ممكن تساعدونى

اختي الكريمة

انا فهمت من المشاركة انه وزنك زاد وانه بينت الزيادة بالبطن وحابة تمارين مخصصة للبطن صحيح ؟

انا راح اعطيك تمارين بسيطة وخفيفة للبطن والخصر وانشالله تساعدك

بشرط تحاولي تمارسيها بالطريقة الصحيحة وانه ما تزيد عن 3-4 مرات بالاسبوع مش كل يوم لانه مش منيح

يوم وترك بيكون ممتاز

وابدئي خفيف يعني 10 مرات او 15 مرة لكل تمرين وبعدين زيديهم بالتدريج البسيط وما تتحمسي وتزيدي كتير وتتعبي


التمرين الأول:

نامي على ضهرك واثني ركبك وحطي ايديكي ورا راسك واضغطي على بطنك واطلعي لفوق <<<<<<<< شرح رهيب ههههههههههههههه

كرري هالتمرين حوالي 15 مرة او 20 مرة بالاول هو سهل

التمرين التاني:

نامي على ضهرك واثني ركبك وحطي ايديكي ورا راسك او حمبك مش مشكلة نفس الاول بس هالمرة للجوانب يعني اطلعي مرة يمين ومرة شمال

كرري هالتمرين 10 مرات لليمين و10 للشمال يعني التوتال 20 للناحيتين

التمرين التالت: وهادا كرييييييييه بس مفيد

نامي على ضهرك ومدي ايديكي جمبك يعني موازي لضهرك واتني ركبك واضغطي على البطن السفلي برجليكي وهم متنيين

كرري هالتمرين 10 مرات

التمرين الرابع:

نفس التمرين التالت بس هالمرة راح تضغطي على البطن السفلي برجليكي مرة وهم متنيين ومرة وهم مفرودين <<<<<< للاسف ما عندي صور اوضحلك اكتر

كرري هالتمرين 5 مرات عند التني و5 مرات عند الفرد يعني التوتال 10 مرات

التمرين الاخير وهو للخصر:

خليكي واقفة وفاتحة رجليكي شوي ورافعة ضهرك واتني ركبك شوي وحطي اديكي على خصرك
ثبتي رجليكي ما تحركيهم ابدااااا ولفي خصرك يمين وشمال

لفي 10 مرات لليمين و10 مرات للشمال يعني المجموع 20


واعذريني اختي لاني ما عندي صور وبتمنى يكون شرحي واضح

واذا عندك اي سؤال انا تحت امرك

والله يخليلك مودي ويتربى بعزك

بارك الله فيك أختى ضايعة أنت الوحيدة التى ردت علىّ
إن شاء الله سأحاول عمل هذه التمارين