يومياتي لتنظيم حياتي
مجتمع رجيم / أرشيف رجيم
كتبت :
كلمة صدق
-
عندي فكرة موضوع .. احتمال انه يكون مكرر مش عارفة ..
ولو مكرر بدعي ربنا انه مش يتحذف
بس انا حبيت ابدأ موضوع جديد واتمنى اني الاقي تشجيع
انا عندي مشكلة ازلية ..
ان البيت عندي دايما منكوش ههههههه ...
انا متزوجة من سنتين ونص تقريبا ... اول تسع اشهر من زواجي بس هم اللي كان البيت فيهم شبه منظم ...
وبقول شبه لان كان فيه حمل .. واول 3 شهور كنت تعبانة جدا من الوحم وكان صعب عليا اني اعمل اي حاجة .. خاصة مع القيئ والغثيان
المهم بعد الولادة طبعا بقى فيه بيبي وكان النوم عزيز جدا جدا خاصة انها مش كانت بتنام الا ساعات قليلة جدا
ومع ذلك كنت بحاول على قد ما اقدر اني انظم البيت ....
حاليا بقى عندي 2 بيبيهات ... الكبيرة سنة و8 شهور والصغيرة 8 شهور ..
وعلى بال ما ارتب غرفة واتنقل للي بعدها الاقي بنتي ربنا يهديها كركبت الدنيا تاني
ده طبعا غير ان الوقت ضيق جدا مش بلحق اخلص فيه حاجة
يعين لو كنت ناوية مثلا اوضب المطبخ (غسيل مواعين - وتنظيف البوتجاز - ومسح الارضية)
ابص الاقي اليوم هرب مني مش عارفة ازاي ولازم يكون فيه حاجة مش انتهت
طبعا متخيلين مدى المأساة اللي بعيشها ...
انا بجد نفسي ابدأ أنظم يومي عشان اقدر أنظم حياتي صح ...
لاني بجد زهقت من حياتي كده .. وايامي كلها شبه بعض وكلها غير منظمة ...
ياترى هقدر ؟؟ ياترى هلاقي حد يشجعني ؟؟
والسؤال الاهم .. ياترى فيه حد زيي ؟؟؟؟؟
عشان كده فكرت اني اعمل الموضوع ده
لبداية حياة منظمة .. ولبيت دائما مرتب ونظيف
هاااااا
مين هتبدأ معايا عشان تشجعني نكتب يومياتنا