معكرونة ايطالي لذيذة

مجتمع رجيم / المعجنات و الحلويات

كتبت : ام فرح وجودي

انشالله تكونو بخير يا احلى وردات
هالمعكرونة سهلة وطعمها كتير حلو يارب تعجبكم
المقادير:

كيس معكرونة اي شكل انتي بتفضلي , انا بستعمل البينا {القلم}

علبة كريمة لباني نص ليتر

2 فص توم

علبة مشروم

علبة بندورة {طماطم} مجففة

ملعقتين زيت زيتون

بصل اخضر و ريحان

اول الشي نسلق المعكرونة وفي هالاثناء نجيب طاسة غميقة نحط فيها ملعقتين الزيت ,نفرم التوم و نضيفه للزيت
تحميرة بسيطة نضيف المشروم و نقلب شوي و بعدين نضيف قطع الطماطم المجففة بعد تقطيعها ونقلب حوالي 5 دقايق ونضيف الكريمة و بعد ما تغلي نوطي النار لمدة 10 دقايق مع التحريك كل شوي ,ثم ضيفي المعكرونة وحركيها مع صوص الكريمة..لمسة اخيرة شرايح البصل الاخضر و الريحان و بشرة جبنة حسب الرغبة....
انا بعمل معها شرايح جاج مشوية ...
يارب تعجبكن جربوها وقولولي رايكم
شكرًا