ساعدوني الله يسعدكم

مجتمع رجيم / الحمية و الرشاقة و الرجيم
كتبت : ام مهاوي
-
السلام عليكم ورحمة الله وبركاته
اخواتي لا تحرموني مساعدتكم عندي يوم الخميس عيد مبلاد بنت اختي الله يحفظها بتطفي اول شمعه .. وأريد اطباق فطاير او أي شي يصلح للأطفال عشان اعمله لها اقصد للحفله ويصير شي مميز وجذاب .............زساعدوني بافكاركم الحلوة ........سألتكم بالله لا تدخلو وتطلعو من دون مشاركتي ومساعدتي..
كتبت : تحديت زماني
-
أختي الحبيبة أسعد الله أوقاتك
وكل عام وبنت أختك بخير
حبيبتي أنا رح أعطيكي المكونات أما العيار أنتي بتقدريه بلكمية الي رح تعمليها
الفطاير :طحين ابيض مثلا كيلو
كوب مي وشوي (على حسب اكتفاء العجينة بلمي ولازم ما تكون كتير رخوة ولا كتير سميكة)وإذا بتحبي تحطي مع المي حليب مشان الطعمة بصير يعني بتقسمي الكمية نصين بين الحليب والمي وبتعجني فيهم
نص كوب زيت ذرة
بيضة
ملعقة صغيرة خميرة حبيبات بتذوبيها بفنجان مي دافي وبتضيفيها للعجينة
ملعقة وشوي باكينج بودر إزا بدك الفطاير تنفش معك
نص ملعقة ملح
نص ملعقة سكر
وإزا حبيبتي تضيفي حليب بودرة بلأخر مشان تعطي طعمة طيبة كمان بصير
وبتضلك تعجني لحتى يصير عندك عجينة سهلة التشكيل والخبز
وبتغطيها بكيس نايلون وبتحطي فوقها خرقة وبتتركيها تتخمر بحدود الساعة يعني لما تنفش وتكثر كميتها
بعدين بتكوني حضرتي الحشوات
إما خضار مشكلة للبيتزا
أو تشوحي السبانخ علنار مع التوم والبصل و ترشي عليهم الليمون
أو لحمة مشوحة مع البندورة والبصل والبهارات
والحجم إنتي بتتحكمي فيه (حجم الفطاير)
ومشان ما يلتصقو بإيدك أثناء التشكيل حطي جنبك صحن زيت بس لا تحطي عليهم زيت مطرح التشكيل مشان يلزقو معك
وأدهني الصينية يلي بدك تحطيهم فيها بلفرن وهن ما بياخدو وقت طويل بلفرن يعني ربع عشر دقايق ولازم تكون واقفة وعم تراقبيهم لانهم دغري بيستوو
أختي الحبيبة هادا يلي بعرفو بالفطاير
وأنا بعملهم وبيطلعو معي زابطين وطيبين
ياريتك قريبة عليي والله العظيم كنت إجيت وساعدتك فيهم(:
وإزا إلك أي إستفسار انا موجودة
بتمنى كون أفتدك
كتبت : ام مهاوي
-
السلام عليكم ورحمة الله وبركاته
مشكورة اختي عالفزعه وما انحرم منك يا طيوبه .. وهذا العشم فيكم يابنات سوريا العسولات والله إنك ما قصرتي وفيتي وكفيتي ...