الله يجزكي خير عالموضوع الرائع ...
وكانك حاسه فيني محتاجه اشوف تجارب الاخوات عشان تنرفع معنوياتي لاني حاسه بكابه من وزني حاليا...
قصتي المتواضعة بكل خجل ..هذا قبل 4سنين 2006
طبعا مثل الكل اهملت نفسي وسبت الحبل عالغالب واخرهمي الميزان ..
الى غاية ما جاء ابن الحلال اللي دق بابنا .. ولما ربي تمم الخطبة على خير ..بديت اصحى واشوف نفسي ..
طلعت عالميزان وانصدمت ..كان وزني وقتها 98 كيلو
..وشلون عروس بهالوزن ؟؟؟
فقررت انحف بالرياضه والريجيم في البيت طبعا ما فدني لاني ما اعرف شي ..
ربي فتح على اهلي ووافقوا اني اروح نادي رياضي ولكن بالمستشفى ... وفي شرط يشوفوا النتايج من البدايه او اجلس بالبيت (عائلتي جدا محافظة)
فالحمدلله مع المدربه واخصائية التغذيه ... والرياضة كانت عبارة عن ساعتين في اليوم .. ويوم اروح ويوم لا ... وبالبيت اكثر الوقت امشي ...
ساعة اجهزة على السير والساعة الثانية ايروبكس وستبس وحركات بالعصى يعني من الى ..الله يذكر المدربة وفاء بالخير وربي يحفظها من كل شر وما انسى دكتورة غسانه
وصلت لوزن جدا جيد بخلال 4 اشهر والحمدلله 75 كيلو ووقفت الاشتراك وقررت المواضبة بالمنزل ... والحمدلله في البدايه زدت 3كيلو وصرت 79 كيلو..
ولكن مع الاصرار والعزيمه والتجهيز للعرس نزلت وصار وزني بين 69و70والجسم مشدود الحمدلله ...
ومرت الشهور ومع حملي الاول والفيتامينات انتفخت بالحيل والكل يقول عادي بيروح بعد الولاده وكنت امتن بشكل مو طبيعي وللاسف وصل وزني 104
وبعد الولادة ما نزل واجد ...ولما صار عمر ابني 8شهور قررت ابدا اخفف الحلا والاكل وايام بلا عشاء...
ورياضتي المشي لمدة تتراوح ما بين ساعة الى ساعة ونص ... ولكن لابسه بدلة الساونا ... وهذه البدلة لها فايدة غير التخسيس ... نعومه البشرة كانك بساونا..
نزل وزني الى 87كيلو ... ولكن فرحتي ما دامت كثير لاني ...
حملت وزاد وزني مع الحمل ..الحمدلله على كل حال ...
الحين انا جبت بنوته زي القمر .. ولسى انا ماكملت الاربعين .. ووزني 98 كيلو ..
وحاسه باحباط شديد ..
وهذه قصتي ..
