ايه أكثر شئ بيسعدك في الدنيا؟

مجتمع رجيم مسجات الجوال
الكاتبة: فتاة التوحيد

ايه أكثر شئ بيسعدك في الدنيا؟



عمركم يا اخواتى فى الله فكرتوا ايه أكثر حاجة بتسعدكم في الدنيا؟

ممكن منكم اللي يستغرب أنا ليه فتحت الموضوع ده في الساحة دي بالذات...دي مش صدفة ولا غلطة، ربنا بيفرح لفرحة عبادة، بل ويريد- سبحانه- فرحة عباده، إذاً، فطبيعي جداً أن نتحدث عن سعادتنا وفرحتنا في هذه الساحة


في ناس بتلاقي سعادتها في الصلاة...بتحس انها بتكلم ربنا سبحانه وتعالى ولو ينفع نقول "بتفضفض"، وبتتوكل على الله وبتتخلص من مشاكلها وهمومها في ركعتين لا يعلم ما يُقال فيهم غير الرب وعبده

في ناس بتلاقي سعادتها في مساعدة الناس...بتستمد طاقتها من ابتسامة طفل يتيم لعبت معاه أو فرحة أم كان همها قوت أولادها

وفي ناس بتشعر بالسعادة لما تشعر بالحب...لما تحس انها بتحب وبتتحب، لما بتحس ان في حد بيحبها لشخصها، بيحبها "دون علائق" - أي دون مصلحة أو رغبة في أئ شي، حد بيحبها لنفسها، بتحس بالأمان لأن مهما حصل، عارفة ان الحب موجود في حياتها

وفي ناس بتشعر بأقصى سعادة عند تحقيق نجاح معين، لما تحس انها تغلبت على مشكلة أو معضلة ما وخرجت منها منتصرة

وفي ناس معنى السعادة بيتمثل لها في شئ صغير قوي، قد يظهر أنه تافه لبعض الناس بس هو فعلا مصدر سعادة...ممكن حد يحس بالسعادة عند التأمل في هدوء على بحر أو في الصحراء، أو في رؤية طفلها الصغير يتمتع بصحة جيدة، وفي دعوة طالعة من القلب برضا وحب من أمها، وفي ناس سعادتها أبسط من كده بكثير...قد تكون في راحة البال أو حتى في كوب شاي تشربه مع الأصدقاء في جلسة كلها ود وحب


ايه أكثر شئ يشعرك بالسعادة في الدنيا؟

في انتظار المشاركات

ربنا يسعدكم دنيا وآخرة


الكاتبة: randoda

السلام عليكم ورحمة الله وبركاته

بارك الله فيكى حبيبتى

موضوع راااائع

بالنسبة للسعادة باحس بالسعادة لما اعمل شىء يفيد الاخر

او اذكر احد اخواتى بشىء

او اوصل معلومة لاحد

او اسعد بسعاده من حولى


بارك الله فيكى و لو ان منتدى النقاش افضل لهذا الموضوع

و لكن لرغبتك لم انقله

بارك الله فيكى
الكاتبة: سمنتي سبب تعاستي..

وفي ناس بتشعر بأقصى سعادة عند تحقيق نجاح معين، لما تحس انها تغلبت على مشكلة أو معضلة ما وخرجت منها منتصرة

هذي احلى سعاده لي اذا نجحت بشي
الكاتبة: جوجو 2008

السلام عليكم ورحمه الله وبركاته
اكيد في حاجات كتييير بتسعدنا انا بأكون سعيده لما انجز كل واجباتي علي اكمل وجه
في حاجه خلتني سعيده قوي في اليومين اللي فاتوا اننا قضينا الامانه
الكاتبة: نهودة

اكثر شئ بيسعدنى انى اادى واجباتى على اكمل وجة واادى عباداتى لله سبحانة وتعالى وان يكون راضى عنى

وان اشوف اولادى احسن الناس وكمان احساسى بوجودى مع اهلى بيسعدنى كتير
الكاتبة: فطومة محمد

اكيد في اشياء بتسعدنا كنت ببقي سعيدة

وانا في الفرقة مع صحباتي ونروح الافراح الاسلامية

لكن السعادة الحقيقية بحسها بجد لما بكون قريبة

من ربنا وزي ماقلتي بنفضفض

وتحسي انك بتكلمي ربنا احساس جميييييييييييييل جدا
الصفحات 1 2 

التالي
السابق