كيف أتعامل مع هلموقف المدمر؟

مجتمع رجيم / أرشيف الاسئلة
كتبت : تحديت زماني
-
السلام عليكم ورحمة الله وبركاته
دكتورة أفيديني بالله عليكي شو أساوي مع زوجي
أنا متزوجة منذ سنة و3 شهور وزوجي لا يقربني وبيني وبينه خمس سنين
المهم أنا حاليا متغربة معه ما عندنا أطفال لأنه يعاني من عدة مشاكل
من فترة أحس أنه يقعد علنت يلعب بلياردو كثير ولما أكون بلمطبخ وأجي وأقعد جنبه يكبر الشاشة مشان ما يبان صندوق الدردشة ويكمل لعبه
وتكررت هلشغلة أكثر من مرة وأنا راودني الشك أنه يكون يحكي مع بنات
وأناعندي خبرة بلبرامج وكنت مدرسة كمبيوتر ببلدي قبل ما أتغرب
فركبت برنامج مراقبة للجهاز يعطيني تصوير للشاشة لأن بدي أتأكد من ظنوني ومخاوفي وللأسف طلعت كل مخاوفي حقيقة زوجي المصون المحترم إلي أخذته وقبلت فيه لدينه وأخلاقه مع إني ما أهتميت للجمال أو للمال بس على سمعته وعلى صلاته وإلتزامه وأبوي لما سأل عنه الكل مدح فيه
كان يقعد على هل بلساعات وأنا أساوي حالي نايمة جنبه بس قبل ما أركب برنامج المراقبة
والمشكلة من لما ركبت برنامج المراقبة إنشغل بجية أخوه وما يقعد علنت كثير بس الي أنا متأكدة منه(من صور البرنامج) أنه يحكي مع بنات وكان لما يدخل واحد بإسم رجل ما يكلمه بس يلعب معه ولما وحدة تدخل بإسم بنت يبدى بلسلام وبلحكي وبلمزح والضحك(وأنا ما كنت أتوقع هيك تصرف يكون من زوجي وهو يعمل حاله يخجل من النسوان ويغض بصره وحافظ فرجه)
ما بعرف شو الحل وانا من لما تأكدت من مخاوفي وأنا زعلانة ومو راضية أكلمه وهو يسألني شو فيكي أقله ولا شي تعبانة
وما بينتله شي
وللمعلومية هو كثير الغياب عن البيت يغيب من الصبح لليل يمكن بسبب شغله أو أنه يروح على كمبيوتره إلي بلمكتب ويحكي مع البنات
أفيديني ...أرشديني ......علميني شو أعمل
أنا لوحدي بلغربة ما عندي حدى أستشيره
وأنا خايفة علاقاتو الكتابية واللعب يصير جد وتتطور وينساق ورى شهواته
وأتمنى تستبعدي إحتمال إني أصارحه بلحقيقة لان ما بدي ياه يعرف إني أراقب الجهاز
أعتذر عن الإطالة ولكي مني كل الشكر والتقدير
كتبت : الخيال الحر
-
وعليكم السلام ورحمة الله وبركاته

عزيزتي علاقتك بزوجك لازم تكون احسن من هيك يعني ليش بتخليه يجلس على الجهاز يلعب لازم انت تشغليه بنفسك يعني تتحدثوا وتتناقشوا وتجذبيه إلك وتدلعيه يعني تعملي جو حلو بالبيت تخليه يجلس معك ويترك الجلوس على الجهاز
وبغض النظر سواء كان بيحكي مع بنات أو لأ انت لازم ماتخليه يلعب ويضيع وقته لانه هذا الوقت ملك إلك ومن حقك وعلى كل حال لازم تلحقي زوجك قبل ما ينساق ورى الحديث مع البنات لهيك انت حاولي تتغيري
يعني شو رأيك لو انت وياها بتلعبوا ورق او بتخرجوا بتسهروا برى البيت او تتناقشوا حول بعض المواضيع يعني تتحدثوا عن الثقافة وبتابعوا اشياء مهمة بالتلفاز او تتحدثوا عن اهدافكم بالحياة وطموحاتكن وما إلى هنالك .................................
وكمان ركزي حالك والبسي احلى ماعندك وتمكيجي واعملي ليلة رومانسية واظهري اديش انت بتحبيه
وبعدين انت وياه لسى ببداية حياتكم الزوجية وهي الايام هي احلى ايام لا تخلي حياتك هيك لازم تعملي تغيير للاحسن
لازم تكسري الروتين وتقوي علاقتك بزوجك وتخليه مايقدر يبعد عنك حتى لحظة يعني تخليه ديما يفكر فيك وما يقدر يجلس على الجهاز يلعب
وديما ادعي الله عزوجل انه يحميلك زوجك ويحفظه من كل مكروه وتبقوا عايشين احلى حياة مع بعض
والله يوفقك يارب
كتبت : سحر هنو
-