عاجل بليز ادخلوا ابغا نصايحكم

السلام عليكم كيفكم ياحلوات
بدخل بموضوع انا للاسف طالبه لغة انجليزي سنه ثاني بجامعه ولكن لا اجيد اللغة انجليزية احسها مرررررررررررررة صعبه ابغا اتكلم بدون خوف او خجل مشكلتي بالمحادثة افكر اول بالعربي بعدين اتكلم مااعرف افكر بانجلش وكيف ازيد حصيلتي اللغويه وكمان الافلام انا مو من النوع الي يتفرج افلام عشان كذا لغتي ضعيفه اعرف بس انسخ الكتاب والصقه بورقة الامتحان وبهالطريقه انجح الله يوفقكم ساعدوني ابغا اتكلم شنو فايدة اتخرج ومعاي شهادة ادب انجليزي وانا مو متمنكه من اللغه ابغا اتقن اللغه لكن من فين ابدا لان ف البيت مايعرفوا انجلش وشكراااااااااااااااااااااااااااااااااااااااااااااا

هلا اختي الغاليه رشونه ...

مشكلتك قريبه جدا من مشكلتي ولكني الحمدلله تغلبت عليها والحمدلله...

اولا :READING حاولي تقرأيي كثيير اذا كنتي من محبي القصص ( لان هذا - ان شاء الله- بيفيدك كثير واذا كنتي ماتحبي القصص حاولي تحبيها او تختاري القصص القريبه منــك علشان تتعودي ع القراءه )



ثانيا: اسمعي كثير ... لان ال LISTENING جدا مهم عشان تطوري لغتــك ...

طبعا مثل ماذكرتي انك ماتحبي الافلام .. مو ضروري تسمعي افلام يعني في برامج حلوه في التلفزيون شبابيه ومفيده بنفس الوقت .. طبعا بالبدايه بتحسي انك مو فاهمه شىء بس بالتعود ان شاء الله بتحسي ان لغتك صارت احسن من اول ..

ثالثا: حاولي تتكلمي مع صاحباتـك او اي احد يعرف انجليزي سوى ببيتكم او الدكتوره بالجامعــه او اي احد ,,, وكمان حاولي تكلمي نفســك صحيح انها صعبه ههههه
بس هذي الطريقه تخلي لسانك تنطلق وبنفس الوقت تخليكِ تفكري انجلش وماعاد تحتاجـِ تفكري عربي ...


اخيرا : حاولي تركزي على محاضرات ال GRAMMAR بالجامعه وحفظ اكبر قدر من الكلمات ,,, ( يعني خمس كلمات او اقل يوميا)




طبعا نحنا مثل ماتعرفي بدوله عربيه والممارسه ضعيفه جدا ,,,

انا كنت بالبدايه محبطه وكنت اقول لنفسي مثل ماقلتي كيف اتخرج وانا ما اعرف اتكلم ,,,


بس الحمدلله بالفتره الاخيره حاولت اتبع الطريقه السابقه وحسيت -بفضل الله- اني اتحسنت كثييير عن السابق ...


اتمنى اكون افدتـــك ... وإذا تحتاجـِ اي مساعده نحنا بالخدمــه ,,,,