ساعدونى فى مشكلتى مع أبنى

السلام عليكم ورحمة الله وبركاته
عندي بنت عمرها 6سنوات عنيدة جدا جدا وما تسمع كلامي ابدا ما تطاوعني ودائما تحب تضرب الاولاد وماتحب المدرسة وما تحب تساوي واجبها البيتي جربت معها كل الطرق ما خليت طريقة الا وجربتها احكي معها اكا فئها اعاقبها على الفاضي حتى مرات باضطر اضربها لانها ما ترد ابدا ابدا والضرب ايضا ما يجيب فايدة .
ودائما بصير مشاكل من تحت راسها والله انا ما اقدرلها ارجوكم فيدوني والي عندو الحل يحكيلي او يعرف دكتور نفساني اتواصل معاه عبر النت يفيدني الله يخليكم,

ادعي لها بالهداية وربنا ماراح يخيبك ان شاء الله

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

حبيبتى النوع دا من الاطفال بيكون ذكى جداً ودا سبب عناده وأفضل طريقة للتعامل معاها إنك تعامليها على انها بتفهم ، يعنى تحاوريها وتاخدى وتدى معاها فى الكلام وتشوفى ايه اللى مخليها مش حابة المدرسة وتسمعيها اوى ،لكن الضرب بيزود العناد ومش هيوصل لنتيجة وأغلب الأطفال بيكون عندهم خوف من المدرسة فى البداية بسبب تعلقه بالبيت وخروجه لأول مرة ومواجهته عالم تانى جديد عليه..
قربي من بنتك أكتر واسمعيها أكتر وإن شاءالله هتقدرى تسيطري عليها وخليكي صبورة معاها

ربنا يوفقك يارب

ما حدا جنن امو اكتر مني هع هع هع

كنت نفس الشي وعنيده كتيررررررر ولساتني هيك لهلا زي بنتك بالضبط صحيح انو انا صغيرة تا افيدك بشغلة الاطفال لانو انا لساتني طفلة على قول اهلي 17 سنة بس بقرا كتب علم نفس كتير وبشوف برامج تربية اطفال وهاي الشغلات وشكلى راح ادرس علم نفس وتربية للطفل المهم ما علينا خلينا مع مشكلتك
فا بدي احكي معك على اني دكتوره وان شاء الله افيدك خليني اتدرب

فا بدي اقولك على الطرق الي استعملوها معي والي عم نستعملها مع اخوي الصغير لانو التاني كتير عنيد

احسن شي انك تعمليه انك توقفي الضرب نهائيا وما تلجائيلو شو ما كان السبب لانو الضرب للحمير مو للبشر وصدقيني الضرب ما بيجيب غير عناد اكتر واكتر وبيعمل مشاكل نفسية كتير فا بدك تعدي انت وابوها وتتفاهموا على طريقة للتعامل معها يعني لما واحد منكم يفكر انو يعاقبها التاني يكون متفق معو مو تعدو تختلفوا قدامها وانتي مثلا تقولي انك الصح وهوه يخالف رايك وما يخليكي تعاقبيها لانو هاي الشغلة بتخليها تشوف انو هيه الصح بما انو في حدا وقف بوشك وما خلاكي تعاقبيها فا اول شي بدك تعمليه انكم تتفقوا على ها الشغلة والي هيه الاساس

ولما تغلط لا تصرخي عليها خليكي هادية ورايقة وخوذيها على جنب واحكي معها وافهمي ليش عملت هيك حاولي سايرها لانها لساتها صغيرة وما بتستوعب الي حوليها وفهيميها بكل هدوء انو الي عملتوا غلط واحكيلها انها معاقبة او محرومة من شغلة بتحبها كتير واحرميها منها فترة وهيه بتحس هاي كلها جربناها مع اخوي ونفعت معو وصرنا نفهم ليش كان يعمل هيك وهوه اصغر من بنتك

وفي طريقة قريت عنها بس ما جربتها لانو ما حبيتها انك تحبسيها في مكان معين في البيت لفترة زي بتقعديها على تختها او على كرسي بزاوية بحيث انها ما بتتحرك وبتعدي معها وتفهميها ليش هيه معاقبة ممكن هاي الطريقة تفيدك في حالة انو بنتك ممكن تسيطري عليها وتخليها تعد في مكان لفترة انا ما قدرت استخدمها مع اخوي لانو كتير دفش وما بنسيطر عليه مع انو سمعت انو ها الطريقة كويسة واحسن شي انك تخليها بغرفتها وما تخليها تطلع غير عشان تاكل وتروح الحمام وممنوع عنها اللعب والالكترونيات
الطريقة هاي ما بتلبقلنا احنا العرب كنت اشوفهافم بالتلفزيون بعملوها ببرنامج ناني 911 اذا بتعرفيه انت حاولى اذا يتفدري

المهم من شان المدرسة وحل الواجب حاولي حببيها فيه زي مثلا انك بتوعديها اذا بتروح المدرسة او بتحل الواجب بتاكأفيها بشي شغلة بتحبها او تطلعيها مشوار لمكان بتحبو احنا هلا عم بنحاول نستخدم ها الطريقة مع اخوي لانو هوه التاني مو راضي يروح المدرسة اصلا هيو هلكنا بس انا خايفة ها الطريقة تعودوا على الدلع فا اقترحنا انو نهاية الاسبوع بنعملوا مشوار غير شكل وبنجبلوا فيه الشغلات الي بيحبها وبنحكيلوا انو كل هاد عشان راح المدرسة وحل واجباتوا المهم احنا هينا عم بنجربها لها الطريقة اذا نفعت بحكيلك شو النتايجوانتي كمان وحاولي ظلك تمدحيها على الشغلات الكويسة الي بتعملها او اذا بدك اعمليلها مثلا لوحة كبيرة وارسميلها عليها طريق مثلا يعني ومربعات وشي شغلة تمشيها على المربعات وعلقيلها اياها وحطيلها فوقها هدية كبيرة وتفهميها انو كل ما تعمل شغلة منيحة بتمشيلها مربع واحد لحد ما توصل لاخر الطريق بتعطيها الهدية ولما تغلط بترجعليها مربع لورا وانت حاولي تجبيبي هدية تكون كبيررررة وغلفيلها اياها وخلي شكلها واااو عشان تتحمس بنوتك

بس من شان ضرب الاولاد هاي ما بعرف عنها شي لانو ما مرق عليا انو في الكتب الي قراتها عن ها الشغلة بس ممكن ابعبشلك ومن شان الدكتور النفسي اذا سمعتلك عن شي دكتور بحكيلك عنو


وان شاء الله افيدك وبعينك الله
واذا افتك ادعيلي افلح بها الشغلة

على فكرة انا شريرة وبسببك صرت فاعلة خيررر ههههههههههههههه ضاع مستقبلي الشرير هههههههههه

اتمنى تكوني استفدتي من البنات عزيزتي

مشكورات خواتي العزيزات الله يجازيكن كل خير
وان شاء الله احاول معها اكثر وتجيب نتيجة .
شكرا ماقصرتو.