سؤال لكل يوم كل وردة تدخل و اتشوف
مجتمع رجيم / الاطباق المتنوعة
كتبت :
زهره فلسطين
-
كيفكو يا وردات انشاء الله يكون الجميع بخير
سؤال دايما منسألو لحالنا كل يوم شو نطبخ اليوم
عشان هيك اجتني هاي الفكرة نتبادل الاسئلة ونساعد بعض في الاختيار
يعني كل وردة بتدخل على هاي الصفحة تحكيلنا شو طابخة اليوم او بتحكيلنا عن الطبخة الي هي بتحبها
وطريقة تحضيرها عشان الكل يستفي ويجرب
وياريت الي بتقدر بالصور بكون الاشي ولا اروع
شو رايكو يا وردات
يعني انا اليوم سالت حالي كتييييير وفكررررررررت شو بدي اطبخ اليوم
فتحت الثلاجة وطلعت الزهرة و البطاطا وطلعت الدجاج من الفريزر ونقعت الارز
حزركو شو بدي اطبخ
اكيد مقلوبة
الطريقة
نسلق الدجاج مع المطيبات التي نحبها مثل ورق الغار او الهيل والبهارات
وطبعا منكون مقطعين البصل والثوم وبعدين نضع الدجاج المغسول منيح ثم نضع علية الماء الساخن
في اثناء ذلك ننقع الارز بالماء الفاتر لمدة نصف ساعة (اثناء سلق الدجاج)
نقلي الخضار ونصفيها جيدا من الزيت
نحمص الشعيرية ثم نخلطها مع الارز بعد ان نصفيه من الماء جيدا بالماء
هذه التحضيرات
وهلا يلا تعالو على االتطبيق
نضع الدجاج في اسفل الطنجرة ثم نضع فوقه الخضار ثم الأرز المخلوط مع الشعيرية والبهار وقليل من الفلفل الاسود
ثم نغمر المقادير كلها بمرقة الدجاج بمقدار 2سم نتركها تغلي على النار لمدة 5دقائق ثم نتركها على نار خفيفة حتى تستوي
لي عودة مع الصور انشاء الله
وصحتين وعافية
و انت عزيزتي شو طابخة اليوم
مين بدها تخبرنا