خلاص قررت أصير رشيقة

مجتمع رجيم / أرشيف رجيم

كتبت : حلم حقيقي

السلام عليكم
ماشاءالله ماشاء الله تبارك الرحمان
والله انك تحمسي الوحد يسوي رجيم بقوي
مو مثلي كل من يوم السبت راح ابتدي الرجيم بعدين ابطل
بس انك حمستيني ابتدي معاك لانه نفسي ينزل وزني
الله يوفقك ياااااارب

كتبت : أم تالين

اهلين ضبي الريم

انا بديت ريجيم التمر واللبن لي يومين

وانا شهيتي مفتوحه بشكل ماتتصورينه بسبب خمول الغدة الدرقيه

انا منتظمه على علاجها الله يعين

ممكن انظم لك في موضوعك وتشجعيني واشجعك بليززززززز

انتظر ردك ياعسل

كتبت : أم تالين

نسيت ااكتب البيانات

الوزن الحالي 79 كيلو

الطول 156 سم

الهدف الاول 75 كيلو

الهدف الثاني 70 كيلو

الهدف الثالث 65 كيلو

الهدف الرابع 60 كيلو

الهدف النهائي 55 كيلو

الله ينحفنا بصحه وعافيه

للمعلوميه انا مااقدر امشي او اسوي رياضه لان الغدة سببت لي الم في العظام والمفاصل

وانا اخترت ريجيم التمر واللبن

ووزني من النوع اللي ماينزل بسرعه بسبب الغدة مع اني كنت انزل قبل لاتصيبني

وزاد وزني بشكل مفجع بعد اصابتي بها صرت ازيد وازيد كل يوم كيلو حتى ارتفع وزني من 64 الى 79 بدون اكل الله يشفيني منها ومستمره على العلاج مدى الحياه

بليز يابنات شجعوني لان نفسيتي مررررره معدومه

وشكرا

كتبت : أم تالين

يومياتي اليوم

افطرت على خمس حبات تمر وكاس لبن اكتيفيا

الغداء ماتغديت لاني صحيت متاخره من النوم

العشاء تعشيت 7 حبات تمر وكاس لبن

وطبعا لما حسيت بالجوع الساعه 10 ليلا اكلت حبة خوخ صغيره ووحبه كمثرى

لاتلموني اذا زدت اي شئ لاني حبوب الغدة تسبب الجوع الشديد

ومشي مامشيت ماااقدر ابدا الركب توجعني <<<< عجوووووووووز هههههههههه

واشرب ماء كل ماحسيت بالجوع

هذا يوم السبت

وإن شاء الله استمر على ريجيم التمر واللين ثلاث ايام زياده ونشوف النتيجه اذا نحفت والا باطنش لان الغدة ماسكه الوزن ومو راضي ينزل

اللي تعرف احد عنده خمول الغدة الدرقيه ونحف تعلمني وشلون واي نوع رييجم استخدم ؟؟ لاننا حالات خاصه

وهل اللي يستخدم حبوب الغدة ينحف بدون ريجيم ؟؟

طولت عليكم بس وش اسووي شكررا
وسامحيني ياضبي الريم شكلي احتليت موضوعك هههههههههههههه

كتبت : ضبي الريم

class="quote">اقتباس : المشاركة التي أضيفت بواسطة حلم حقيقي:
السلام عليكم
ماشاءالله ماشاء الله تبارك الرحمان
والله انك تحمسي الوحد يسوي رجيم بقوي
مو مثلي كل من يوم السبت راح ابتدي الرجيم بعدين ابطل
بس انك حمستيني ابتدي معاك لانه نفسي ينزل وزني
الله يوفقك ياااااارب

يا هلا بالطش والرش والعطر المرشرش

يالله حيه يالله حيه الرشيقات

يسعدني انك تمشين معاي .. من جد من اول ما بديت وانا أبي أحد ينافسني

مافيه غير أبلة تبسم تراقبني وبإيدها العصاية هههه

ويالله حبيبتي شدي الهمة وشاركيني

تراني كنت مثلك كل يوم اقول بكرة .. وكل ما أبدا أوقف

بس هالمرة حالفة على نفسي الا أوصل للوزن المثااالي

وانتي شدي على نفسك هالمرة واكتبي يومياتك

ترى الكتابة تساعدك مررررررة << اكتشفتها لما جربتها

لأنها تخليك تراقبين نفسك كويييس .. بس أهم شي لما تكتبين تكونين صادقة مع نفسك

.
.

انتظر رجعتك .. واذكري لنا وزنك الحالي والوزن المطلوب والطول

وخلينا نشجع بعض ^_^

كتبت : ضبي الريم

أم تاالين

هلا والله بك حبيبتي حياك الله

والله تشرفني مشاركتك لي .. بالعكس نحمس بعض ونهاوش بعض اذا خربنا شي

وبالنسبة للغدة .. الله يشفيك ويعافيك منها

احب أقول لك لا تفقدين الأمل ولا تنحبطين

تراني كنت أعاني منها .. والحمد لله عالجتها وبفضل الله تعافيت منها نهااائياً

وترى علاجها مو بس الحبوب ... حتى النفسية لها دور كبييييييير في شفاءها وشفاء كثير من الأمراض

و أنا أكلمك عن تجربة مريت فيها

وبرضو المشي والحركة مهمة لعلاج الغدة .. لكن شكلك تقولين ما تقدرين ع المشي الحين

يمكن علشان وزنك زايد الحين وعظامك ما تتحمل

ان شاء الله بس تنحفين أتوقع يخف الحمل على عظامك وتصيرين غزال شارد هههه

.
.

برضو عندي لك اقتراح بس يبي له فلوس

بمحلات الأجهزة الرياضية فيه جهاز رهيييب

ما تمشين ولا تسوين ولا اااشي .. ومايتعبك أبد

أتوقع انه يناسب حالتك

هو مجرد جهاز توقفين عليه .. ولما تشغلينه يرج جسمك كللله ويحرق الدهون اللي فيه .. حتى عضلات وجهك تحسينها تتحرك

.
.

اتمنى أكون أفدتك ولو بالشيء البسيط .. وحياك الله مرة ثانية .. سعيدة بك ^_^

خلاص قررت أصير رشيقة

مجتمع رجيم / أرشيف رجيم

كل يوم حديث قدسى يرويها لنا الحبيب النبى صلى الله عليه وسلم عن الله عز وجل (( موضوع متجدد))

غرف نوم للاطفال حلوة وعملية