ツ】ઇ需 " لاتيئسيـن .. ومعانـــا بتضعفيـن " 需ઇ【ツ

class="quote">اقتباس : المشاركة التي أضيفت بواسطة فتافيت سوكر:
طبعا مادخلت امس محد سئل عني يابنات

المهم

فطور اليوم

بيضة مسلوقه + 1 طماطم + 2 توست بر + عصير برتقال الربيع


تمارين الصباح

50 نط حبل + ساعه السير + ساعه تمرين سويدي


الغداء

صدر دجاج مشوي بالفرن + سلطة ملفوف + خبر بر بنخاله + زبادي قليل الدسم + كم قطعة بطيخ لذيذ هممممممم



العشاء

شوربة خضار + برتقاله + سلطة البقدونس + زبادي قليل الدسم

العصر

17 دقيقه اوربت تراك

طبعا اخر الليل

حليب خالي الدسم

مرحبا حبوبات

الله يدوم هالجمعة يارب

بريق الدرر

ماعلى أمك شر يارب ... ومافيها الا العافية انشالله انتي بس ادعي ربنا يشافيها وتوكلي على رب العالمين من عنده الشفاء والصحة

ولا تشغلي بالك .. واحنا معاك على طول الخط ان شالله

فتافيت سوكر

والله على البال .. بس زي ماقالت ياسمينة كل من عنده ظروفه

جارتنا الحبيبة ياسمينة البحرين

خلاص قبلنا عذرش هالمرة عشان الغياب .. بس لا تعيديها

صحيح ياسمينة باسألك اذا ممكن بما إن فاتن الوزن عادي أوزن لكم يوم الأربعاء؟

لأني مشتركة مع قروب ثاني والوزن هناك يوم الأربعاء

عدوها لي هالمرة لأن ماكنت ادري عن تواريخ الميزان

بالنسبة ليومي الحمد لله ماشي

ما أتذكر إذا قلت لكم بدايته أو لأ

الفطور .. توست بر مع جبن قليل الدسم + ماء

الغدا .. شوية مكرونة بالصلصة الحمرا معمولة بدون زيت .. يا دوب كم ملعقة

بعدين المغرب طلعت بعد الصلاة على طول كان عندي شغلة ومارجعت إلا 9 ونص بالليل

طبعا كنت جوعانة وبيتنا مسووين عشا مطبق وسمبوسة وبطاطس بالفرن وورق عنب

بس صدقوني مامديت ايدي على شي

واحنا راجعين دخلنا مخبز معجنات وحلويات

متخيلين صعوبة الوضع والإغراءات .. وأني أشوف المعجنات وورق العنب والحلويات والعصيرات .. والكل يقول الزود عندي

وويلي على الريحة اللي تشهي

واختي تقول لي تبغين هاذا؟ .. وأني اقول لأ

تبغين هذا؟ .. واني برضو أقول لأ

سألتني وايد واني الحمد لله كنت أقول لأ لأ لأ ثم لأ

بس طلبت لي فطيرة سبانخ حق العشا مع كاس حليب قليل الدسم

والحمد لله عدى اليوم على خير

بقت التمارين

كنت على طرف اني مااسويها واقول لحالي تعبانة

بعدين قلت لأ .. خليني أسوي لو 5 دقايق

والحمد لله عملتها لمدة 25 دقيقة


اتمنى ان كل أيامنا تكون كده ماشية تمام

تحياتي للحلوات

صباح الخير يا حلوات
شكرا حبيبتي نونة وحبيبتي ياسمينة وحبيبتي سنين عمري على الردود والله شوي ريحتني والحمد لله على كل حال
والله اني ما تركت الدعاء ومن الله الشفاء
حبيبتي فتافيت سوكر شلون ما نذكرج اني ذكرتج وارجعي كم صفحة وحتلاقي اني عملتلك اب لعيونك

بريق الدرر ياعمري والله ماشفت كلامك عن امك
اولا ياقلبي السكر ابتلاء من الله عسى الله يطهر ذنوبها
ولامر بسيط شويه ايام مع حمية بسيطة ويسهلها ربي
كل اللي حوالي من اهل زوجي عندهم سكر والحمدالله ماحد يشتكي
بس تحتمي وتمشي
واما المرارة فامرها جدا بسيط والله ان امي سوتها وقالوا لها بنكتب لك خروج من ليلتها
وكمان اختي سوتها وجا في الليل وانا مرافقه معها وسوالف وضحك ووناسه والله من ليلتها مشت على رجولها عشان
الدكتور قال لازم تمشين
وبعد اسبوع تقابلنا انا وهي عند عمتي وهي تقول والله اني شفت العافيه من يوم شلت المراره
اسال الله العظيم رب العرش العظيم انه يشفيها