يوميــاتي لنقـص 15 كيلو ،،

مجتمع رجيم / أرشيف رجيم
Sweet Sugar
الســلام عليــكم بنــات

انا يديدة عندكم ،، وان شا الله انا ناويــة ان انقص 15 كيلو في اقصر فتـــرة ،،

ولو نجح معــااي بحطييه في "تجـارب الرجيــم الناجحــة" !

والله ودي انقص من وزني هذا ،، يضايقني مرة ..

احسن اني ما مرتاحــة وما اقدر البس الي ابييه !

انا عمري 14 و بالنسبة لسني متينة لأن وزني 60 للأسف هخخخ

كل ربعـــي وزنهم 42 أو 47 أو جييه ،، وأنا ودي انقص وأوصل لـ 45 كيلو << ياارييت

فبكتب كل يوم شو يصير معااي ^^

أبي اشووف الميزان ومكتوب 45 ! فســاعدوني بنــات !

ان شا الله بمشي كل يوم من ساعتين لـ ثلاث ساعات ،، و ببدأ يومي بـ بيضة و شاي أحمر

بالمناسبة عرفت ان الي يبدأ يومه بـ بيضة او ثنتين ،، يقلل الانسان من الاكل و يحسسه بالشبع مرات ،، رجربت هالطريقة قبل ونقصت

كان وزني 64 و نزلت 60 ،، يعني ينفع .. و الغدا فواكة وخضرة وبعده على طول شاي رويال ،، انا ما احب شاي رويال فأخلطه مع شاي احمر

وكل يوم بزيد كمية شاي رويال و بقلل من الاحمر لما اتعود عليه و بشربه كل يوم ثلاث مرات واسميه شاي مشكل

والعشا فواكة وبعده شاي مشكل و بعد كل شاي مشكل اشرب حصير برتقال مسواي بالبيت

بنــات شجعووني ^____^ يوميــاتي grin.gif
سعاد الراشد
بالتوفيق يا قلبي

بس بقولك حافظي على وزنك وخليه مناسب مع طولك لاتصيري نحيفة ياقلبي
مرهفه الاحاسيس
موفقه ان شاء الله

واهمممممممممممم شيء الاراده وتقتنعين قنااااااااعه بنفسك انك لازم تنحفيييييييييييين

والله يوفقك
Sweet Sugar
شكــراً لكــم خـواتي ،، و اختي سعــاد الراشــد رحت عند "نيوتريشن"

و قالوا لي ان وزني الطبيعي بي 47 و 51 بس انا ابي انحف لـ 45 عشان كلـت شي أو زدت

كيلو او اثنين ما يبين علي ^___^

واختي مرهفــة الاحاسيــس ،، معـاج حق !

لازم إرادة .. انا احطي خلفية كمبيوتري بنات ضعاف عشان كل ما اشوفهم

تزيد ارادتي و انسى الاكل ^__^

شكــراً لكـــم !
فاتي 88
هلاااا سويت

انا ودي ابتدي معاج لازم اخسر 10 كيلو
وزني احين 60 ولازم اوصل 50 باذن الله
هدفي الاول 55

ادعوووو لي اضعف لاني تعبت طول حياتي احاول اسوي رجيم

اكتبي شو تاكلين كل يوم وانا بعد بادخل وباذكر الي اكله
حاليا ما اتبع رجيم معين بس اخفف وانشالله لين في رجيم عجبني باتبعه
والي عندهم افكار رجيم يضعف يقول لنا بليييز


يللا ان شالله كلناااااااااا نصير رشيقات
Sweet Sugar
الســلام عليكــم فــاتي !

خل نبتــدي مع بعض عيــل ^__^

حتى انا تعبــت ،، الرجيمـات عقدتنــي ..

ان شا الله ننقص انا و انتي و كل البنات

الصبح اول ما نقووم من النوم نسوي رياضة لـنص ساعة

لأن يقولج ان الرياضة اول ما تقومين من النوم و يكون الصبح يساعد على حرق السعرات أكثر

و بعدين تاكلين بيضة او ثنتيـن وانتي تطبخينهم حطي فيهم كركم و فلفل اسود بس قللي منهم و قللي من الملح

لأن الاملاح تخزن الدهون وما تساعد على نقص الوزن

و معاها شاي الي يناسبج ،، والوقت بين الغدا و الفطور اكيد بتشوفين نفسج تاكلين لا إرادياً

مثل ما صار لي فخلي معاج غرشة ماي كبيرة وين ما تروحين و اشربي متى ما حسيتي انج بتاكلين

واكلي موزة وحدة بس و عنب شوية لأن العنب يسوي اسهال ( من خمس لـ عشر حبات)

و الغدا بس فواكة و اكلي اي شي بس لا تاكلين التين ولا الموز و العنب ولا الهمـبا (مانجو)

و بعد الغدا بربع ساعة شربي شاي رويال ،، لأن شاي رويال اييب سهال حطي معاه ملعقة سكر اذا ما تحبين طعمه ،، ولو ما شبعتي من الغدا ، ملي بطنج بالماي

و العصر طبعاَ كل حد يبي ياكل شي حلو ،، فأكلي ملعقتين عسل و اتلذذي فيهم

و العشا لا تاكلي الا تفاح او برتقال و اشربي بعد التفاح و البرتقال عصير برتقال

و اشربي ماي اذا حسيتي بالجوع و طبعاً بتنامين بعدين ^^

و كل ما حسيتي بالجوع شربي ماي ،، و شربي شاي رويال (الشاي الاخضر) ثلاث مرات يومياً

اهم وقت في الغدا و الكاسين الثانيين متى ما حبيتي ^^

و بالتوفيق لج اختي و لكل وحدة تبي تضعف ^___^
الصفحات 1 2