لبنيه باللحم من إختراع أم الجوهرة2009
مجتمع رجيم / الاطباق المتنوعة
كتبت :
أم الجوهرة2009
-
بسم الله الرحمن الرحيم
السلام عليكم ورحمة الله وبركاته
هلا بنات رجييييييييييييم
شخباركم حبيبات قلبي
أدري... من زمان ما نزلت لكم شي من طبخاتي
أنا أشتقت أنزل لكم طبخه.. علشان كذا لما طبخت اليوم الغدا جبت الكاميرا وبديت في التصوير
لطبختي اليوم
وبما إني بنزل الطبخه لحبيباتي عضوات رجيم قلت في نفسي لازم يا أم جوجو تشوفين لك طبخه جديده تكون مو مكرره
قمت إخترعت هاذي الطبخه بس الحمد لله نجحت 10 على 10
وأنتو جربوها وشوفو أوكي
أول شي شوفو الصوره وقولو ماشاء الله خخخخخخخخخ
هذا الله يسلمكم أنا أحب الكوسا باللبن وبما أني ماعندي لا كوسا ولا لبن قلت خليني أغير في الطبخه شوي وأقلبها من كوسا إلى لحم
الحين ببدأ في شرح الطبخه
المقادير:
لحم هبر / للسلق( بصله+2فص ثوم+2هيل+2مسمار(قرنفل)+ ملح) / 2علبة زبادي / 2ملاعق طعام دقيق /
بصله متوسطه مقطعه شرايح / 1فص ثوم مقطع شرايح / بقدونس أو كزبرة للوجه
نجيب الله يسلمكم من كل شر لحم هبر وبصله و حبتين هيل و مسمار ( قرنفل ) وفصين ثوم ملح
نحط في القدر ماي لسلق اللحم ونحط المقادير على الماي وبعد مايغلي نحط قطع اللحم ونخليه ينسلق كويس
في هاذي الأثناء نحمر الشعيريه علشان نحطها مع الرز المصري اللي بيتقدم مع لبنية اللحم
المهم بعد ما نحمر الشعيريه نحط الرز المصري والملح ونسويه بالطريقه العاديه اللي أكيد كلكم تعرفونها
خلصنا من موضوع الرز وسامحوني لأني ماصورت الخطوات والله ماكان قصدي بس كنت مركزه
في الطبخه الأساسيه ونسيت لأصور خطوات الرز سامحوووووووووني
نرجع لطبختنا الأساسيه
بعد ما سلقنا اللحم نشيل قطع اللحم من الماي وننظف الماي من البهارات اللي حطيناها
نحتفظ بالمرقه اللحم علشان نسوي فيه شوربه في وقت ثاني بس خذي منه مقدار مغرفتين شوربه
بنستخدمه بعد شوي والباقي حطيه في حافظه في الثلاجه تمام...
في قدر نحط شوي بصل مقطع شرايح وفصين ثوم مقطع شرايح مع شوي زيت على النار ونحركه لحد ما يشقر
في هذا الوقت نخلط علبتين زبادي مع 2ملعقة طعام دقيق وملح
بعد مايشقر البصل شوي من غير ما يتحمر نحط فوقه قطع اللحم اللي سلقناها
ونقلبه شوي وبعدين نحط فوقه خلطة الزبادي ونحرك كويس وإذا ثقل شوي نصب عليه مرقة اللحم
اللي قلت لكم خلوها على جنب(مغرفتين المرقه اللي خليتوها على جنب ذكرتوها خخخخخخ)
وتحركون وبعد ما يبتدي يغلي الخليط نصبه في صينيه بايركس ونحط فوقه شوية كزبره أو يقدونس على الوجه
وتحطينه في الفرن الحااااااااااااااار لحد ما يسخن مضبوط
ونحمره من فوق ويقدم مع الرز المصري بالشعيريه وبالعافيه على قلوبكم
وسامحوني على اللخبطه اللي في الموضوع وأي سؤال أنا في خدمتكم حبيباتي
ليس منقول خاااااص وحصري لمنتدى رجييييييييييييييييييم
ماعندي مانع ينقل الموضوع بس ما أسامح من ينسب تعبي لنفسه أتمنى ذكر المصدر و لا تنسوني بدعوه حلوة ودمتم لي حبيباتي
