يوميات (هيا نحتفل معا بحبنا للمشي!) لشهر مايو2010

الولهانه:

كتري من شرب المويه و الحليب قليل الدسم ...

و الوالده يبغالها الى 6 شهور عشين جسمها يرجع شويه ..

مرام:

بنت ما خلصت 3 شهور ؟؟

اذا الا خلصت دخلي لها الاكل ... مثلا شوية موز..

لانو بنت اختي جاتها فتره معاها امساااك امي قالت لها لانها خلصت 3 شهور و ما اكلت ... و لمن اكلتها شوية موزه ما شاء الله بطنها مشيت ...

و في مره شفت وحده بتحط لبنتها في فتحتة الشرج شوييييييية سمن بلدي (كان عمرها ما كمل 40 يوم) و مشيت بطنها...

=-=-

هدى1:

ما شاء الله عليك ربنا يوصلك للوزن المثالي بصحه و عافيه ياااااااااااااااااااااااارب ..

السبت خرجت و شفت وحده من زمان اعرفها جسمها كويس مو مره دبه ... بس دحين سارت بالررررررررررمه نحيفه يمكن مقاسها سار 10 ... رجعت البيت ما جاني النوم الا بعد ما مشيت لانو ... بجد اتحمممممممست بالمررره ...

احلى ورده:

سلامتك و ما تشوفي شر ..

اليوم راحه بسبب الدورة
معليش اعذروني ياغاليات مارديت عليكم اليوم
مشغوله شوي
اشوفكم بكرة ان الله اراد اهم شي شدو حيلكم
بالتوفيق

فروسة الله يعطيكي الصحة والعافية

موفقة ان شاء الله

مشيت الصبح نص ساعة وناوية امش كمان ان شاء الله

السلام عليكم ورحمه الله وبركاته
كيفكم اخواتي وكيفك يافارستنا ان شاء الله ترجعين تتفرغي لنا وتأنسينا بردودك واهتمامك بنا
اناصار لي كام يوم ماادخل اليوميات لاني كنت مكتئبه شوي بس اليوم نفسيتي عال وراح اقول لكم السر بعد شوي
بس في الاول اشكر هدي علي الورد بمناسبه مرور اسبوع علي المسابقه والله مر بسرعه
وابشر اختي الولهانه لا للزعل ابدا انا قبل الزواج كان يحلفون بجسمي من جماله وبعد يضربون به المثل الكل كان يقولون ان جسمي عشره علي عشره طولي 173 وكان وزني 58 وماكنت نحيفه بالعكس كان جسمي متناسق وملفوف
والحين سار لي 5 سنوات بس زواج تعالي شوفيني وراح تضحكين من شكلي
ملابسي اللي تزوجت بيها للحين تاركتها عندي علي امل اني ارجع البسها لاني احب اللبس جدا
بس ماجبت لنفسي احباط كل مااشوف صوري زمان اوجسم اي بنت حلو اقول بكره راح ارجع زي ماكنت ومابيأس
الحمل والولاده جاب لي ترهل في كل جزء بجسمي خاصه اني انجبت ورا بعض ومااخدت راحه بينهم
زوجي طول النهاريعيب علي وعلي اني صرت مره دبدوبه احيانا جد واحيانل هزار بس انا مابزعل لاني شايفته عنده حق
انا والده من شهرين بس مثلك بس لاني والده طبيعي بدأت رياضه خفيفه للبطن بس من 3 اسابيع
واليوم راح اقول لكم سر سعادتي مقاسات بطني وخصري نزلت 2 سم سويت تمارين تقليل الكرش اللي بالمنتدي مع اني ما اشتركت معاهم في المسابقه بس سويتها في البيت كل يوم ماتركت الا يوم واحد في 3 اسابيع والحمد الله الله اعانني واليوم فرحت كتير بالنتيجه مع انها ماكانت ظاهره يعني ماحسيت بيها بس القياس اللي اثبتها بس قررت ازود من اليوم تمارين الارداف والفخود وكمان اخلي عشاي بس زبادي وايك من اليأس
وراح اقول لك كلمه سمعتها من دكتور تغذيه خليها دايما في بالك
الزياده اللي زدتيها في سنوات خلي عندك امل انك تنزليها حتي لو نزلتيها ايضا في سنوات لا تستعجلي النتيجه المهم تحصلي علي نتيجه
يعني انا زدت في 5 سنوات ان شاء الله قبل ماتمر علي 5 سنوات مثلهم راح ارجع مثل ماكنت وعشان هيك تاركه ثيابي القديمه عشان بألبسهم ان شاء الله
اتباشري خير وتأكدي ان الحمل والرضاعه والولاده اللي خربو جسمك راح تأخدين عليهم ثواب كبير من الله وما راح يتركك راح يرجعك مثل الاول واجمل بس بعد مايعطيك الثواب انا هيك اظن بربي
وبالنسبه للرضاعه عليك بالسوائل الاكل مايزودها مثل السوائل الشاي الاخضر والنعنع والينسون والقرفه والزنجبيل والكمون والليمون طول النهار اشربي منهم وطبعا الماء قبل الكل راح يسدون نفسك عن الاكل ويحرقوا سعرات الجسم وما يؤثروا علي الرضاعه ان شاء الله

اختي مرام سلامه بنوتك دواء سبازموتال نقط فعلا فعال بس لازم تشوفين حل للامساك لانه اكيد هو سبب المغص
اذا كنت بتعطيها لبن جاموسي هو بيسبب الامساك عند بعض الاطفال خففيه لها بأعشاب طبيعيه من العطار مثل اليانسون والنعنع والكراويه اخلطيهم علي بعض وصبي عليهم ماء مغلي واتركيهم 10 دقائق واما تحليهم شوي وتعطيهم لها لوحدهم او تحطين لها منهم نص كوب علي نصف كوب من اللبن اذا كانت بتأخد لبن جاموسي والله المستعان
وما تبكي ولا شئ كلنا مثلك بالهم انا عيالي بس يشوفوني امشي يبدأالبكا وتشتغل الطلبات بس امشي ولو ربع ساعه بربع ساعه وما تيأسي وصدقيني كل هذا بثواب كبير عند الله سهرك بهم وشيل همهم كله بأجر اذا سويتيه برضا وصبر والله يعينك ويعيننا