مشكورة يا قمر علي النصيحة الغالية بس انا مع الاخت طموحي لا تنسوا الزكاة وكمان روناء العملات بتتغير طب انا عندي اقتراح والله سمعته من استاذة في الاقتصاد هي بتنفذه علي طوووول بصوا يا قمرات احنا نعمل الحصالة ونعرف الشهر اللي بدانا فيه وبعد سنه نفتحها نشوف معانا كام بالضبط ونكتب الرقم ونقفل الحصالة ونقعد نحوش سنه كمان ( كده هيكون عدي علي المبلغ الاول سنه يعني عارفين زكاته ) ونفتح ونضم المبلغين علي بعض هيكون ان شاء الله مبلغ كويس نطلع الزكاة ونجيب بيهم جنيهات ذهب طبعا الذهب لا بينتهي ولا بيتجدد ونفضل علي الحال دا وعلي فكرة ممكن نجيب نص جنيه او ربع علي حسب اللي حوشتيه وكمان كل يوم الذهب بيرتفع انا كنت جايبة جرام الذهب ال 21 بـ 33 جنيه من 10 سنينن النهارده سعره اصبح 180 جنيه احسبيها بقي
ملحوظة كمااان الذهب مش هيخليكي تتسرعي وتاخدي منه لو مزنوقه زي الفلوس ايه رايكم