شفتوا هالموقف؟؟؟؟؟؟؟
مجتمع رجيم / مسجات الجوال
كتبت :
ام فرح وجودي
-
كيفكم اخواتي الحبيبات؟؟يارب تكونو بالف صحة وبخير
تعوا احكيلكم على هالموقف اللي حصل معي........
من يومين كنت في مول اسمه سيتي ستارز قاعدين في كافيه انا و بنات اخوات زوجي و بتطلع هيك عالناس اللي قاعدين لقيت وحدة قاعدة قدامي
لابسة بنطلون وقميص....القميص طالع لفوق و البنطلون نازل لتحت...و النتيجة ....اخر ضهرها من تحت باين كله ...اكيد انتو فهمتو شو قصدي
بس يابنات المهم انا ما قدرت اقعد وكل الناس عمبتطلع عليها ..... قلت للبنات انا قايمة اقلها تغطي حالها ....و فعلا قمت و بوطي على كتفها بكل
ذوق و ادب وبقلها ...حبيبتي انت اكيد مالك منتبهة بس اخر ضهرك باين ........
تخيلوا ترد علي شو تقلي؟؟؟؟؟؟؟؟؟؟؟؟؟وانت شو خصك؟؟!!!!!
انا انصدمت دقيقتين وبعدين قلتلها انا شو خصني؟؟؟؟قالتلي ايوة انت شو خصك؟؟؟؟
طبعا راح الادب مني وراحت الطريقة الشيك وبعدت من على كتفها و قلتلها لا خصني انا مالي مجبورة اشوف منظرك ولو انت بدك تطلعي منطقة
حساسة من جسمك روحي طالعيها في مكان تاني مو في مكان عام وفيه اطفال و فيه ناس محترمة ....ورجعت لطربيزتي و انا مالي حاسة اني
غلطانة لاني لو كنت قاعدة و ساكتة وبتفرج متلي متل غيري كنت رح اتحاسب عند الله....
بس والله انصدمت ...يعني لها الدرجة نحن وصلنا؟؟؟؟؟
الله يرحمنا واللي صدمني اكتر انها كانت قاعدة مع امها محجبة و مع ابنها و بيطلع منها هيك رد.......
الله يسترنا من اللي جاي....
شكرا يا حبيبات قلبي للاستماع