أرشيف رجيم تنقل إليها المواضيع المكررة و التي ليس لها فائدة في المنتدى...

الرشاقة أحلــى ( 65 - الي الوصول للهــدف )

موضوع مغلق
الصورة الرمزية نجمه الخليج123
نجمه الخليج123
وردة ذهبية
قديم 04-16-2010, 09:24 PM
#61
الحين خلص اول اسبوع وباقي لنا ثلاث اسابيع يلا نحاول قد ما نقدر نستغل باقي الاسابيع
امس شفت مرت خالي نحفاانه كثير معاد باقي لها للوصوول
والحين ابي احمسكم اكثر واكثر وبحط لكم مجموعة من الفساتين للحماس فقط

















ان شاء الله تكون عجبتكم وحمستكم اكثر واكثر
امس جالسه اسولف مع مرت خالي وفرحااانه ماااره تقول اول مره فحياتي امس اشتري تنوره مقاس سمول
واللي عندها اي اضافة تحب تضيفها حياها الله
الصور منقولة
الصورة الرمزية نجمه الخليج123
نجمه الخليج123
وردة ذهبية
قديم 04-16-2010, 09:34 PM
#62
والحيــن بعرض لكم مجموعــة من الطبــخات اللي تنفع للرجيم وايضا
تكون سعراتها اقل من الاكل العادي اللي مليان دهون ودسم :

يسعد يومكم ياحلوين

الموضوع عن الاكل الدايت ...


كيف نعمل الاكل اللي نحبه ....بس يكون خفيف ولايت وما يزيد الوزن



راح اتطرق بالبدايه لبعض القواعد اللي تساعدنا في الدايت لحد ما نوصل للي نبيه

اولا ~ مافيه حل سحري ينقص الوزن ...مهما قالو ومهما اقنعونا ....مستحيييييل ...واقولها بالفم المليان

مستحيل ننحف وحنا ناكل ( قاعده حطيها حلق بودانك )


ثانيا ~ اللي تسوي دايت وما تنحف حاجه من اثنين ....يا ان وزنها مثالي وبالتالي جسمها خلاص ثابت ويبي لها حل جذري مثل تقليل الاكل مررررررره عشان تنحف عن المثالي

او انها كسوله وما تتحرك ....وهنا نحتاج ابسط شي وهو سير المشي كحل سريع وبسيط




او انه تستخدم شي يثبت الوزن مثل حبوب منع الحمل او حبوب التخصيب او الهرمونات ربي يعافيكم منها



ثالثا ~ اللي تبدأ بدايت وما تنحف ....لا تقول حاولت وما نفع ....لازم تصبر اقل شي اسبوعين حتى تعطي جسمها فرصه انه يبدا يحرق الشحوم المتراكمه

صعب نبدأ 4 ايام وعقب نقول ما نحفنا .....ما يمدي الجسم يتفاعل




رابعا ~ وهذي اهم نقطه ...الدعاااء ...الدعاااء ....ثم الدعاااء




خامسا~ احرصي على مراقبة اكلك ....وبتعرفين وش اللي يزيد وزنك ....وغالبا يكون الشوكولاته او المشروبات الغازيه او الخبز



سادسا ~ نصيحه لا تروحين السوبر ماركت جوعااانه ...وربي اني مجربتها .....روحي وانتي طافحه اكل عشان ما يغريك شي ...

واشتري كل اللي يناسب الحميه وابتعدي عن اي شي يخربها

لا تقولين باشتري شوكولاته وما باكلها الحين .....كذب ....انتي تكذبين على نفسك
اذا شريتيها بتاكلينها

قولي ....الشوكولاته ما بتخلص من السوق متى ما نحفت واشتهيتها باشتري لوح واكله
وفيه نصايح كثير ....لكنها مكرره واعتقد اننا خلاص تثقفنا وعرفناها

....العصيرات ....


كوكتيل اناناس وكيوي


هذا الكوكتيل رهيييييييب وحاااارق

بس فيه مشكله ....اللي عندها التهاب ولا قرحه بعيد الشر عنكم ...لا تفكر تشربه لانه يلهب جدار المعده اذا طولتي باستخدامه

وهالشي توني اعرفه

لكن استخدامه باعتدال وبدون اسراف للي مو تعبانين ....

رووووووعه



ما يبي له شي ( اناناس مقطع ....وحبة كيوي....شريحة ليمون بقشرها )





بالخلاط ...واشربيه على طول

بالعافيه


يفضل انه يشرب بدال وجبة العشاء ...
الصورة الرمزية نجمه الخليج123
نجمه الخليج123
وردة ذهبية
قديم 04-16-2010, 09:35 PM
#63
...(العصير السري )....


هالعصير تعبت وانا ادور كل مكوناته .....ذقته وانهبلت عليه

بس عجزت اعرف من ايش يتكون

اعرف بعض الاشياء ....بس فيه شي ما قدت اتذوقه لين عرفته


مكوناته

علبة جوافه ( كي دي دي ) .....علبه كامله عشان ما يغلب عليها طعم الكيوي

حبتين كيوي

كاس عصير ليمون بالنعناع






مع بعض بالخلاط .....





وترا هو المفروض لونه افتح من كذا ..... بس انا احب النعناع...ف كثرت منه



ومن مميزاته ....طعمه اللذيذ والغريب

وحرقه للدهون بحكم وجود الكيوي والليمون والنعناع

ويشبع بحكم وجود الجوافه ...~






..(كوكتيل سموثي)...



عصير لذيييذ ويشبع ويملا المعده ....وبنفس الوقت مغذي ويغنيك عن وجبه ~

هو بدون سكر ....لكن اللي حابه تضيف سكر تسخدم سكر الفواكه

لان طعمه غالبا فيه شوية حموضه



مكوناته ...~

علبة زبادي منزوع السم

حبات فراوله

حبة موزه

انا احب اضيف شريحتين اناناس






بالخلاط ...

وبالعافيه







الصورة الرمزية نجمه الخليج123
نجمه الخليج123
وردة ذهبية
قديم 04-16-2010, 09:39 PM
#64
وجبة الغداء .....

الوجبه هذي تكون بمنتصف النهار غالبا ....

يفضل انها تشتمل على اغلب العناصر الغذائيه .....لان هالفتره محتاجه جهد

لكن لنحرص على تقليل الدهون والنشويات



....(الفوتوتشيني )....


هالمكونات لطبق واحد فقط ...~


بصل جوانح ....ثوم

دجاج متبل ومكور كور صغيره ( ممكن تشترينه جاهز ) را نستخدم ثلاث فقط

خضار مشكله بدون بطاطس ( كوسه نوعين ....بازلاء ....جزر ....قرع ....فاصوليا )وممكن شويه من الخضار المجمده






كتله واحده من مكرونة الفوتوتشيني






نجمر الدجاج بشوية زيت .....لحد ما ينضج







نشيله من الصاج ونحط بنفس الصاج البصل والثوم ونشوحه






نضيف الخضار





ونتبل بالملح والفلفل ....وممكن تضيفين البهارات اللي تحبينها



ونخليها على نار خفيفه ونغطيها لحد ما تنضج ....ممكن تنشف لذلك نحط شوية مويه عليها ولو فيه مرقة دجاج افضل




نعمل صلصه بيضاء ( كاس حليب منزوع الدسم ....ملعقة طحين ....ذرة ملح ) على النار لحد ما تثقل

ونضيف عليها شرايح جبن لايت ونذوبها فيها






نسلق المكرونه

(انا سلقتها بماء وملح فقط ....بدون زيت ....بتلاحظون بالصوره انها ناشفه )

لكن انا عن نفسي تعودت ....واي نقطة زيت تاثر على الذوق عندي واحسها دسسسسسمه



ونحطها بالصحن ....ونضيف الخضار ....ونرش الصلصه على الوجه














...(الشاورما )....




مكوناته ...~

رغيف خبز صحي

دجاج مشوح بصويا صوص وبهارات الشاورما





شرائح جبن لايت

لبنه بدال المايونيز ...واللي ما يستغني عن المايونيز يستخدم اللايت وما يكثر منه

خس وشوية بطاطس ( انا مااقلي البطاطس .....اشويها بالفرن )

مخلل خيار







نجهز الخبز





ندهنه باللبنه ونحط الدجاج






نضيف باقي المكونات





ونلفها ....ومع شوية خضار ..يمي يمي

انا رشيت عليها شوية صوص الرانش لاني احبه








الدموووعه مشاهدة ملفه الشخصي إرسال رسالة خاصة إلى الدموووعه البحث عن المشاركات التي كتبها الدموووعه



الصورة الرمزية نجمه الخليج123
نجمه الخليج123
وردة ذهبية
قديم 04-16-2010, 09:40 PM
#65
...(كلوب ساندوتش )...




نحتاج ...

توست نخاله

صدور دجاج شرايح رقيييقه ...متبله بالملح والفلفل ونقلبها على الصاج لحد ما تتحمر




قرص بيض



شرائح جبن لايت

خس ....وخيار

للدهن لبنه ...وكاتشاب ...او الخلطه الخضراء السريه





للمعلوميه ....وبنفس الوقت نصيحه

انا لما اسويه ...استخدم شريحتين توست عشان اقلل استهلاك الخبز بنظامي

لكن هنا استخدمت 3 شرايح ....للوجاهه والبرستيج


ندهن التوست بلبنه .....او حسب المعطيات السابقه






نضيف شريحة خس وشريحة بيض




خيار وجبن




نضيف الشريحه الثانيه وندهن الكاتشب ...لمدمنين الكاتشاب امثاللي






نصف شرائح الدجاج




على الدجاج ...شريحة بيض وخس




وجبن







والشكل النهائي





من قريب بس للاسف فشلت في اني اوضح الصوره



وهنا بعض الافكار لغداء صحي ولذيذ ...وخفييييف


...(كباب مع رز )...



هنا انا راح استخدم الكباب الجاهز .....لكن طبعا شغل البيت افضل

....اول شي نشوي اسياخ الكباب على الشوايه



نجهز الارز مع البازلاء ...

الرز يكون بماء وملح فقط ....لو متوفر مرقة دجاج بدون دسم يكون افضل





واستمتعو باحلى غداء ....عوافي على قلوبكم





زووووووم








واللي ما يحب الرز ويعشق الخبز ....مثلي

يعملها بنفس طريقة الشاورما














...(خضار مع دجاج)...



نحتاج...

لقطع دجاج بدون جلد

خضار مشكله ...

بصل وثوم

نستخدم التتبيل اللي يعجبنا ...ملح_ فلفل_ كاري





نرص الخضار بقدر البخار الطبقه اللي تحت ونرشها بالبهارات والملح

مع شرائح ليمون وثوم وبصل ...~



الطبقه اللي فوق للدجاج وبرضه نتبلها

الحكمه من وضع الدجاج فوق ....

عشان يندي على الخضار ويكسبه النكهه





نشغل القدر على 20 دقيقه








لما يخلص وتتاكدي من الطعم ودرجة النضج

ممكن نقدمها بطريقتين ...





الطريقه الاولى

تقليديه مثل ما احبها خضار على جنب ودجاج ....نغطيه بصلصه بيضاء مثل ما تعلمناها قبل








الطريقه الثانيه


ممكن نرصهم مع بعض بصينيه ....نسقيهم بالصلصه

ونحمرهم شوي بالفرن ....بس تحمير من فوق







وصحتين على قلوبكم



الصورة الرمزية نجمه الخليج123
نجمه الخليج123
وردة ذهبية
قديم 04-16-2010, 09:41 PM
#66
اسلحتنا اللي بنتسلح فيها طول فترة الدايت


هذي بعض الاشياء اللي تساعدك بالطبخ والافضل تعتمدينا باسلوب حياتك دايما ....مريحه وعمليه وبكبسة زر

والاهم انها دايت وخفيفه



قدر البخار .....قسم انه اطلق من كل القدور ....والاكل فيه يجنن ومافيه ولا نقظة زيت






الشوايه الكهربائيه .....تشوي وتقرمش ...وبرضه بدون زيت





علب صغيره ومقسمه....لزوم الاكل برا البيت







وبالنسبه للاكل ...

اغلب المنتجات يوجد منها منزوع الدسم ....لذلك دائما اعتمدي عليها

مثل الزبادي ...والحليب واللبن والاجبان


وهذا افضل نوع حليب ( حليب رشاقه )





والخبز راح نعتمد على توست النخاله ...والرغيف الصحي ...بس برضه مانكثر منهم

يعني مره وحده باليوم ....ويفضل بالنهار




الاكثار من العصيرات ...والفواكه والخضار ..... ومنتجات كي دي دي رائعه







واللحوم ....اذا انتي ماعندك وقت .....اعتمدي على هالمنتجات ...ومافضل اللحم ....مو دايم طعمه زين

الدجاج الذ






وسكر الفواكه ...او سكر الدايت ...على الاقل بالبدايه

















~~~~~~~~~~~~~



الاهم من كذا ...نغير عاداتنا في الاكل

واهمها الاكل بالليل

الفطور بوقت مبكر لتنشيط الحرق بالجسم

اعتماد بعض الاشياء اللي تسرع وتنشط عملية الحرق ...مثل

الزنجبيل ...

الشاي الاخضر

الاناناس

الكيوي

البرتقال

التفاح

العلامات المرجعية

الرشاقة أحلــى ( 65 - الي الوصول للهــدف )


« بليييييييييييييييييز وصفة للازالة السواد والخطوط الناتجةعن السمنة »

أدوات الموضوع
انواع عرض الموضوع


الموضوع كاتب الموضوع المنتدى مشاركات آخر مشاركة
رحلة السعادة للوصول الى الرشاقة الدائمة مع نجمة الرشاقة نجمة الرشاقة أرشيف رجيم 183 08-04-2014 06:46 PM
الطريق الامثل الى الرشاقة حققى معنا حلم الرشاقة فى خطوات بسيطة وسهلة وردة ورديه الموضوعات المميزه فى الحمية والرشاقة والرجيم 5 01-19-2014 12:42 AM
الرشاقة أحلــى ( 65 - 2013 ) - سأخرج من عالم الستين نجمه الخليج123 أرشيف رجيم 36 07-19-2013 02:26 AM
سلسلة راائعة بعنـوانـ ** إحسبهـا صــح ** لفضيلة الشيخ * أحمــد جـلال * اميره بنقابى أرشيف رجيم 0 09-28-2012 07:30 AM
أحلــى مســج فــي مــوبــايلك سلام نمستى أرشيف رجيم 82 01-17-2010 10:41 PM

الساعة معتمدة بتوقيت جرينتش الساعة الآن 10:55 AM. : .
المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
جميع الحقوق محفوظة Rjeem 2015
Powered by vBulletin® Version 3.8.7, Copyright ©2000 - 2018, Jelsoft Enterprises Ltd.
Content Relevant URLs by vBSEO 3.6.0
System exit pages by mr.AmRaLaA
منتدى رجيم منتدى مستقل