الدنيا كما ترونها من وجهة نظركم!!!!!
مجتمع رجيم / مسجات الجوال
كتبت :
رقة زمان
-
حبيباتى و اخواتى انا خطرت على بالى فكرة غريبة معرفش هى جاتنى لية و هى انى اعرض عليكم ان كل واحة مننا تعرض رئيها عن الدنيا و عن الناس و دى من خلال و جهة نظرها
انا مثلا شايفة ان الدنيا متستهلش و ان الانسان منا المفروض انة يعيش فى حالة بعيد عن كل الناس لان انا تعبت اوى من علاقتى بالناس و من غدر الناس بجد سببولى الام نفسية كبيرة لان معظم الناس اللى اتعملت معاهم بيتعملوا بمنطق المصلحة فوق اى شئ و انا بتعامل معاهم من منطق الايثار ايوة الايثار بحب الخير للى امامى قبلى انا و بفرح باخلاص لاى فرح عندهم و بحزن لاى حزن عندهم و بعطى كتيييييييييييييييييييييييييييير بلا مقابل بس بتقابل بمعاملة عكس كل دى
مش عارفة هو انا غلط و لا الدنيا اللى اتغيرت
عارفين هحكيلكم على حاجة حصلت لى و انا فى الكلية و اتكررت السنة دى مع ولادى
انا كانت لى صديقة بحبة جدا و فى سنة اولى جامعة هى تفوقت عليا فى التقدير و الله انا حسيت ان انا اللى تفوقت و فرحت لها جدا
جيت انا فى سنة تانية طلعت الاولى على الدفعة و هى تاخرت عنى تعرفوا و الله انا بكيت لانى كنت بتمنى تتفوق مثلى
بس للاسف هى كانت غيرانا جدا منى
انا حكيت لكم على القصة دى و حدث لى مثلها كتير
اية رايكم مش الاحسن انى ابعد عن كل الناس ؟