خ يالقهر والله ياليتني ماشفت ولا عرفت .الحريم صارن مالهن امان مثل الرياييل..

مجتمع رجيم / مسجات الجوال
كتبت : عيون خالد
آخر تحديث: 14 يونيو, 2021
خ يالقهر والله ياليتني ماشفت ولا عرفت .الحريم صارن مالهن امان مثل الرياييل..

--------------------------------------------------------------------------------
السلام عليكم
اشحااالكن حبيباتي ...
والله ما عرف من وين ابدى ولا شو اقووول .....
اول البارحه كنت انظف حجرتي ويت عيني ع شنطة سفر صغيره من يوم عرست وانا اشوفها مفرووره ع صوب ( معرسه من 7 شهوور) بس سبحان الله دوووم انظف حجرتي وما يا ع بالي افتحها لاني اولا واخيرا مش من النوع الفضوووولي .... تابعت تنظيف الحجره وبديت ارتب الادراج وسبحان الله يوم ايريد شي ايصير بيصير ولو بعد الف سنه وانا ارتب الادراج لقيت مفتاح صغيير استغربت لاني مو قافله شي بهالمفتاح سبحان الله يت عيني عالشنطه وقلت اكييد هالمفتاح لهالشنطه بس ريلي ليش قافلنها مستحيل يكون عنده فيها شي خاص والا كان بيخش عني المفتاح بس الفضوول ذبحني ورحت ع طووول صوب الشنطه وفعلا طلع المفتاح حق الشنطه_ ريلي كان دوام ليل وهاللي ساعدني اكثر ان افتحها ع راحتي ....
فتحتها يا بنات ويليتني ما فتحتها ياليتني مت قبل لا افتحها ياليت ايدي انكسرت قبل لا افتحها ....
فتحتها وبديت افتش او ما لقيت قدامي مجمووعة صور شخصيه من بينهم صورة بنت مكتوب وراها الحب .... آآآخ يالقهر ...
اول ما شفت الصوره دارت بي الدنيا وزاد الفضول فيني افتش اكثر واكثر لقيت كحل ودفتر فيه يوميات زوووجي .... بنات ياليتني ما قريت ياليتني انعميت قبل لا اقرى هالكلام...
كلام وصخ يومياته مع هاذي الوصخه اللي وياه وكان وياها 6 سنين قب لا ياخذني ....
بنات والله اللي قريته مو شوي يوميات وصخه اتخيلو ( كيف يرقد وياها وين ومتى وحلو ولا مو حلو .....)
بنات اسمحوولي ع هلالفاض ... انصدمت والله وانا قاعده اقرى شفايفي اتيبسو وحسيت اني بدووخ وشفت لها صور ثانيه بمدرسه ,.....
والمصيبه الكبرى .... اتخيلو بنات انها تشتغل بمدرسة بنات اخصائيه اجتماعيه وفوق هذا كله والفاجعه الاكبر انها متزوجه .... متزوجه اتصدقون ولا لا ....
مكتوب فالمذكرات ان يمر عليها من المدرسه وياخذها ومره يروحون فندق ومره فالسياره ومره ومره ومره ..... آآآآآآآآآآآآآآآآآآآآآآآآآآآآآآآآآآآآخ انا وواااااااااااااايد مقهوره اني قريت عن زوجي هالاشيا الوصخه ....
زوجي كان يزني ياويلي ياويلي ....
لا ومب ويا اي وحده ..... ويا حرمه متزوجه ... الله يلعنها اللي ما تخاف من ربها
بنات والله العظيم والله انها بنت عرب والله ومن بوظبي كان ريلي قبل ينزل من دواماته ويروح لها ....
يا ويلي انا مقهوره قد شعر راسي واكثر ابى امووووت ....
احب زوجي وااايد وما كنت اباه فيوم من الايام ايطيح من عيني .....
بكمل لكم ...
تميت افتش وافتش ولقيت شهاداتها من جامعه معروووفه بعد ...
ولقيت صورة شهادة ميلادها وكل شي يخصها بهالشنطه ....وميداليات باسمها وبحرفها ....
بعد ما شفت هذا كله خلاص استوت بي مثل الصدمه ما قمت اشوف قدامي الا سوااااد غطى الدنييا حواالي ....
انا حامل بالسادس...
دقت علي الباب عمتي تباني اروح اتعشى لاني قبل ما انظف الحجره كنت واايد يوعانه وكنت فنفس اليوم مسويه ويا عمتي حق العشى ملفوف وورق عنب ....
دقت دقت وانا ماكنت ارد وعلى اخر صوت رديت ... ما كنت ابغي حد ايشك بشي ....
نزلت تحت اتعشى عمي وحمياني وحمياتي الهنتين كانو تحت وكلهم يتريوني عالسفره وريلي مثل ما قلت لكم دوام ليل .....
وصلت لعند السفره ابى اقعد واخر كلمه سمعتها من عمي ...( فلانه ليش ويهج اصفر )
تعرفون شو صار فيني عقب ... دخت عليهم طحت عالارض وما كنت احس بشي غير اني كنت اشوف صورة زوجي بعيوني ومب متخيله اللي صار لي ...... واللي شفته ....

بكمل لكم بعد شوي شصار وياي انا وريلي .... اتريوني ....
وادعوو لي


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
ودوني حجرتي وعقب ما صحصحت شوي تميت اصيح وكأن حد ميت عندي ....
مو مستوعبه اللي صار تمنيت لو اني اتسانه ثانيه تمنيت لو ما تزوجت بنات انا عمري 19 وهذي اول صدمه بحياتي انا للحين مب قادره اصدق .....
تمت عمتي اتهديني ويا حمياتي ويسئلوني اشفيني
قلت لهم اني تعبانه واللي فيني ارهاق ومضايقه ....
خلوني بعدين بروحي عشان ارقد بس من وين ايي الرقاد من وين ...؟؟؟
كاالعاده ريلي يوم ايكون فالدوام لازم يتصل فيني ويطمن علي ... مارديت عليه ..... كأن عزرائيل داق لي مب ريلي .... وتلفوني قاعد يرن اتذكرت شي شفته فالشنطه اتذكرت اني شفت ورقه كان مكتوب فيها كل الارقام اللي اتخص ........... اللي كانت وياه اللي ما تخاف ربها متزوجه وعندها عيال .....
انا هني ركضت عالشنطه اخذ رقم اي حد من اهلها واكلمها خفت واااايد خفت بما ان هي متزوجه وعندها عيال خفت ان يكون واحد من عيالها ريلي ابوه.....
تميت ادق عالارقام كلها ما ضبطت وياي ....
الا رقم واحد كان رقم ريلها ....
دقيت وانا ميته خووف...
رد علي قلت له وين فلانه قال منو انتي قلت انا ربيعتها وماطاع يعطيني رقمها حاولت وياه قالي شو اسمج وانا بقولها هني انا فكرت
قلت بقول له اسمي الحقيقي واكييد بيقول لحرمته واذا هي لين اليوم متواصله ويا ريلي ريلي بيعرف وبجي لو كان يرمسها لليوم بجكه
فقلت للريلها اسمي وقلت لها سلم عليها واايد وقولها الله فوق وتراه شاف كل شي ...
قال لي شو قصدج فلحظه ضعفت وكنت بقوله عنها كل شي .... بس انا مب جذي ولا اتربيت على جذي ولا احب افضح الناس .....
قلت له مو لازم انت اتعرف قصدي اهي بتعرف .....
مع السلامه وبندت وانا فخاطري اكلمها بس ابى اعرف اذا عندها ضنى من ريلي ..... كنت احترق والله كلمة احترق شويه ....
بعد بندت وريلي يتصل ولا رديت عليه ....
فجأه الا حميتي اتدق علي الباب اتقولي ان ريلي خاف اني مارديت عليه واتصل فيها وهي قالت له اني دخت اترخص من دوامه واحينه راد البيت .....
لملمت الشنطه وحطيتها مثل ما كانت وخليت الباب مفتوح (باب الحجره) وسويت عمري راقده ....
دخل الحجره ركض كان خايف علي ... قرب مني ورفع راسي قالي سلامات بوديج المستشفى
قلت شكرا مابي مستشفى عقبها لاحظ من صوتي اني اصيح ... وعيوني وارمه ....

بكمل عقب شوي عندي ظروف اتخليني اظهر وارد احدر

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ

رقع راسي وقاللي اشفيج انتي مو مريضه انتي زعلانه وشي مضايقنج قوليلي اشفيج ....
ما رديت عليه وبديت اصيح واصيح بحرقه تم يهديني ويحاول يحضني وانا ادزه بس اخر مره حاول يحضني وكان ايقولي اشفيج طحت بحضنه مع اني كنت كارهته...
بس حسيت ان مالي غنى عنه ....
يلس ايهديني وانا اصيح ما قدرت اسكت ....
بعدها هديت اشوي مسحت ادموعي وقلت له بقولك شي بس لا اتقطعني ...
ما صدق اني رمست ....
قلت له الزباله اللي انت حاطلي اياها بالحجره طلعها برع ودور لعمرك مكان لذكرياتك الحلوه غير هالمكان انت لو عندك ذرة احترام لي ما اتحط هالاشيا الوصخه بحجرتي انا اسفه فتحت شي يخصك ..... ورديت ات صياح اكثر عن اول احس فهذيك اللحظه كنت بموت .....
ما بقولكم كيف صار ويهه .....
يلس يحلف لي ايمان انه كان ميمعنهن عسبة يحرقهن بس ما حصل فرصه ....
وعقب خذى القران حط ايده بالمصحف وقاللي والله يا فلانه اني بعد ما تزوجتج ما خنتج ونسيت كل هذي الاشيا والله اني حطيتهم بالحجره مب عشان احتفظ فيهن يمعتهن فهالشنطه وكنت ناوي احرقهن لاني تبت وعرفت ان الله حق ....
اتصدقون يا بنات اني صدقته وسامحته
والله سامحته ماعرف كيف.... ؟؟؟
بعد ما قاللي هالكلام طالعته فعيونه وقلت له ( انا احبك وااايد وانت فنظري عالي ومكانتك عاليه ما كنت ابى شي ينزلك من مكانك وما كنت اباك اتطيح من عيني )
وعقب والله ما حسيت بعمري صرخت وقلت له احلف ان ولا واحد من عيالها ولدك كنت اقوله هالكلام وانا اصيح قلبي اتقطع على حااالي ....
وتم يحلف لي وانا اقوله لالالالالا انته جذاب ترقد وياها وعندها 3 شو ضمنك ولا واحد منهم ولدك حلف عالقران ان ولا واحد منهم لانه كان محاسب فعلاقته وياها ...
يوم كان ايقولي هالرمسه ما اوصف لكم شعوري بنات كان قلبي يحترق
كنت احس كاني ماسكه جمره بيديني ....
قلت له انته زاني .... انته تبت لربك ....
وعقبها واايد كلام دار بيني وبينه ...
وفالنهايه باسني ع راسي وقاللي انتي حرمتي وحبيبتي وكل شي وانا من يوم عرفتج شفت الخير بحياتي ووايد اشيا مو زينه ودرتها .......
انا غلطان اني حطيت ماضيي الخايس بالحجره وانتي غلطانه لانج فتشتي بشي مولج ....
وتم يقنعني عقب اروح وياه نحرق الشنطه واللي فيها ....ما كنت مقتنعه فالبدايه بس بعدين رحت وياه الورقا وهناك بين الرمل حرقنا كل شي ....
بس المشكله بنات انا واااايد مقهوووره وااايد ودايما اصيح لمن اذكر الاشيا اللي قريتها قلبي يحترق وحتى يوم ايي صوبي اذكر انه كان ايسوي هالشي مع وحده غيري واذكر ان جسمه لامس جسم وحده غيري واجز منه وارد اصيح ,......
حالتي ما اتسر العدو
ابى انسى والله ابى انسى اللي شفته بس مو قادره
فوادي يتقطع ع حااللي ....
تعبانه واايد واحس اني ما اطيق اشوفه ...
ادعو لي والله اني تعبانه ....
يااارب ارحمني ....



منقول للفايدة
كتبت : خديجة عبدو
آخر تحديث: 14 يونيو, 2021
السلام عليك حبيبتي.والله قصتك ثاثرث في.عايزاك تعرفي ان ما في اي راجل ما عندو علاقات قبل الزواج اغلبهم .بيصيرو معاهم علاقات.بس انت خير ما فعلت صارحتيه بكل اللي لا قيتيه في الشنطة لو كان سكتت حتتعدبي وايد وايد.مدام زوجك حلفلك ان هدا صار قبل الزواج.وانت صدقتيه خلاص ومدام حرقتوا اللي في الشنطة يمكن هدا دليل على تواب من الماضي.حبيبتي ما تخلي الماضي يخرب حياتك.الماضي انت ما كنت فيه خلاص ماتضيقي نفسك .بالفعل اللي صار صدمة في حياتك بس ما تستسلمي زوجك قلك ان تغير من يوم معرفك.صدقيه حبيبتي.بس يمكن اللي صار حيولد فيك شك كبير انا بنصحك الشك هو اللي بيخرب اي علاقة.ما تخليه يحس بانك تشكين فيه.واترك ها الشك عاجنب واكيد زوجك بيحبك ماتخلي الشك بينكم.وخليكم صرحاء مع بعض.والله يهدي الجميع ويخليكم لبعض ويبعد عنكم كل سوء وتنعموا بحياة سعيدة .
واسفة لاني طولت عليك.
كتبت : عبير ورد
آخر تحديث: 14 يونيو, 2021
عزيزتي عرفت الآن لما الإسلام نهى عن التجسس ليجنبنا في الوقوع مثل هذه المواقف التي نحن بغنى عنها الفضول دفعك إلى العبث في الشنظة والإطلاع على خصوصيات ليس من حقك الإطلاع عليها الكثير من الرجال لهم ماضي إلا ما شاء الله منهم ماذا استفدت لقد قاربت على انهاء زواجك واستعجلت مع أنه ماضي وأراد التخلص منه هذا ليس مبرر طبعا باحتفاظه بهذه الذكريات ولكن قدر الله ما شاء فعل لذا ابدئي صفحة جديدة واغفري الزلة إن الله غفور رحيم أدام الله السعادة بينكما وتقومي بالسلامة والقادم الجديد كفيل بإن تعود الماء لمجاريها
كتبت : حنين الجنان2
آخر تحديث: 14 يونيو, 2021
حبيبتي بجد حسه فيكي ولي شفتيه مو سهل بس زي ماقالو اخواتي الي قبلي مادام زوجك حلفلك
سامحيه وانسي الماضي وخليك واثقه فيه مادام يحبك بجد ويخاف الله مستحيل يخونك
وانتي حاولي تخليه يتقرب من الله ولا تنسي تدعي له
وأحذرك من شي لو جيتي تنامي معاه انسي انو كان ينام مع غيرك لانو الشيطان لعنه الله يذكرك هاذه الاشياء
وخلي ببالك انو ملكك انتي وحبيبك انتي وانتي ام اولاده وحبيبته وزوجته وتاج راسه
وربي يسعدكم ويرزقكم الذريه الصالحه
كتبت : همس العيون الخضراء
آخر تحديث: 14 يونيو, 2021
حبيبتي اولا زوجك غلط واعترف لك وحلف لك انه ما راح يخونك وانتي لازم تسامحيه وتعطيه فرصه يكفر عن ذنبه ولا تحسسيه أنك تشكي فيه بلاش يرجع لنفس الطريق لانكي تغلقي كل ابواب الثقه فيه والله يساعدك على النسيان والزمن كفيل ينسيكي بس ألجئي الى ربك بالدعاء بالهدايه لزوجك وراحة بالكم وانسى كل اشي صار واعتبريها صفحه وانطوت وانتبهي على زوجك وبيتك ولا تخلى الشيطان يدخل بينكم والله كل وحده عانت بما فيه الكفايه ولكن الله يعطينا الصبر والحياه بدها تمشي وكل يوم قولي {اللهم اني استودعك زوجي قلبه وسمعه وبصره وفرجه انت الذي لا تظيع ودائعك} وبالنسبه للمراه التي كان يعرفها انسيها وقولي اللهم اكفنيها بما شئت وكيفما شئت وتوكلي على الله ولسا الايام الحلوه جايه والحياه حلوه ومش هاي نهاية الطريق وساعدي زوجك على الطاعات مثلا صحيه لصلاة الفجر وقولي له نصلي جماعه وعليكي بسهام الليل فهي لا تخطأ أبدا {الدعاء } في جوف الليل والله يريح بالك ويسخر زوجك الك ..................

التالي
السابق