا يعنى حتعمل ايه يعنى ؟!؟ حتسيب الكفار وتهاجر ؟؟

خالد :- بالظبـــــــــــــــــــــــــط

محمود :- ايه يبنى اللى بالظبط .. انا مش فاهم حاجه .. انت لسعت ولا ايه ؟؟

خالد : طيب ياعم قلي الأول .. انا عايزك تقول الحق يا محمود

انهى الأحسن أخرج اتنطط في الحفلة دى ولا في الحفلة دى ولا اهاجر للرسول عليه الصلاة والسلام

محمود :- طبعا تهاجر للرسول عليه الصلاة والسلام .. ديه عايزه كلام يعنى .. بس ازاى اصلا انت فقدت الزمن يبنى ؟!!؟ احنا في 1428 بعد الهجره

اتأخرت بتاع 1428 تقريبا .. لسه فاكر دلوقتى ؟؟

خالد :- اقعد اتريق كده وانت مش فاهم حاجه .. بس انت متفق معايا ان الهجرة للرسول افضل طبعا

محمود :- طبعا .. طبعا طبعا .. طبعا خالص

خالد :- اقولك انا ازاى بقه وفي الليلة ديه بالذات

محمود : هاه قول

خالد :- الرسول عليه الصلاة والسلام قال :- العبادة في الهرج كهجرة إلى

محمود :- عليه الصلاة والسلام .. بس ايه الهرج ده .. هو الهرج يعنى رأس السنة ؟؟

خالد :- لا الهرج معناه : وقت انشغال الناس باللهو

محمود :- ممممم فهمت .. يعنى قصدك ان الواحد لو عمل عبادة في وقت الناس كلها عماله مشغوله فيه عن ربنا وبتعصى ربنا ده كأنه هاجر إلى الرسول .. صح كده ؟

خالد :- بالظبط يا حوده .. هو كده يعنى الناس كلها في الشارع عماله اللى يغني واللى يعاكس واللى خارج يتفسح واللى فى حفله واللى هنا واللى هنا .. وانت تسيب ده

كله وتذكر الله في الوقت ده .. تصلى شوية .. تقعد تدعي .. تسمع قرآن .. تقرأ قرآن .. تسمع درس .. تشوف قناة دينية : الحكمة أو الناس أو الرحمة .. تسبح أو تذكر ربنا ..

كده يعنى .. ده ثوابه كأنك هاجرت للرسول .. لأن معظم الناس في انشغال عن الله .. فانت بطاعتك في اليوم ده تبقى حاجه متفرده

محمود :- ممم اتصدق مجاش فى دماغي الكلام ده قبل كده !! بس يعنى مثلا اسيب الخروج خالص واقعد بقه اعمل حاجه من دول .. اخد ثواب كأنى هاجرت للرسول ؟!!!؟

يااااااه كبير اوى الثواب ده .. بس انت متأكد ان الحديث ده صحيح .. وقوله تانى كده

خالد :- اه صحيح الحديث في صحيح مسلم يعنى صحيح

والحديث بيقول : العبادة في الهرج كهجرة إلى

رقم الحديث: 3220

المرجع : صحيح ابن ماجه2

الصفحه: 362

الموضوع : الفتن واشراط الساعه والبعث

نوع الحديث : صحيح

الكتاب : صحيح سنن ابن ماجه باختصار السند

المؤلف : محمد ناصر الدين الالباني

نص الحديث

حدثنا حميد بن مسعدة حدثنا جعفر بن سليمان عن المعلى بن زياد عن معاوية ابن قرة عن معقل بن يسار قال قال رسول الله صلى الله عليه وسلم العبادة في الهرج كهجرة إلي * ( صحيح ) _ الروض 869 : وأخرجه مسلم . الكتاب صحيح سنن ابن ماجة باختصار السند – الهرج : ايام الفتن وظهور العناد بين العباد

فأنا بقه يا محمود حعمل كده ان شاء الله .. بليل بقه بدل مخرج مع الناس .. حقعد اقرأ قرآن أو اشوف درس احضره .. أو اصلي بليل قيام ليل او اقعد ادعي واذكر ربنا .. اتفرج على برنامج .. كده يعنى

ما أنت عارف يا محمود الليلة ديه بيصعد إلى الله فيها كمية ذنووووب لا حصر لها

خلينا احنا في الليلة ديه يصعد منا حسنات إلى الله ..

محمود : اتصدق عندك حق يا خالد .. انا ان شاء الله بكره حعمل زيك خلينا بقه نعمل حاجه عدله

محمود :- يعنى مش هنحتفل خالص

خالد :- طيب لما الرسول معملش كده واحنا المفروض نتبع الرسول ليه نحتفل بيه ؟.؟؟

محمود :- ممم يمكن حاجه كده علشان سنة جديده

خالد :- لا علشان اصلا اللى بيحتفل بيه النصارى فاحنا علشان بقينا معاهم وخلاص من غير منعرف بنتحفل ليه .. احتفلنا معاهم بعيدهم .. طيب اسألك سؤال ؟؟

محمود :- اسال ..

خالد :- انت بتحتفل بالسنة الصينية ؟؟ او بالسنة القبطية ؟؟

محمود :- لا طبعا .. ايه ده صحيح اشمعنى يعنى السنة الميلادية اللى بنحتفل بيها ودول لا !!! غريبة

خالد :- لا مش غريبة .. اصل الفكرة ان علشان النصارى في كل حته بيحتفلوا بيه علشان عيدهم .. احنا كمان احتفلنا معاهم .. لكن علشان الصينيين بعيد عننا ومفيش حد بيحتفل بالسنة القبطية خلاص

محمود :- يعنى قصدك هو عيدهم بس احنا اتأثرنا بيهم فاحتفلنا معاهم

خالد :- بالظبط .. المفروض بالنسبة للمسلم ده يوم عادي جدا .. يمكن كمان ده فرصة زي مقلتلك انك تطيع ربنا فى يوم الناس كلها بتعصي فيه ..
يلا ياجماعة مين هتقضي معاية راس السنة في الهجرة
اتمنى يكون الموضوع عجبكم

كتبت : ✿ موكآ فرآولة ✿

[align=center]

ماشاااء الله اختيااار موفق لويلتي .. انا اول وحده معاك ..

واسال الله ان يهدي الجميع الى سرآآطه المستقيم

:)
[/align]

كتبت : لويلتى

class="quote">اقتباس : المشاركة التي أضيفت بواسطة موكاااا فراوله:
[align=center]

ماشاااء الله اختيااار موفق لويلتي .. انا اول وحده معاك ..

واسال الله ان يهدي الجميع الى سرآآطه المستقيم

:)
[/align]

وانا يسعدنى انك اول وحدة معاية ويارب يهدينا جميعا الي كل مايحبة ويرضاة
اسعدنى وجودك ياقمر المنتدى

كتبت : سمنتي سبب تعاستي..

موضوع رائع لويلتي
الله يهدينا يارب ويوفقنا لما يرضاه

شـكــ وبارك الله فيك ـــرا لك ... لك مني أجمل تحية .

كتبت : لويلتى

class="quote">اقتباس : المشاركة التي أضيفت بواسطة سمنتي سبب تعاستي..:
موضوع رائع لويلتي
الله يهدينا يارب ويوفقنا لما يرضاه

شـكــ وبارك الله فيك ـــرا لك ... لك مني أجمل تحية .

اسعدنى وجودك حبيبتى

أنا هقضي رأس السنة في مكان لا يخطر علي بالك؟؟ مين تيجى معاية

مجتمع رجيم / مسجات الجوال

عندك قدره ع المواجه تفضل؟

كل رمضان وأنتم بألف خير‎