البدينات اموات

مجتمع رجيم / أرشيف رجيم
كتبت : ام_مريم
-
السلام عليكم و رحمة الله و بركاته
ديه اول مشاركه ليا فى المنتدى و ترددت كتييير قبل ما اكتب الموضوع ده اول شئ انا بعتذر عن اسم الموضوع لكن لو شرحتلكم ليه اكيد هتعذرونى نيجى للسبب التسميه و للعلم هتحس الكلام ده كله سمينه كل وحدة بدينة مش عايشة طبعا هتقولوا ازاى
هل فيه وحدة بدينة شافت يوم فستان و لا اتمنت لبس معين و قدرت تلبسه اخدتى كام مرة سخريه و استهزاء من الناس حتى من اقرب الناس ليكى شوفى انتى بتكرهى تبصى لنفسك فى المرايه و حابسه نفسك فىالبيت و منطويه على نفسك لانك خايفة من نظرات الناس ليكى و سخريتهم منك شوفى لما يتقلك انى فيه فرح و لا مناسبه اد ايه بتكرهى نفسك فىالوقت ده و بتبقى مش عايزة تروحى و شوفى لو كنتى متجوزة اه ممكن جوزك ميتكلمش على سمنتك لكن هو كاتم فى قلبه و ساكت انه زهق من حالك و ممكن فى احيان كتير ميرداش ينزل معاكى الشارع بسبب سمنتك و لو كنتى بنت و لسه متجوزتيش اكيد انتى مش هتكونى على قائمة جواز اى شاب لانه الشاب الى هيبقى عايز يتجوز بيسمينا بلاوى اقصد السمينات شوفى انتى كان عندك احلام اد ايه و متحققتش بسبب السمنة و ده المظهر لكن تعالى بقى نبص جوانا اولا انعدام ثقة بالنفس غير مفاصلك اللى تعباكى و لو مشيتى خطوتين تبداى تنهجى و الام الظهر و ممكن شخير اثناء النوم و حسرتك على ايامك اللى بتمر بين ايديكى و انتى مبتعيشهاش و لو فيه واحدة سمينه بتعيش حياتها اللى مفروض فى سنها تقول اقصد السمنه دايما بتدى عمر ازيد من العمر الطبيعى

قولولى بقى هنستنى ايه تانى مش لازم نقف مع نفسنا و نقول كفايه هتقولى مبقدرش اقاوم الاكل بحب الحلويات مش عارفة ايه يعنى خلاص رضيتى بحياتك كدة مش لازم نقف لازم لازم يا جماعة احنا النهاردة الجمعة 19/3/2010 الساعة 6:50 صباحا ايه رايكم ناخد عهد لعى نفسنا انى من النهاردة لازم اغير حياتى ولا زم يكون عندى صبر علشان اوصل للهدف و للحلم اللى حلمتى بيه سنين طويله الاكل مش هيخلص لكن العمر بيعدى و احنا مش مستمتعين تعالى معايا نحط ايدينا فى ايدين بعض و نقول كفاية كدة صحتى ثم صحتى ثم رشاقتى تم جمالى و لو فكرته هتلاقوا انهما مرتبطين ببعض الرشاقة و الجمال و الصحة و متعة الحياة تعالو نقول انى 2010 ديه سنه مميزة لانها هتكون فيها رحلة تحقيق حلمنا و نقول انى ان شاء الله يوم 19/3/2011 هيكون يوم ميلادنا من اول و جديد فى كل حاجة فى جمال خارجى و داخلى لانى خلال السنه ديه انا نفسى نوصل للوزن المطلوب و نعالج بشرتنا و شعرنا و جمالنا الروحى و كل واحدة عندها هوايه تنميها و اللى نفسها تشتغل فى مجال معين تبدا تتعلم فيه و تشتغل فيه يعنى لازم نبقى حد جديد وقتنا يكون فيه حاجات كتير اهم و احسن من الاكل


انا عارفة انى طولت عليكم لكن اعذرونى انا محتاجة تعاونكم معايا و كل واحدة محتاجة مساعدة اكيد هنساعد بعض لما نتجمع و كان ليا تجربة شخصية اسمحولى اقولها ليكم انا طول عمرى مليانة و طول عمرى باخد اكبر من سنى و طبعا لما دخلت الجامعه كنت بشوف البنات الرشيقات معاملتهم ازاى و الدببه اللى ازاى معاملتهم ازاى ههههههههههههههههه و اكيد عارفين قصدى و لا السخرية مكنتش عارفة الاقيها من الناس اللى بردة و لا من اخواتى و امى و كانوا فى البيت مسمينى الفيل اللى نقصله زلومه ههههههههههههههههههههه
شوفتوا بس قررت انى اخس و فعلا عملت المستحيل و خسيت لحد ما وصلت لخمسين كيلو ايوة كان وزنى خمسين كليو و سرعان بعد ما بطلت الريجيم رجعت لوزنى القديم و مرت الايام و اتجوزت و حملت و ولدت و وقفت على الميزان كنت 95 يعنى خمسه كيلو كمان و ابقه 100 كيلو و ما اسهل انى اكتسب خمسه كيلو و برضه السخرية شغاله و جوزى يعينى كاتم فى قلبه و ساكت و طبعا مقولكمش مكنش فيه ثقه فى نفسى خالص بهرب من الخروج و مواجهة الناس و لا لما كنا بنقلب فىالتلفزيون و نشوف البنات و الستات بتوع التلفزيون كان جوزى يقولى شايفه جسمهم رشيق ازاى طبعا انا مكنتش بتكلم كنت بحط فى قلبى و اقوم احط همى فىالاكل و لا لما كنت بروح اشترهى ملابس يا سلام كان فيه محلات اول ما ادخل من على الباب و اقولهم عايزة اتفرج على ملابس يقولوا لمين اقولهم ليا يبصولى من فوق لتحت و يقولولى لا مش هتلاقى مقاسك هنا من علىالباب حتى مبتخلش اتفرج لكن وقفت واقفة مع نفسى وقلت كفايه بقه فى اواوخر 2009 بدات اخفف من الاكل و الحمد لله قدرت اخسر 5 كيلو فبقى وزنى 90 لكن من اول 2010 قررت اغير حياتى و قلبها راسا على عقب و عملت ريجيم و الحمد لله وصلت لحد 74 كيلو و لسه ان شاء الله استمر لحد ما احقق حلمى و احافظ على وزنى اللى اوصله ان شاء الله انا لسه عايزة انزل كمان ان شاء الله 25 كيلو فاى واحدة عايزة تتعون معايا يلا نحط ايدنا فى ايدين بعض علشان لما نكون اكتر من واحدة هنشجع بعض لانى بعمل الريجيم لوحدى واى واحدة بعد فترة من الريجيم ممكن تحس بالملل و اانا مش عايزة احس بكدةو كيد اى وحدة هتبدا فى ريجيم هيبقى نفسها تكمل من غير ملل


اعتذر للاطالة



و لكن يلا بقى شيلى الكسل من عليكى و يلا نبدا حياة جديدة و نعيش بجد


و اللى ترغب فى انها تنضم تكتب الطول و الوزن و الهدف


ابدا انا يا جماعة رحت قيست طولى على الميزان الالكترونى لاقيته 162 مش عارفة بقه هل الميزان ده دقيق و لا ايه
الطول:158 او 162
الوزن السابق:95
الوزن الحالى:74
الوزن المطلوب:50


منتظرة ردودكم
كتبت : toto21
-
عنوانك للموضوع صحيح ميه المية البدينات أموات
و كل كلمه حكيتيها صح
أنا بدي أنضم بس انا ام بدخل نت كتير يعني كل يومين تلات مره...

الطول 157
الوزن 79
الوزن المطلوب 55 او حتى 60 مش مشكله المهم انه انزل لو 10 كيلو
كتبت : ام_مريم
-
حبيبتى ان شاء الله هننزل و الوزن الى احنا عايزينه خلاص مش هنتنازل عن حلمنا تانى احنا بفضل الله جوانا ارادة و لازم تطلع بقى كفايها نوم
كتبت : toto21
-
ان شاء الله حبيبتي
يااااااااااااااااااااااااااارب ننزل
كتبت : ام ندوره
-
كتبت : عالم الرشاقة
-
سبحان الله نفس الخواطر اللي تراودني
وكأن الله بعتك لي اليوم بالذات
انا بادية طريقي للخلاص من عذابي
الصفحات 1 2  3  4  5  ... الأخيرة

التالي
السابق