class="quote">اقتباس : المشاركة التي أضيفت بواسطة تفاحه:
مرحبا اخواتي
كان ودي اليوم اجيكم واقول لكم اني مشيت البارحه
بس للاسف برضو ماقدرت بس هالمرة العذر مقنع
<< مابغيت القى عذر مقنع هههههههههه
العذر انه صادني هبوط حاد في السكر وعليه تم منعي من المشي بامر الطبيب
على العموم اليوم اشوف نفسي في تحسن بس امس ونتيجه للهبوط اللي حاشني غيرت النظام
الغدا سويته سندويشه جبنه + ثلاث قطع بسكويت علشان يرتفع مستوى السكر في الدم
العشا اكلت سلطة خضراء مشكله لذيذه واضفت لها مرتديلا بالزيتون وقطع جوز وزيتون وجبنه بيضا بالاضافه الى الصلصه اللذيذة المكونه من ( ليمون وزيت زيتون وخل بلسمي ودبس الرمان )
بصراحه استمتعت وانا اكلها
والشي الاحلى اني ماشعرت بتأنيب الضمير وانا اكلها لان من حقي اتلذذ في الاكل واضيق المطيبات بكميات قليله وهذا الشي ممتاز علشان اقدر اواصل على الحميه
-----------------------------------------
اليوم فطوري كالمعتاد : سندويشه مكونه من سليس اسمر ( قطعتين ) + جبن سليس كامل الدسم ( مالقيت قليل الدسم في البراد اللي جنب عملي ) + قهوة
وبعد ثلاث ساعات وخوفا من الانخفاض في السكر شرب عصير جريب فروت خالي من السكر واكلت خيارتين بالاضافه الى كوب شاي اخضر
الغدا : احتمال سلطة خضرا وسجق مشوي أو تبوله
العشا : اذا الله احيانا وعطانا عمر زبادي وثلاث قطع فاكهه
------------------------------------------------
واحب اقول لكم اني سعيدة جدا بالتواصل معكم
ومشتاقه اعرف مفاجأة اختنا ام الجوهرة
يؤ يؤ يؤ يؤ يؤ يؤ يؤ يؤ الله يكون بعونك والله إن قلبي معك بشويش على نفسك يا أختي مو كذا عاد يعني نزل وزن ونخسر صحه الله يكون بعونك والله أدري مو منك لاكن قدر الله وماشاء فعل الله يشفيك ياقلبي حاولي أكل كوسه غير مطبوخه يعني مثل الخيار وحاولي تجيبين لك قشر رمان وأغليه ثم صفيه وأشربيه وما عليك ألا العافيه يارب وحاولي أنك كل وجبه في وقتها عشان ترتاحين وأنتبهي لنفسك الله معك 
