بسم الله الرحمن الرحيم
يالله بنات انا رح بلش المحاضرة الكل حاضر ما عنا وقت للتفقد
عا كل الحاضر بعلم الغايب
المحاضرة موجهة ل توتا وعلمتني المحبة والجريحة وجنان وحلوومة
واذا في حدا تاني حابب ينضم لنا فأهلا وسهلا
إحم إحم
بنات كلنا بلشنا سوا ريجيم الدكتور فادي من السبت لذلك مناخد كلنا فري داي يوم الجمعة
وبنبلش السبت بلعبتنا الخاسر الاكبر
كل وحدة فينا لها حرية اختيار الريجيم اللي بناسبها
هلق بتنطوا وبتقلولي خلينا كلنا نمشي عا نفس الريجيم
انا رح قول لا للاسباب التالية
1.مو كل شخص جسمه بنحف متل غيره في اجسام سريعة وفي اجسام ضعيفة
2. في ناس عندهم مشاكل في الدوخة او بالمعدة او الكولون وووو ولازم تاكل شغلات معينة ولما منقيد بريجيم معين ما رح يكون منيح كتيير لهم
3.وفي اشخاص بتسمن عالخبز واشخاص بسمنو عالبروتين واللحومات
لذللك اعتقد انو الافضل تعمل كل وحدة ريجيم اللي بيريح جسمها انا مثلا لازم اعمل ريجيم قاسي حتى انحف يعني ممكن اعمل ريجيم السوائل او الفواكه
وخلينا نحدد مدة اللعبة لاخر هذا الشهر باعتقد انو لو مشينا شهر كامل عليه كلنا باذن الله رح نكون راضيين عن اجسامنا ولا تنسوا انو كل اسبوع منشوف كل وحدة شقد خسرت
وبناخد فري داي وبنرجع للاسبوع اللي بعدو
كل اسبوع رح يكون في وحدة رابحة بخسارة اكبر وزن
وبنهاية الشهر واحدة فقط رح تكون الرابحة وطبعا بجمع كل نقاط ال 4 اسابيع
بنات مو بكيفكم كلكم بدكم حدا يجركم لتنحفوا وهي فرصة جديدة النا كلنا لا تضيعوها
هدفنا النحافة اوثقوا بنفسكم وقووا ارادتكم وخلينا نتنافس على لقب الخاسر الاكبر
واااااااااااااو يا ريت