سليق أم الجوهرة 2009 وأكيد بالصور
مجتمع رجيم / مسجات الجوال
كتبت :
أم الجوهرة2009
-
كيف حالكم أخواتي الغاليات
اليوم سويت على الغدا سليق
وفكرت أنو يمكن بعض أخواتي في المنتدى مايعرفون السليق وهو أكله خليجيه
فقررت أني أكتبه لكم طبعا الموضوع مع الصور
نبدأ بالمقادير:
دجاجه كامله مقطعه نصين
رز مصري
حليب قليل الدسم
ملح
3حبات هيل+بصله صغير+2حبة ثوم+عودين قرفه (للسلق)
الطرقه:
أولا ننظف الدجاج ونحط مويه على النار في قدر كبير شوي يكفي للدجاجه
أول ما تبدأ تغلي المويه نحط الهيل والبصله والثوم والقرفه والملح وبعدين نحط الدجاجه ونسلقه
بعدين ناخذ الرز المصري نغسله ونخليه جاهز
لما تنسلق الدجاجه مضبوط ونتأكد من سواها
ناخذ من موية السلق ونحطها على الرز ونسلقه
نسخن الحليب على النار
بعد ما يسخن الحيب وينشف المويه من الرز نحط الحليب على الرز طبعا نتأكد من كمية الملح في الرز
إذا حسيتي إن الملح قليل نزيد بس مو كثير ..
أهم نقطه أنو نحرك الرز على طوووول علشان الرز ما يلزق في أسفل القدر وهذا نقطه مهمه أنتبهو
بعد ماشلنا الدجاج من المويه ندهنه بصلصة الطماطم (ثوم وصلصة طماطم وملح وبهارات و زيت )نخلطه مع بعض
وندهن فيه الدجاج وندخله الفرن يتحمر
نزيد على الرز الحليب إلى أن نحصل على القوام اللي نحبه ويستوي الرز بعدين نحطه في صحن للتقديم
ونحط عليه شوية زبدة
وبعد ماتتحمر الدجاجه نحطه على الرز ويقدم مع الدقوس الحار