تحديت نفسي لكتابه هذه اليوميات لازم اخس خمسه كيلو وتم :))

شوفي dا ستي
رجيم التمر و اللبن حلو لما تبقي عايزه تكسري ثبات الوزن
او مستعجله في اتنين كيلو او تلاته
بس مشكلة الرجيم دا ان جسمك محتاح عناصر تانيه مش موجوده في التمر و الحليب
و كمان هو مش هيعلمك تتحكمي في اكلك
فالاحسن انك تبداي تاكلي عادي جدا بس احسبي سعرات اكلك
هتلاقي جداول في النت لكل صنف من الاكل و عدد السعرات اللي فيه
اطبعيه و الزقيه في المطبخ
و لو عندك ميزان صغير يبقى احسن عشان توزني الاكل بالجرام و تبقي دقيقه في الحساب
و خلي بالك من الجداول اللي بتلاقيها على المعلبات من ورا
اقري اللي عليها كويس
و حاولي تستبدلي كل حاجه عندك بحاجات قليلة الدسم او منزوعة الدسم
انا مثلا ما بخليش الفطار يعدي 100 كالوري
الغدا بالكتير 400
العشا 100
كدا 600 كالوري في اليوم
لو زدتي 100 كمان مش مشكله
انتي اختاري طرق صحيه في طبخ الاكل و هتلاقي عدد السعرات الحراريه ممكن يقل للنص
اشوي كل حاجه و متحمريهاش
لو مش بتحبي السلطه ممكن تعملي ليها صوص بسيط جدا
معلقة زيت زيتون و شوية مسترده ( خردل) و ملعقتين ميه
و كمان اتاكدي انو ما يبقاش عند امساك عشان دا هيعمل مشاكل في نقصان الوزن
و ما تاكليش موالح كتير عشان بتحبس الميه في الجسم
بالنسبه للشاي الاخضر ممكن تشربيه اثناء رجيم التمر و اللبن
بس سدقيني الدايت دا لو طولتي عليه
هتلاقي نفسك ما اتعلمتيش نظام اكل صحي لانك مش هتعيشي بقيت حياتك تمر ولبن
و طبعا سكر الرجيم ممكن تستخدميه
ربنا يوفقك
انا بقى خايفه اقف عالميزان
اهئ اهئ