الله يبارك فيكم يابنات
وعقبالكم كلكم
قبل ما اكتب يومياتي حابه اعترف بشي
<< شكلها مسويه جريمة
البارحه يابنات صادتني حالة يسمونها الاكل الانفعالي
<< فيلسوفه حضرتي
صج والله فقدت الاحساس قمت اكل من غير ما احس
لا كنت حاسه بطعم الاكل
ولا كنت حاسه بجوع
والمصيبة الكبرى ما حسيت بشبع
كل اللي سويته اني قمت اكل واكل
رغم اني ماكنت متضايقه بس كنت مرهقه كثير وتعبانه
اللي مضايقني في السالفه مش سالفة الاكل بس
انا متضايقه لاني وصلت لمرحلة حسيت فيها اني تغلبت على عاداتي السيئة
بس البارحه انصعقت باني رجعت لسابق عهدي
اليوم صحيت وقلت خلاص يا تي تي انسي .. اللي فات مات
بس مازال الحزن مسيطر علي يا اخواتي
فطرت : تفاحتين ، لبن اكتيفيا
وشربت ثلاث اكواب ماء قبل الفطور بنص ساعه
والحين بجهز حالي علشان اليوم بنروح السعوديه
عندنا عرس بعد اسبوعين تقريبا ويمكن اروح مجمع فينيسيا سامعه ان عندهم فساتين سهرة حلوين
على الله بس القى شي قياسي ويكون حلو وشيك
دعواتكم يا حلوات
الغدا : احتمال اكل كبدة دجاج مقلية مع سلطة
ومع السلامه يا اخواتي
