كرواسون من مطبخي بالصور

مجتمع رجيم / الاطباق المتنوعة

كتبت : قمر الزمان22

اول مرة انزل موضوع في القسم هنا
عملت كرواسون في البيت وعجب جوزي اوي طريقته من الشيف اسامة بس الحمد لله طلعت المقادير مظبوطة وطلع مورق وهش من جوة قلت اصوره لكم وانتوا تحكموا
المقادير
7u7yh2032xpp00e2rhxl

4و1\2كوب دقيق
1و1\4كوب لبن
2م\ك سكر
1و1\2م\ص خميرة
1بيضة
ذرة ملح
1 كوب زبدة
انصحكم تستعملوا الخميرة الطازة افضل كتير من الكيماوية انا استعملت الطازة بس خلصت ماعرفتش اصورلكم غير الكيماوية اصلي نسيت اصور المقادير قبل ما ابدأ
الطريقة
عجنت المقادير كلها من غير الزبدة وبعدها تركتها تتخمر في مكان دافئ وللاسف نسيت اصور الخطوة دي
وبعدينفدت العجينة علي رخامة مرشوشة بالدقيق وقسمت كوب الزبدة نصفين نصف حطيته شرايح في نصف العجينة وطبقتها بالنص وبعدين فردتها بالنشابة كانك بتخبطي علي العجينة علشان ما تطلعش الزبدة منها وبعدين طبقتها زي ما واضح في الصور

zvtakxh0vefd7tqgsx3.

غطيت العجينة وسبتها في الثلاجة حوالي ساعة وبعدين خرجتها وفردتها بالنشابة وبعدين طبقتها بنفس الخطوات ال فاتت بس من غير زبدة وبعدها دخلتها الثلاجة تاني
وفي المرة الثالثة وانا بفردها حطيت النص التاني من الزبدة وهكذا وانا كررت العملية دي 4 مرات مرة بزبدة ومرة من غير
وبعدين طلعتها من الثلاجة وفردتها وقطعتها مثلثات

ودهنت المثلث باللبن ورشيته بالزعتر علشان الزعتر يمسك فيه ومايخرجش وانا بلفه

وحشيتها كمان جبنة شيدر

ورصيتهم في صنية وسيبتهم يتخمروا في درجة الحرارة العادية
وبعدين دهنت الوجه بالبيض واللبن
وسبتهم مرة تانية بعد الدهن حوالي 10 دقايق بس
ودخلتهم فرن حرارته190 كنت مسخناه كويس في العشر دقايق الاخيرة
وسبتهم لحد مااحمر وشهم واتكسف طلعتهم