حبيبتى فكرتينى بذكريات حلوة
اسماء ولادى كان ليهم قصة فى منتهى الروعة !!!
لما كنت مخطوبة كنت جالسة انا و هو فى البلاكونة و بعدين لقيتة بيقولى انتى نفسك تسمى ولادنا اية قولتله انتى اختار الولاد و انا هختار البنات
فقال لى انا بحب عمر ابن الخطاب و نفسى اسمى الولد عمر
و انا قلت لة انا نفسى اسمى بنتنا ندى
قال لى بس لسة باقى كتير قلت لة هو واحد بس ولو مش عارف تختار انا اقترح زياد ففرح اوى بالاختيار
و فى اثناء الحديث دخلت اختى الصغيرة فعرض عليها الاسماء فراحت ضحكت و قالت ثلاثة و الله شكلكم هتجبوهم تؤائم
و فعلا ذى متكون بوابة السما كانت مفتوحة عمر و ندى و زياد جوم تؤائم
و لما زياد حبيبى كان تعبان فى الحضانة و كان كل الاطباء فاقد الامل فى ان يعيش قلت لزوجى نخلى اسمة احمد فهو رفض بشدة و قال دوم الاسماء اللى اخترناها فى الخطوبة و لا يمكن اغيرها ابدا اما مريم فكان الاختيار صعب لحد يوم الولادة كنا مترددين نسميها اية كنت ناوية على نورين بس مكنتش لا انا و لا زوجى مقتنعين بية و لما راح يسجلها اصحابة معجبهمش الاسم فاتصل بى على الموبيل و قال لى مبلاش نورين اية رائيك فى مريم قلت لة تمام و وفقت على الرغم من ان اخى الكبير مسمى مريم بس حبيت احتلرم رائ زوجى
بس طولت عليكم صح
بس حبيت احكلكم الحكاية العجيبة دى