طريقة جديدة لعمل البسبوسة و اتحداكى لو مطلعتش تجنن
مجتمع رجيم / المعجنات و الحلويات
حبيباتى و اخواتى عضوات المنتدى جبت لكم اليوم مقادير جديدة للبسبوسة بس خليها فى سرك و ماتقوليش لحد عليها علشان دى سر الصنعة
نبتدى بالمقادير :
1\2كيلو سميد بسبوسة من عند الحلوانى السادة اللى من غير اى اضافات طبعا عرفنها
كوب و 1\4 سكر سنترفيش
باكوا كامل بكنج بودر
2 فانيليا
1\2 كوب جوز هند ناعم
3ملاعق سمن بلدى
3ملاعق زيت ذرة ايوة زيت ذرة متستغربيش و هو دى السر
3ملاعق لبن بودرة نيدو
كوب زبادى دانون
الشربات او العقد
2 كوب سكر
كوب ماء و يبقى على النار حتى يصل الى قوام وسط لا خفيف اوى ولا سميك اوى
طريقة البسبوسة
ضعى كل المقادير الجافة مع بعض السميد و جوز الهند و البكنج بودر و السكر و الفانيليا و اللبن البودرة و يقلبوا جيدا
ثم نعجنهم بالسمن و الزيت ويبسوا جيدا ثم نعجنهم بالزبادى و الماء الدافئ حتى نحصل على قوام البسبوسة المظبوط
و فى تلك الاثناء نسخن الفرن و ندهن صنية مقاس 32 سمن و نصب البسبوسة فيها و نقطعها على حسب الرغبة و نتركها فى الصنية 1\4 ساعة على ما يسخن الفرن ثم نضعها فى فرن متوسط الحرارة اعلى الرف الاوسط و بعد ما تستوى نسقيها بالرشربات الساخن جدا فور خروجها من الفرن اى الشربات من على النار و البسبوسة اول ما تطلع من الفرن و بعدين نضعها فى الفرن تانى لمدة عشر دقائق
ثم نخرجها و نتركها تبرد ثم بالهنا و الشفا و ادعولى لانها غاية فى الجمال
