الطلاق غير محبب ولكن بعض الأحيان المرأه تكون مجبوره
اللي يضربها زوجها واللي يشرب واللي ياخذ مخدرات الله لايبلانا يارب
وبعض الأحيان أسباب نجهلها وهي خصوصيه تكون بين الزوجين ويحدث الطلاق
يروح الرجال يقول ابي بنت مابي مطلقه شمعنى يعني وهو مطلق ويتشرط
مجتمعنا يدين المرأه المطلقه ولا يدين الرجل الرجال له هفواته بعد
هي مطلقه مو زانيه والعياذ بالله علشان الكل يتكلم عنها وينهش بلحمها
أتكلم من واقع وحده من قريباتي الله ما أراد زواجها يستمر وتطلقت والكل يدينها لدرجة إنها تبكي
تقول ماسويت شي
بس الحمد لله ربي عوضها بزوج طيب ولد حلال يوم جاها هذا الزوج يقولون بل لها حظ
فيهم حسد مو طبيعي طيب ادعو لها بالخير
بدل ماتقولون لها حظ زين
الله يوفقها ويوفق كل المطلقات ويعوضهم يارب
